إعـــــــلان

Collapse

.

,
See more
See less

لمن يهمه الامر-خطوات تجديد الرخصة والنمر الجديدة

Collapse
X
 
  • Filter
  • الوقت
  • Show
Clear All
new posts

  • لمن يهمه الامر-خطوات تجديد الرخصة والنمر الجديدة

    السلام عليكم ورحمة الله
    الحمدلله بعد معاناة يومين متواصلين داخل مرور فيصل قمت بتجديد الرخصة وتركيب النمر الجديدة واستلام المثلث وشنطة الاسعافات(ماروتي 2008 بالتقسيط طبعا لازم جواب من البنك عشان اجدد الرخصة) كالتالي:

    اليوم الاول
    1-الكشف علي المخالفات في نيابت المرور والحمدلله مطلعش علي حاجة دفعت 5 جنبه(طبعا واقف من السعة 8 طابور وبدوا حاولي 9.15 ياخدو الرخص وعل 10 بداو يسلموها بعد الكشف عن المخالفات في واحد طلع عليه 6190 جنيه
    2-دفعت التامين الاجبار(65 جنية) والضرايب(145)طبعا وللاسف عن سنة واحدة لان عربيتي بالقسط كان نفسي ارخص 3 سنين
    3-عرفت ان في اجراء جديد وهو تسجيل البطاقة في المرور للكشف اذا كنت صاحب سوابق او حاجة زي كده وبردو كان في طابور طويل
    وبكده خلص اليوم الاول..............................
    اليوم التاني:
    1-اشتريت نموذج 351 مرور ب 10 جنيه من الخزنة بردو في طابور بس مش طويل لان كنت تاني واحد علي الخزنة وجمعت كل اللي فات في دوسيه وسلمتو في شباك التجديد وطبعا دا كان بعد موقفت ساعة في طابور طويل اما شباك التجديد...
    2-اخدت ايصال ادفع بيه رسوم النمر الجديدة 140 في الخزنة طبعا في طابور طويل........
    3-رجعت اسلم الوصل بعد مادفعت تاني في شباك التجديد وبردو في طابور طويل.......
    والحمد لله استلمو مني الدوسيه وقالولي اخلع النمر القديمة عشان اسلمها واستني عشان تسمع اسمك
    خالي بالك من اللي جاي الروتين القاتل.....
    بعد حوالي ساعة ونص سمعت اسمي وبدل ما استلم الرخصة والنمر الجديدة واسلم القديمة لقيت:
    1-ادوني وصل اسلم بيه النمر القديمة في مخزن اللوحات القديمة طبعا في طابور طويل....
    2-بعد ما سلمت اللوحات القديمة ادوني وصل استلم بيه الرخصة الجديدة بردو في طابور طويل.....
    3- بعد ماستلمت الرخصة قالولي صورها واكتب اقرار استلم للمثلث والشنطة وبردو دا كان في طابور طويل
    والحمد لله اخيرا استلمت الرخصة والنمر والمثلث وشنطة الاسعافات بعد 3 ساعات كان المفروض ضاعو في طوابير من غير اي معني
    (((((اسف للاطالة بس حبيت اوضح الصورة اللي انا شفتها في مرور فيصل عشان اللي من سوء حظه طبع مرور فيصل زي يكون عندو فكرة...)))
    وشكرا أبو مريم......

  • #2
    جزاك الله الف خير
    وكان الله في العون
    وجمدالله علي السلامة يارجل .... ...
    وكدة انا هشيل من دماغي فكرة امتلاك عربية ..لان حياتي مش ناقصة طوووابير

    Comment


    • #3
      السلام عليكم ورحمة الله وبركاته
      طمنتنى يا ريس انا رايح بكرة

      Comment


      • #4
        ههههههه دا كدا النعيم انتا مشفتش مرور السلام

        Comment


        • #5
          انتو فى نعمه يا جماعه و الله تعالو شوفو مرور المنصورة عامل ازاى منتهى الماساة اللى شفتها فى حياتى حالات اغماء لكبار السن و السيدات و مشاغبات بين الشباب لتخليص الاوراق على شباك الملاكى و الله ماساة حقيقيه انا قعدت اسبوعين عشان اسلم نمر و ادفع ضريبه و شهادة بيانات كنت فى حرب فعلا و فكرت ابيع السيارة و لو بنصف ثمنها عشان انتهى من القصه دى و افوق لحياتى و شغلى و فى الاخر جبت عسكرى خد منر 200 جنيه عشان يخلصلى و خلصلى فى 3 ايام بردو منتهى الماساة مفقيش نظام و لا ادميه وزى ما يكون بنرخص طيارة

          Comment

          Working...
          X