عاوز اعيط .... الرادار صورني

[فادى محمد]

اتصورت النهارده صوره بالالوان بعيد عنكم - وانا داخل القاهره من الطريق الصحراوي وقبل الشروق بعشرين كيلو . الامين قاللي سرعتك زياده شويه 109 والمفروض 100كم/ ساعه هتدفع 150 جند ولا ناخد الرخصه ؟ طبعا دفعت زي الشاطر بس وانا بعيط:K_crying[1]:خلوا بالكوا ان المرور مفتح عنيه اليومين دول علشان وانا راجع دمياط وقفت 4 مرات لفحص الرخص وكنت طبعا متاثر بجراحي ومكونتش بجري من اساسه . ياللا الحمد لله علي كل الاحوال .

[Ashraf_Ashraf]

الف سلامه علىيك معلش كلنا معرضين لده
ربنا يعنا جميعا

[نور العمر]

المهم ضحكت وانت بتتصور

عشان الصورة تطلع حلوة

ولا تعيط ولا حاجة ... ربنا قدر ولطف

بس امانة بلاش تجري والله لمصلحتك اولا

مش عشان الرادار ولا حاجة

حافظو على سلامتكم يا جماعة وبلاش تعدو ال 100

مش مستاهلة والله

[Samah AbdAllah]

الحمدلله انها جت على كده خد بالك وكلنا ناخد بالنا ده موسم بالنسبالهم

[powersha]

الحمد الله على قد كده
بس الصوره طلعت حلوه ولا لا
اهى حاجه للذكرى

[Esam Mosaad]

المهم ضحكت وانت بتتصور

عشان الصورة تطلع حلوة

هههههههههههههههههه

[Fadi Ezzat]

طيب ماتيجى نتصور مع بعض صورة مزدوجة اصل انا بردة لسة متصورة بس لزقتها فى بابا
كنت ماشى على رايح بنها ولقيت الرادار وملحقتش اهدى والفلاش عمل بس بابا مخدتش بالة
وانا اساسا كنت راجع من مشوار كبير
رحت نازل من العربية وقلت للبابا سوق مش قادر اسوق تانى تعبت
طبعا هو استغرب لانى عمرى ولا مرة قلتلة تعبت دة انا باخد الغردقة ديركت
المهم نزل عادى وساق هو وهو بردة بيحب السرعة ساق هادى المرة دى على120
راح بعد شوية لجنة وقفتنا (رخص)
الظابط رخص
بابا - فى حاجة يابنى
االظبط لأ حاجة بسيطة رادار 155
بس
بلاش اكمل بقى
بس اهم حاجة انى شتمنى كدة وسكت كويس انة محدفش بحاجة زى العادى

[icehearted girl]

شعب متناقض

بنضايق وحنا بنتعاقب عالغلط

ولو كان حد ماشي علي 101 كيلو وخبط حد يخصك كنت قومت الدنيا ومقعدتهاش


المهم

صوروك بطاقة ولا كارنيه؟؟

بس اوعي تكون نسيت تاخد الكارت

[M.almaghraby]

109 لا حول ولا قوة الا بالله

يا جماعة ايه هيا اهم الطرق السريعة الي فيها فلاش ليلي دلوقتي؟؟؟

انا اعرف ان السريع مفيهوش....و منهم طريق اسماعيلية لاني حافظ كل راداراته....فبجري فيه

فيه طرق سريعة فيها رادار ليلي؟

[كابوس الليل]

كانت كميرت موبيل ولا كاميرا ديجتال ؟؟؟؟؟


ههههه ولايهمك رينا يعقلهم عن الغباء الى هما فيه ده

[M.almaghraby]

يا جماعة ايه هيا اهم الطرق السريعة الي فيها فلاش ليلي دلوقتي؟؟؟

انا اعرف ان السريع مفيهوش....و منهم طريق اسماعيلية لاني حافظ كل راداراته....فبجري فيه

فيه طرق سريعة فيها رادار ليلي؟

[Samir Elshahawy]

أساسا طريق الاسماعيلية / القاهرة بقي زحمة أكثر من صلاح سالم مش عارف الناس بتجيب فيه ال 100 كم/ساعة أزاي

عموما قدر و لطف و خلي بالك أحنا دلوقتي في الصيف و اللجان و الرادارات هتلاقيها في كل حارة مش بس الطرق السريعة , موسم بقي عقبال عندكم و ربنا مايقطع للمرور عادة , جاتهم ........ و لا بلاش

[magyver]

واللة ياجمااعة المخالفات دة بتبقي حظوظ كنت راكب مع سواق قبل كدة
واللة كاان ماشي 40 وكان فية رادار علي الطريق صورة والكمين وقفة
قلة رخصك لية ياابية 120 كيلو رادار قعد يحلف ويعمل وبتاع
قام امين الشرطة قلة ارجع للامين اللي عند الرادر طلع فية غلط
وقام مديلو الرخص وقاام مااشي
لولا بتاع الميكروباص اتحاايل علية وكاان ناقص يبووس رجلة

[Bossy_Fadl]

هي ما فرقت 100 من 109 طبعا

بس برضه الالتزام بالقانون واجب علي اي حد

و معلش الواحد ما بيتعلم ببلاش

دير بالك المرة الجاية

[ahmedhilmy]

الحمد لله انها جت علي قد كده و ربنا يعوض عليك