عاوزين يودونى رفح ال هى جمب اسرائيل

[dddddd]

انا كنت شرية العربية وهى ملاكى شمال سينا وانا من الغربية
الراجل ال اشتريت منه العربية ادانى عقد مسجل وشهادة مخالفات جديدة
والرخصة فيها سنة لسة بس انا عاوزة انقلها ملاكى الغربية علشان موضوع شمال سينا ده قلقنى شوية
عملت فحص
وفى المرور بقا قالولى ان شهادة المخالفات ملعوب فيها
دققنا فى شهادة المخالفات لاقينا ايه بقا
فيها تاريخين وكل تاريخ ممضى
التاريخ ال فوق 20/5 بس الخمسة كانت تلاتة وشكلها واضح اوى انها متصلحة عشان تبقا خمسة
التاريخ ال تحت 20/5 برضو بس مش متصلحة
والتاريخين مختوم عليهم
هى دى بقا تبقا مزورة ولا ايه ؟
ولو هى عليها مخالفات مين ال يدفعها انا ولا صاحب العربية القديم ال انا اشتريت منه
المفروض ان العقد المسجل بيثبت ملكيتى للعربية من تاريخ معين واى مخالفات للعربية قبل التاريخ ده تبقا مش مسئوليتى
صح كدا ولا المخالفات هتجيلى ولا ايه نظامهم معايا
طب لو احنا عاوزين شهادة مخالفات جديدة من مرور شمال سينا صاحب العربية القديم ممكن يجيبها ولا لازم انا اروحلهم على اعتبار ان العربية دلوقتى بقت ملكى انا ؟
ردووووووووو عليا لانه صعب اروح شمال سينا وورق الفحص ناقصله يومين وينتهى يعنى لازم اعمل حاجة فى اليومين دول علشان مش افحص من تانى

ولاسوء الظروف لو فحصت من تانى هدفع ال 80 جنيه الضريبة ولا هى ادفعت مرة ؟؟؟؟

[A.Saad]

ممكن اللى كتب التاريخ
كتب انها 20/3 وخد باله وصلحها وختم جنبها
طيب
ايصال سداد الرسوم بتاعتها مكتوب فيه ايه


وبعدين اخى تذكر انها ارضى وارضك حتى لو جنب العدو او الحبيب

[dddddd]

ايصال سداد الرسوم بتاعتها مش معايا لانى مش انا ال جايباها
الراجل ال انا شارية منه العربية هو ال ادهانى

انا مش قصدى انها ارض عدو او حبيب مش ده قصدى خالص
ال انا اقصده هيسفرونى من طنطا لغااااااااية رفح ؟؟ يعنى اتناشر ساعة سفر ولازم اظبط وقت السفر بحيث اوصل هناك الساعة تمانية الصبح
وبعد مادوخ فى المرور هناك ارجع طنطا تانى باتناشر ساعة
دوخة وقرف يعنى
مش عارفة اعمل ايه بقا

[Ahmed Nouh]

الموضوع بسيط بس واضح ان الموظف اللى فى المرور عندك حافظ مش فاهم

ارجعله تانى وقوله ان الشهاده سليمه بدليل ان اللى صلح التاريخ مضى وختم تانى جنبه يعنى معنى كدا انه مظبوط وبعدين ده اساسا تاريخ اليوم يعنى مش السنه ولا الشهر يفرق معاه ايه لو كانت يوم 3 ولا يوم 5 مش فاهم !!!

من راى متقلقش الشهاده سليمه بس دى غلطه قلم مش اكتر واتصلحت وكمان اللى عملها راجل بيفهم ومضى عليها تانى علشان عارف ان اللى هيشوفها بعده هيعترض على التعديل

حاول تراضى الموظف ده علشان تخلص الورقه والا هتضطر تنزل رفح علشان تجيب شهاده مخالفات جديده وبالمناسبه صاحب العربيه القديم كدا خلاص ملوش علاقه بيك

[dddddd]

هى الغلطة فى الشهر مش فى اليوم
كانت شهر تلاتة واتصلحت خمسة وانا اصلا مخدتش بالى منها خالص وانا باخدها من صاحب العربية
لو كنت خدت بالى منها مكنتش خدتها اصلا

وكمان احنا معانا شهادة مخالفات تانية لشهر تلاتة بس اتلغت علشان عدى عليها شهر
طب احنا لو عاوزين نزور كنا زورنا القديمة ال معانا

ده ظابط اراضيه ازاى ؟ علشان يعملهالى قضية رشوة وادخل فى مصايب تانية ؟

فضلت افهم فيه وكان معايا بابا وابن عمى محامى فضلم يفهموه مفيش فايدة هو دماغه قفلت على انها متزورة

ده كان ماسك الرخصة وعمال يقلب فيها وبيقولنا ان الرخصة كمان مزورة
هو شكله بيتلكك

وكان فيه ظابط قاعد جمبة قاله عديها مفيهاش حاجة قاله لاء ومرضاش برضو

وانا قلتله العربية باسمى انا هتودينى رفح علشان غلطة قلم ؟ قالى مليش دعوة

مش عارفة بقا اعمل ايه دى استحالة انى اسافر اتناشر ساعة فى الحر ده وارجع تانى باتناشر ساعة

طب من حقى انى اشتكى ؟ ولا مش من حقى لانها متصلحة ؟
ولو اشتكيت اشتكى لمين ؟

[Ahmed Hassan]

هى الغلطة فى الشهر مش فى اليوم
كانت شهر تلاتة واتصلحت خمسة وانا اصلا مخدتش بالى منها خالص وانا باخدها من صاحب العربية
لو كنت خدت بالى منها مكنتش خدتها اصلا

وكمان احنا معانا شهادة مخالفات تانية لشهر تلاتة بس اتلغت علشان عدى عليها شهر
طب احنا لو عاوزين نزور كنا زورنا القديمة ال معانا

ده ظابط اراضيه ازاى ؟ علشان يعملهالى قضية رشوة وادخل فى مصايب تانية ؟

فضلت افهم فيه وكان معايا بابا وابن عمى محامى فضلم يفهموه مفيش فايدة هو دماغه قفلت على انها متزورة

ده كان ماسك الرخصة وعمال يقلب فيها وبيقولنا ان الرخصة كمان مزورة
هو شكله بيتلكك

وكان فيه ظابط قاعد جمبة قاله عديها مفيهاش حاجة قاله لاء ومرضاش برضو

وانا قلتله العربية باسمى انا هتودينى رفح علشان غلطة قلم ؟ قالى مليش دعوة

مش عارفة بقا اعمل ايه دى استحالة انى اسافر اتناشر ساعة فى الحر ده وارجع تانى باتناشر ساعة

طب من حقى انى اشتكى ؟ ولا مش من حقى لانها متصلحة ؟
ولو اشتكيت اشتكى لمين ؟

كلمي صاحب العربيه و ابعتيله صوره من الرخصه يعملك شهاده مخالفات جديده و يبعتهالك على حسابك.

الحل التاني لو تعرفوا اي ضابط شرطه ممكن يخلص الموضوع بسهوله

[Ahmed Nouh]

انا افتكرت الغلطه فى اليوم

كدا فعلا ليه حق ميرضاش يمشى الورقه وللأسف مفيش اى طريقه تانيه للموضوع ده الا انك تسافرى تجيبى شهاده مخالفات تانيه من شمال سيناء

وربنا يستر وتكون العربيه مفيش عليها مخالفات

لو اشتكيتى الورقه مش سليمه والشكوى هتاخد وقت ومش هتجيب نتيجه وللأسف شهاده المخالفات بتتحط فى ملف العربيه وعلشان كدا الظابط مش هيرضى يشيل مسئوليتها ويوافق عليها

[dddddd]

احنا فعلا كلمنا صاحب العربية
الراجل زوق وقالنا من عنيا هجبهلكم فى اقرب وقت

بس مش عارفة ليه شاكة فى كلامه
داحنا كنا حاجزين مبلغ من تمن العربية لحد مايجبلنا شهادة المخالفات ودوخنا عليها

[أحمد كمال]

قل فلسطين المحتلة و لا تقل اسرائيل

[dddddd]

يعنى هى جت على الاسم
اى حاجة بقا
انا فى المصيبة ال انا فيها دى
دى مصيبة والله لو سافرت اتناشر ساعة وزيهم رجوع

[أحمد كمال]

معلش ربنا يجيرك في مصيبتك و يخلفك خيرا منها

و برضه مش عايزين لساننا يتعود على كلمة اسرائيل

دي ارضنا مش ارضهم

اسمها فلسطين

[dddddd]

خلاص حاضر هقول فلسطين

منه لله الظابط ال هيودينى فلسطين

يلهوووووووووى اتناشر ساعة ؟؟

[أحمد كمال]

معلش ربنا يعينك :)

[dddddd]

ابن عمى راح اشتكى لمسئول كبير فى المرور وكتبلنا تاشيرة على شهادة المخالفات انهم يدونا رخصة لمدة شهر علشان ورق الفحص ميسقطش وهناخد نمر غربية
بس فى خلال الشهر ده نجيب شهادة مخالفات تانية يكون التاريخ واضح فيها
احنا كلمنا الراجل صاحب العربية القديم ال انا شارية منه
وقالنا انه هيجبلنا شهادة مخالفات وهيبعتهالنا
وادينا منتظرين اهو لمدة اسبوعين كدا
ان مجبهاش مفيش قدامى بقا غير انى اروح رفح

[Ahmed Nouh]

احنا كلمنا الراجل صاحب العربية القديم ال انا شارية منه
وقالنا انه هيجبلنا شهادة مخالفات وهيبعتهالنا
وادينا منتظرين اهو لمدة اسبوعين كدا
ان مجبهاش مفيش قدامى بقا غير انى اروح رفح

لازم يكون معاه رخصه العربيه علشان يجيب الشهاده او على الاقل صوره من الرخصه