Tweet
يوميات مواطن مطحون - فى مرور ولا مصلحة السجون
أعزاءى مرتادى المنتدى
قبل ان ابدأ فى سرد معاناتى اعلم ان كثير منكم عانى نفس المعاناة ربما اكثر وربما اقل
على اى حال حكى ورزقى على الله
ان اوان لتجديد الرخصة بعد 3 سنين من تكبير الدماغ واشترى نفسك يا حبوب ولو ان المرة دى هتدفع فى نفسك بتاع باكو
المهم روحت وانا حاطط ايدى على قلبى احلى مرور فى الجمهورية - المرور اللى مرحهوش فاتة نص عمره (واللى راحه فاته عمره كله ) طبعا كلنا عرفناة
مرور السلام
وما ادراك ما هو مرور السلام عاااااالم من المعاناه ويبقى امه داعيه عليه اللى يضطر يروحه (يضطر عشان مفيش عاقل يروح بمزاجه)
كل المطلوب استخراج شهادة بيانات عشان عزلت وعايز انقل (او اصح افلت) من المرور دة (عقبالكم جميعا)
كنت رايح وعارف انى هقضى يوم على الاقل وبقول لنفسى اى حاجة تهون عشان تطفش من وشهم
والقله فى العربية عشان اكسرها على باب المرور
المهم بعد متحفر طريقك داخل المرور (اللى ميعرفش يروح يتفرج فكرونى بأيام الشعبطة فى الاوتوبيسات مع فرق السن الواحد مبقاش طايق حد يلمسه)
المهم مش هتعرف تسأل غير اخواتك المواطنين الغلابة لأنك لو حاولت توصل لحد من الموظفين فى الشبابيك هتضرب وتتزق دا غير الشتيمة اللى هتاخدها من الواقفين فى الطابور
دة لو فيه طابور لأن معظم الشبابيك حواليها كورة من البشر يصعب اختراقها
اخيرا لقيت شباكين للبيانات واحد بتاع مدام نجوى وواحد بتاع أ البير
اخترت الاول مخدوعا فى شكل الطابور
الموهم الهانم نجوى كانت تتلزز بذل المواطنين وعلى سبيل المثال لا الحصر من الحاجات اللى قالتها لأمثالى من المساكين فى الطابور ( واللى انا كنت تقريبا اصغرهم 33 سنة بس)
اللى مش هيخرس مش همشيله ورقه
اخرسو بقى يا منيل انت وهو
ربنا ياخدكو ويريحنى منكو
يا رب تجيلكو مصيبه متعرفو تنطقوا تانى
اتهد يبنى انت (لراجل على الاقل 55 واقف جمبى)
كل دة وشعار الواقفين لو لك عند نجوى حاجه قلها يا يتى يا استازة يا هانم يا باشا وخلافة من التعظيم اللى مبيجبش نتيجة
حتى فيه واحد ظرفها 10 مع الورق شتمته بعدها بخمس دقايق بصلها قوى اللى جمبه قله تلاقيها نسيت
تدفع متدفعش مش هتمشى يعنى مش هتمشى حتى العيال اللى بتخلص ورق كلهم مشغولين من كتر الضغط
على فكرة انا مش ببالغ ولسة بعرج من وقفتى فى الطابور بتاع نجوى 4 ساعات قبل متتكرم وتاخد الورق بالمحايلة الساعة 3 الاخمسة عشان نلحق الخزنة
والهانم لما سالها الكباره اللى قصادى قلتلو منا لو مشتكو البير هيبعتلى شوية من شباكه !!!!!!!!
بعد مأخدت الورق اتلطعت حولى 4 ساعات تانيين عشان استلم شهادة البيانات
حراااام يا ناس ولا مش حرام
على فكرة من اليوم انا بقيت تابع لمرور النزهة احكيلكو بسرعة ازاى رخصت فى ساعة وربع ولا بلاش عشان محدش يتعقد
الواحد لازم يقول اللى لية واللى علية
حكيلكو بسرعة على نقاط اللى خلتنى مش مصدق انى فى مصر (دانا لسه متمرمط فى السلام يوم الحد)
الموظفين قاعدين برة فى الجنينة على مكاتب مظلله وفى مراوح كبيرة زى بتاعة تشيليس
الموظف قالى تعالى الناحيادى يا بية (بية !!!!) من الشمس
الموظف كتبلى كل المطلوب منى وقالى عشان متروحش وتيجى (هم 10 متر اروح واجى ايه)!!!!
بالرغم من عمة الموظف ظابط كبير (نسر ونجمه) كان ماشى ددبان عمال بيمشى اوراق الناس ويشرحلهم اية المطلوب منهم وغاية فى الاحترام لدرجة انه اعتزر لمواطنين (عاديين يعنى مش كوسه) وقالهم متأسفين عالتأخير !!!!!!!!
على الشبابيك جوة مش المفروض حد يقف الراجل جة وقف ورايا الموظف قاله اتفضل استريح وانا اندة لحضرتك لما اخلص!!!!
الصاله مشغلين قناة نيكولوديون للكرتون ( يا رتنى جبت العيال)
ادونى لوح جديدة ومثلث وشنطة اسعافات عالبيعة والنظام هايل حتى العيال اللى بتركب اللوح ليهم دور بره
ارجو انى مكنش طولت عليكو بس انا كنت عايز افضفض ويمكن حد يوصله الكلام دة وياخد باله ان مرور السلام دة محتاجين يولعو فيه ويعملو منه على الاقل 4 مرور يخدمو امناطق المتضررة ( السلام - عين شمس - المرج (ينهار اسود نص الجمهورية )+ اجرة الجمهورية كلها)
سلام لا بلاش سلام هقول نزهة بعد كدة
اكرم
قبل ان ابدأ فى سرد معاناتى اعلم ان كثير منكم عانى نفس المعاناة ربما اكثر وربما اقل
على اى حال حكى ورزقى على الله
ان اوان لتجديد الرخصة بعد 3 سنين من تكبير الدماغ واشترى نفسك يا حبوب ولو ان المرة دى هتدفع فى نفسك بتاع باكو
المهم روحت وانا حاطط ايدى على قلبى احلى مرور فى الجمهورية - المرور اللى مرحهوش فاتة نص عمره (واللى راحه فاته عمره كله ) طبعا كلنا عرفناة
مرور السلام
وما ادراك ما هو مرور السلام عاااااالم من المعاناه ويبقى امه داعيه عليه اللى يضطر يروحه (يضطر عشان مفيش عاقل يروح بمزاجه)
كل المطلوب استخراج شهادة بيانات عشان عزلت وعايز انقل (او اصح افلت) من المرور دة (عقبالكم جميعا)
كنت رايح وعارف انى هقضى يوم على الاقل وبقول لنفسى اى حاجة تهون عشان تطفش من وشهم
والقله فى العربية عشان اكسرها على باب المرور
المهم بعد متحفر طريقك داخل المرور (اللى ميعرفش يروح يتفرج فكرونى بأيام الشعبطة فى الاوتوبيسات مع فرق السن الواحد مبقاش طايق حد يلمسه)
المهم مش هتعرف تسأل غير اخواتك المواطنين الغلابة لأنك لو حاولت توصل لحد من الموظفين فى الشبابيك هتضرب وتتزق دا غير الشتيمة اللى هتاخدها من الواقفين فى الطابور
دة لو فيه طابور لأن معظم الشبابيك حواليها كورة من البشر يصعب اختراقها
اخيرا لقيت شباكين للبيانات واحد بتاع مدام نجوى وواحد بتاع أ البير
اخترت الاول مخدوعا فى شكل الطابور
الموهم الهانم نجوى كانت تتلزز بذل المواطنين وعلى سبيل المثال لا الحصر من الحاجات اللى قالتها لأمثالى من المساكين فى الطابور ( واللى انا كنت تقريبا اصغرهم 33 سنة بس)
اللى مش هيخرس مش همشيله ورقه
اخرسو بقى يا منيل انت وهو
ربنا ياخدكو ويريحنى منكو
يا رب تجيلكو مصيبه متعرفو تنطقوا تانى
اتهد يبنى انت (لراجل على الاقل 55 واقف جمبى)
كل دة وشعار الواقفين لو لك عند نجوى حاجه قلها يا يتى يا استازة يا هانم يا باشا وخلافة من التعظيم اللى مبيجبش نتيجة
حتى فيه واحد ظرفها 10 مع الورق شتمته بعدها بخمس دقايق بصلها قوى اللى جمبه قله تلاقيها نسيت
تدفع متدفعش مش هتمشى يعنى مش هتمشى حتى العيال اللى بتخلص ورق كلهم مشغولين من كتر الضغط
على فكرة انا مش ببالغ ولسة بعرج من وقفتى فى الطابور بتاع نجوى 4 ساعات قبل متتكرم وتاخد الورق بالمحايلة الساعة 3 الاخمسة عشان نلحق الخزنة
والهانم لما سالها الكباره اللى قصادى قلتلو منا لو مشتكو البير هيبعتلى شوية من شباكه !!!!!!!!
بعد مأخدت الورق اتلطعت حولى 4 ساعات تانيين عشان استلم شهادة البيانات
حراااام يا ناس ولا مش حرام
على فكرة من اليوم انا بقيت تابع لمرور النزهة احكيلكو بسرعة ازاى رخصت فى ساعة وربع ولا بلاش عشان محدش يتعقد
الواحد لازم يقول اللى لية واللى علية
حكيلكو بسرعة على نقاط اللى خلتنى مش مصدق انى فى مصر (دانا لسه متمرمط فى السلام يوم الحد)
الموظفين قاعدين برة فى الجنينة على مكاتب مظلله وفى مراوح كبيرة زى بتاعة تشيليس
الموظف قالى تعالى الناحيادى يا بية (بية !!!!) من الشمس
الموظف كتبلى كل المطلوب منى وقالى عشان متروحش وتيجى (هم 10 متر اروح واجى ايه)!!!!
بالرغم من عمة الموظف ظابط كبير (نسر ونجمه) كان ماشى ددبان عمال بيمشى اوراق الناس ويشرحلهم اية المطلوب منهم وغاية فى الاحترام لدرجة انه اعتزر لمواطنين (عاديين يعنى مش كوسه) وقالهم متأسفين عالتأخير !!!!!!!!
على الشبابيك جوة مش المفروض حد يقف الراجل جة وقف ورايا الموظف قاله اتفضل استريح وانا اندة لحضرتك لما اخلص!!!!
الصاله مشغلين قناة نيكولوديون للكرتون ( يا رتنى جبت العيال)
ادونى لوح جديدة ومثلث وشنطة اسعافات عالبيعة والنظام هايل حتى العيال اللى بتركب اللوح ليهم دور بره
ارجو انى مكنش طولت عليكو بس انا كنت عايز افضفض ويمكن حد يوصله الكلام دة وياخد باله ان مرور السلام دة محتاجين يولعو فيه ويعملو منه على الاقل 4 مرور يخدمو امناطق المتضررة ( السلام - عين شمس - المرج (ينهار اسود نص الجمهورية )+ اجرة الجمهورية كلها)
سلام لا بلاش سلام هقول نزهة بعد كدة
اكرم
Comment