إعـــــــلان

Collapse

.

,
See more
See less

كيفيه نقل ملكيه سيارتك ( بالتفصيل الممل )

Collapse
X
 
  • Filter
  • الوقت
  • Show
Clear All
new posts

  • #46
    مع العلم ان معاا عقد بيع مسجل والكلام ده من فترة كبيرة يعني تقريبا في اخر 2008
    وايه حكاية الشهر ده ؟؟؟
    وسؤال كمان...مش لما ميعاد الرخصة بينتهي ليك شهر ولا الكلام ده اتلغي ؟؟؟
    kkkkkk_kkkkkk سابقا

    Comment


    • #47
      شكرا جزيلا على ردودكم الكريمه ويارب الموضوع يكون بقدر الافاده المرجوه

      المشاركة الأصلية كتبت بواسطة karim_mohy مشاهدة المشاركة
      سؤال يا استاذ احمد
      هو لو تجديد الرخصة ونقل الملكية مع تركيب النمر الجديدة لازم معاه فحص؟؟
      مع العلم ان رخصة السيارة مكتوب فحص 2011؟؟؟
      المشاركة الأصلية كتبت بواسطة karim_mohy مشاهدة المشاركة
      مع العلم ان معاا عقد بيع مسجل والكلام ده من فترة كبيرة يعني تقريبا في اخر 2008
      وايه حكاية الشهر ده ؟؟؟
      وسؤال كمان...مش لما ميعاد الرخصة بينتهي ليك شهر ولا الكلام ده اتلغي ؟؟؟
      والله معنديش فكره ليه اشتراط الفحص مع النمر الجديده لكن ربما يكون علشان ميبقاش فى عربيات متهالكه ماشيه بالنمر دى

      بالنسبه للشهر انا مجربتش انى استنى يخلص واشوف ايه اللى هيحصل بعده بس الكلام المعروف واتاكدت منه فى المرور ان فعلا فى غرامه لو سجبت واتاخرت بعد التسجيل اكتر من شهر فى نقل الملكيه

      الشهر المهله بعد الترخيص موجود بس انك تخلص خلاله الورق فى المرور او يكون فى مشكله فى العربيه مثلا وهتظبطها وبعدين تدخل تجديد لكن كتير قوى اللجان بترخم على الناس بمجرد ما الرخصه تنتهى
      [CENTER]
      [SIZE=4][COLOR=DarkRed][B][FONT=Comic Sans MS]إفـلــت زمـام امـالــك[/FONT][/B][/COLOR][/SIZE]
      [/CENTER]

      Comment


      • #48
        الف شكر ليك يا استاذ احمد
        بس ماتعرفش الغرامة قد ايه وهل ليها علاقة بنوع العربية والعربية نوعها 128
        kkkkkk_kkkkkk سابقا

        Comment


        • #49
          المشاركة الأصلية كتبت بواسطة karim_mohy مشاهدة المشاركة
          الف شكر ليك يا استاذ احمد
          بس ماتعرفش الغرامة قد ايه وهل ليها علاقة بنوع العربية والعربية نوعها 128
          لا والله يا استاذ كريم معرفش هى ثابته ولا ليها علاقه بالعربيه

          انا برده سألت عنها كتير وملقتش حد يفيدنى لان الكل بيهرب منها
          [CENTER]
          [SIZE=4][COLOR=DarkRed][B][FONT=Comic Sans MS]إفـلــت زمـام امـالــك[/FONT][/B][/COLOR][/SIZE]
          [/CENTER]

          Comment


          • #50
            جزاك الله خيرا يا استاذ احمد
            kkkkkk_kkkkkk سابقا

            Comment


            • #51
              الف شكر علي الموضوع الجميل المفصل
              جزك الله خيراً
              .....
              Nothing is better
              Than
              The wind to your back,
              The sun in front of you,
              .And your friends beside you

              Comment


              • #52
                جزاك الله خيرا

                Comment


                • #53
                  إستفادة رائعة

                  جزاكم الله خيراً
                  والله شرح وافي وإستفادة رائعة للجميع
                  ولكن يبقى موضوع الضريبة على السيارات
                  كم قيمتها ؟ وعلى أي أساس يتم إحتسابها ؟
                  وبارك الله فيكم

                  Comment


                  • #54
                    المشاركة الأصلية كتبت بواسطة ahmed0nouh مشاهدة المشاركة
                    سلام عليكم ورحمه الله وبركاته

                    اولا اجراءات نقل الملكيه

                    اول الاجراءات كانت بالطبع فى الشهر العقارى لتسجيل عقد بيع

                    الاوراق المطلوبه

                    كل توكيلات العربيه وتكون مرتبها بترتيب عملها وياريت تكون مدبسها

                    صور بطاقتك 3 صور احتياطى ( لو كنت انت الشارى والبايع لكن لو البائع الاصلى موجود تصور بطاقته هو كمان ) وصور كل التوكيلات صورتين

                    هتدخل على مكتب بيع النماذج تشترى عقد بيع وتملى البيانات وبعدين تدخل على موظف تسجيل العقود

                    هياخد منك كل الورق مع صورتين البطاقه وصوره من التوكيلات وهيملى البيانات وبعدين يبعتك لموظفه تقدير الرسوم

                    هتروح بالعقد تقدر الرسوم وبعدين تروح تدفع فى الخزنه

                    بعد ما تدفع هترجع بالوصل والعقد للموظف بتاع التسجيل بخلص لك العقد وتروح تختمه من مكتب مدير الشهر العقارى

                    ارجع بالعقد للموظف بتاع التسجيل للتأكد ان مفيش اى ختم ناقص لان اللى بيختم بيكون بيرغى او بيفطر وبينسى ساعات اختام ولو قالك تمام كدا خلاص

                    قبل ما تمشى اتاكد انك اخدت كل التوكيلات من الموظف واوعى تنسى اى ورق عنده هو مش هياخد غير بس صور ومفيش اى اصول هياخدها

                    اجراءات التسجيل بسيطه ومش بتاخد وقت المهم تدور على شهر عقارى يكون مفيش عليه ضغط قوى

                    ملحوظه : لو مش انت اللى هتعمل الاجراءات فى المرور وهتوكل حد وانت واقف اعمل توكيل اداره من العقد اللى لسه مسجله للشخص اللى هيروح المرور علشان محدش يضايقه هناك وهو بيكون نفس خطوات العقد بالظبط وبيتكلف 10 جنيه

                    ------

                    مشوار المرور لنقل الملكيه

                    قبل ما تروح المرور صور رخصتك وبطاقتك ورخصه العربيه لو معاك توكيل اداره صور بطاقتك والتوكيل واشترى ملف فاضى من برا حط فيه الهيصه دى كلها

                    ( نصيحه خد معاك ظرف كبير او اى حاجه مقفوله تلم فيها كل صور الورق دى علشان تكون سهله وسريعه تطلعها وانت قصاد الشباك صدقنى هتدعيلى لما تعرف ليه بعد كدا )

                    اول حاجه ادخل شباك النماذج قوله عايز نموذج نقل ملكيه بعدد السنين اللى انت عايز ترخص بيها ( سواء كان سنه او 3 سنين )

                    وبعدين خد النموذج ومتملاش فيه اى بيانات غير بس فى نموذج نقل الملكيه نفسه اكتب اسم صاحب الرخصه الجديده والعنوان ورقم التليفون بس

                    روح اشترى طفايه وقول للراجل فى الشباك متكتبش رقم العربيه على الطفايه علشان بنقل ملكيه وخليه يكتبلك رقم الموتور والشاسيه على الطفايه بس وهياخد منك ورقه حمراء بتاعت الطفايه فى الورق اللى اشتريته يختمهالك ( الطفايه ب 121 جنيه )

                    ادخل مكتب التامين الاجبارى قوله عايز تامين سنه او 3 سنين حسب ما انت هترخص هيديك اصل وصوره الاصل فى الملف والصوره خليها معاك

                    خد عربيتك وادخل الفحص وادى للمهندس ورق الفحص ( ورقه مكتوب عليها نموذج فحص وورقه بتاعت نموذج البيئه )

                    هياخد البصمتين وهيخلصلك الورقه

                    ( فى عربيات معينه لازم تعمل عنها استعلام فى المباحث وده حسب اوامر الوزاره ومنهم اللانسر )

                    لو قالك اعمل استعلام هتاخد نموذج الفحص وتطلع مكتب المباحث تقدمه وهياخد منك بطاقتك والرخصه وبعدين يخلص ويديلك الورق تنزل تانى للفحص يديك الموافقه

                    كدا انت جاهز لشباك نقل الملكيه

                    روح بقا على عربيتك فك النمر وخدها معاك وادخل

                    وانت داخل عدى على مكتب تصوير المستندات اشترى 4 استعجالات هيطلبهم منك جوا

                    خد بالك حتى الان معاك ملف اللى كان فاضى بقا فيه كل النماذج اللى ادهالك بتاع الشباك ومعاها الدمغه بتاعتها اللى ادهالك برده

                    ومعاك الظرف اللى فيه صور بطاقتك والرخصه وتوكيل الاداره ان وجد

                    ملحوظه مهمه جدا : ( لو كنت موكل عن صاحب الرخصه لازم يكون معاك اصل بطاقه اللى الرخصه هتكون بأسمه )

                    توكل على الله وخد نفس عميق وادخل فى طابور شباك نقل الملكيه وخليك صبور واتعرف على الناس اللى فى الطابور صدقنى الموضوع مسلى انا يومها اتعرفت على دكتور ومدرس وطالب هندسه :):)

                    وصلت للموظف والحمد لله اظرفه الملف بكل ما فيه وخلى النمر فى ايدك دلوقتى

                    هيقعد يملا البيانات وخلافه وهياخد وقت شويتين وبعد ما يخلص ان كنت سمعت كلامى مش هيطلب منك حاجه تانى

                    طبعا هتلاقيه قالك روح صورلى اى حاجه وانت جاهز معاك كل الصور لو مصورتش بقا هتخرج من الطابور تصور وترجع تقف تانى فى الطابور علشان كدا قولتلك فى الاول كل ورقه صورها 3 نسخ وخليها معاك عدا النماذج

                    بعد ما يخلص خالص ويقولك صباح الفل وخلافها هيطبعلك ورقه فيها تقدير الرسوم وهياخد منك النمر علشان تروح تدفع فى الخزينه الرسوم المستحقه وربنا يكفيك شر طابور الخزنه

                    دفعت فى الخزنه وخدت الوصل ولسه عايش هترجع تدى اصل الوصل لشباك نقل الملكيه بقا من جنب الطابور كدا وهيديك ورقه فيها بيانات عربيتك الجديده يقولك صورها صوره ويقولك هات 4 استعجلات طبعا انت جبتهم اساسا هتديهومله

                    هتصور الورقه وترجعها له وتخرج بقا تستنى عند شباك تسليم الرخص

                    خليك صاحى عند الشباك ملفك هيتراجع جوا الاول لو فى اى مشاكل هيندهلك تانى يقولك تعالى جوا فى مشكله

                    لو براءه هينده عليك تستلم رخصتك بأصل بطاقه اللى الرخصه بأسمه علشان يتأكد ان انت صاحب الرخصه وبعدين تاخدها وتدخل بيها مكتب استلام اللوحات ومبروك عليك


                    ----

                    شويه حاجات تخلى بالك منها

                    مشكله قابلتنى ان عربيتى فيرانى واللى ينطص فى نظره :) اللى كتبها فى الرخصه الاولى كان كاتبها فضى فكنت لازم اروح اعمل مطابقه للون من المرور الاصلى

                    لو الظابط قالك عايز مطابقه لون او اى مطابقه هيكتبلك جواب على ظهر ورقه الفحص تروح بيه المرور الاصلى

                    خلى بالك قوى من الحته دى

                    اوعى تاخد الورقه وتمشى لازم تاخد الورقه وتدخل لمدير الوحده الاول يختمهالك لو روحت بيها المرور الاصلى كدا هيقولك العب بعيد وهتعيد الفيلم من اوله ( هيختمها ختم فى الظهر وختم على البصمه - وركز قوى مع الختم يكون على البصمه )

                    هتروح بيها المرور الاصلى لمهندس الفحص يقشر عليها وتطلع الارشيف تجيب ملف العربيه تاخد منه التأكيد اللى عايزه ويختمهالك المرور الاصلى برده انها تمام

                    وترجع بيها للمرور الجديد يخلصلك الباقى


                    ----

                    برده ملحوظه تانيه لو الرخصه اللى معاك لسه فيها مده

                    قول للراجل بتاع نقل الملكيه على الشباك عايز اكمل على اللى موجود فى الرخصه يعنى لو فيها 6 شهور قوله اكمل سنتين على ال 6 دول لو فيها سنتين قوله اكمل سنه كدا يعنى

                    هتوفر على نفسك ثمن ضرببه المده دى الا لو كان فيها مثلا شهرين خلاص جدد 3 سنين عليهم



                    ولو حد عنده اى استفسار فى اى خطوه من نقل الملكيه انا فى الخدمه

                    بصراحة انت شرحت الموضوع بالتفصيل وخصوصا بعد ما انا روحت رخصت حسيت انى بتفرج على فيلم شوفتو قبل كدة. بس بعد اللى شوفتوا فى كام خطوة ممكن تخلص ب 10 جنية من غير تعب زى مطابقة البصمة وشنطة الاسعافات والفحص الفنى :)
                    مصطفى إسماعيل

                    mostafaismail سابقا

                    Comment


                    • #55
                      شكراً ا/ أحمد نوح على الشرح المميز والتوضيح

                      Comment


                      • #56
                        موضوع رائع , تسلم ايدك
                        [CENTER]م/احمد وهبة
                        Software Developer
                        [/CENTER]

                        Comment


                        • #57
                          شكرا جزيلا مجهود رائع

                          Comment


                          • #58
                            شكرا جزيلا لردودكم الكريمه واتمنى ان الموضوع كان بقدر الافاده المرجوه من عمله
                            [CENTER]
                            [SIZE=4][COLOR=DarkRed][B][FONT=Comic Sans MS]إفـلــت زمـام امـالــك[/FONT][/B][/COLOR][/SIZE]
                            [/CENTER]

                            Comment


                            • #59
                              استاذ احمد اولا شكرا جزيلا على الموضوع الرائع ده معلش هى متأخره جدا ويبدو ان الموضوع خلاص معدش فى نقاش تانى بس انا محتاج مساعده حضرتك لانى عندى مشكله
                              انا سرقت اللوحه الاماميه لسيارتى وعملت محضر فى القسم بذلك واخدت ورقه مختومه من القسم بذلك
                              بس دلوقتى انا عربيتى مرور عين الصيرهنمر جديده وانا من المحله فقولت انقل ملكيه مره واحده واخلص لان اللى فاضل فى الترخيص 5 شهور بس ..........سؤالى:
                              1-هل بنفع انقل ملكيه وانا عندى لوحه نمر مفقوده يعنى اسلمهم فى المحله لوحه والمحضر بتاع الفقد يغنى عن التانيه ولا لازم اروح عين الصيره الاول اطلع نمر تانيه وبعدين انقل
                              2-هل هجيب شهاده بيانات ولا مخالفات بس؟
                              3-بالنسبه لطفايه الحريق اانا معايا الطفايا فى بس مش عارف صلاحيتها ولا اى حاجه عنها وهل ممكن بياخدوها ويدونى جديد وادفع فرق ولا ايه؟
                              ياريت اجد رد من حضرتك لو شوفت رسالتى
                              https://t.me/pump_upp

                              Comment


                              • #60
                                المشاركة الأصلية كتبت بواسطة dr_tamer_sh مشاهدة المشاركة
                                استاذ احمد اولا شكرا جزيلا على الموضوع الرائع ده معلش هى متأخره جدا ويبدو ان الموضوع خلاص معدش فى نقاش تانى بس انا محتاج مساعده حضرتك لانى عندى مشكله
                                انا سرقت اللوحه الاماميه لسيارتى وعملت محضر فى القسم بذلك واخدت ورقه مختومه من القسم بذلك
                                بس دلوقتى انا عربيتى مرور عين الصيرهنمر جديده وانا من المحله فقولت انقل ملكيه مره واحده واخلص لان اللى فاضل فى الترخيص 5 شهور بس ..........سؤالى:
                                1-هل بنفع انقل ملكيه وانا عندى لوحه نمر مفقوده يعنى اسلمهم فى المحله لوحه والمحضر بتاع الفقد يغنى عن التانيه ولا لازم اروح عين الصيره الاول اطلع نمر تانيه وبعدين انقل
                                2-هل هجيب شهاده بيانات ولا مخالفات بس؟
                                3-بالنسبه لطفايه الحريق اانا معايا الطفايا فى بس مش عارف صلاحيتها ولا اى حاجه عنها وهل ممكن بياخدوها ويدونى جديد وادفع فرق ولا ايه؟
                                ياريت اجد رد من حضرتك لو شوفت رسالتى
                                والله يا دكتور انا لم يسبق انى مريت بالموقف ده بس كان فى مره معايا واحد فى طابور المرور حصله زيك ( الطوابير بتبقى عشره عمر ) وحكالى الاتى

                                بتروح الاول القسم تعمل محضر فقد لوحات وبعدين تروح على المرور على شباك اللوحات هو بيديك زى طلب تعمله وتختمه من مدير الوحده وبعد كدا بتمشى فى زى اجراءات التجديد وتاخد رقم جديد

                                ده كله بعد ما تطلع شهاده مخالفات وتخلص النمر القديمه

                                مينفعش تجدد بلوحه واحده للأسف مع ان اصلا عادى جدا هو ممكن يمشيها بس رسمى لا , اللوحات القديمه دى بياخدوها منك يرموها ومفيش عليها احصاء او استلام يعنى بس اهو تحكمات

                                اتأكد برده من الكلام ده لأنى مش عارف الخطوات ايه بالظبط وده كان كلام بس سمعته لكن مسألتش فى المرور نفسه

                                فى التجديد بتجيب شهاده مخالفات بس طالما الرخصه الحاليه ساريه

                                الطفايه الراجل اللى فى الكشك هيقولك صلاحيتها وبيبقى فى فعلا استبدال مقابل جزء من ثمن الجديده لو القديمه اللى معاك منتهيه الصلاحيه , او الاحسن تروح الاول اى فرع للشركه برا تشوفها ولو خلصت بيركبلك لها كبسوله وبلف جديد وبيمد الصلاحيه عادى
                                [CENTER]
                                [SIZE=4][COLOR=DarkRed][B][FONT=Comic Sans MS]إفـلــت زمـام امـالــك[/FONT][/B][/COLOR][/SIZE]
                                [/CENTER]

                                Comment

                                Working...
                                X