عسكرى المرور

[Samah AbdAllah]

كل ما اعدى على اشارة ولا مزلقان وخصوصا المزلقان دى ركزوا عليها اوى الاقى ناس بتسلم عالعسكرى وتديله حاجة فى ايده وده طبعا مش لله
يعنى مثلا عند احد مزلقانات القطار اللى هو المفروض اتجاهه نازل
تلاقى عربية جاية فى وشك رغم ان اتجاة الشارع نازل اصلا فالعربية دى جت منين اصلا عشان تعدى فى وشك ؟؟طبعا العربية دى جاية من اى شارع جانبى وداخلة معاكس عشان تعدى المزلقان معاكس برده وكأن مفيش حاجة اسمها قوانين المرور ولا اتجاهات الشوارع ولا قانون صارم للمعاكس وده ليه ؟؟؟؟؟لان الحل بسيط جدا ......اللى سايق العربية يسلم عالعسكرى ويديه اللى فيه النصيب وعدى يا باشا

هو قانون المرور مش بيركز غير عالشوارع الرئيسية بس؟؟؟؟؟؟؟
طول ما فى عسكرى مادد ايده طول النهار ولا الف قانون مرور هيجيب نتيجة

مادمنا مش عارفين نحافظ عالمرور لوحدنا ولا نحافظ على نفسنا يبقا لازم تنفيذ القانون بجدية عشان الناس تلتزم غصب عنها
مش نعمل الحوادث وبعدين نقعد نعيط على نفسنا وعلى عربياتنا

[Ahmed73]

إصلاح الجهاز الإدارى للدولة سيؤدى إلى التخلص من الكثير من السلبيات فى حياتنا
عسكرى المرور جزء من الجهاز الإدارى للدولة

[mobitic]

المشكلة مش فى الجهاز الإدارى بس
دى منظومة كاملة ومتكاملة
منظومة اعتادت على تخليص مصالحها بأى طريقة وبأى شكل كان
بداية من المواطن البسيط وحتى أعلى القيادات
بداية من السواق اللى بيحط إيده فى جيبه راضياً أو كارهاً ، راشيا ام مضطراً للعسكرى الذى يجدها سبوبة بديلا عن مرتبه الضعيف والذى لا يكفيه ووصولاً لأمين الشرطة اللى بيقلب عيشه زى ما بيسموها وحتى الضابط المفترض انه رأس النظام فى الشارع فهو اما مساندا وداعما لما يحدث أمام عينيه وإما رافضا للواقع بأضعف الإيمان وهو بقلبه فقط لأنه لا يجرؤ على الإعتراض ووصولاً للقيادات العليا التى تشرع بدون تفكير فى العواقب أو فى ردود الأفعال المتوقعة
واهى ماشية وبتعدى
ربنا يخرجنا منها على خير
آسف للتطويل

[ابو حسين]

ربنا يخرجنا منها على خير

[أبو إياد]

مش هاقول مافيش امل
اصل الامل فى ربنا كبير
{ من رأى منكم منكراً فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعـف الإيمان } .

ومحدش يقولى ياعنى انزل واضرب العسكرى الاول ولو مرضيش اتكلم معاه ولو مرضيش ادعيلع ربنا يهديه

المقصود بالحديث وجوب تغيير المنكر على هذه الدرجات والمراتب باليد أولاً وهذا لا يكون إلا للسلطان ،
وإن لم يستطع فبلسانه ، وهذا يكون لدعاة الخير الذين يبينون للناس المنكرات .
أن من لا يستطيع لا بيده ولا بلسانه فليغيره بقلبه .

والمغير : هو الذي يغير بنفسه إذا رأى الناس لم يستجيبوا لدعوته ولا لأمره و نهيه .

[dr.nemo]

يبدو ان دي سمة عالمية لعسكري المرور


انا فاكر كنا بندرس مرض معين فيه عرض مرضي يسمى بيد رجل المرور
يعني واقف وفاتح ايده من خلف ظهره علشان تحط المعلوم

مش عارف اللي سماها كده شفها فين ؟؟
يمكن زار مصر قبل كده....

[احمدعبدالعزيز]

اللهم اصلح احوال المسلمين فى مشارق ومغارب الارض يارب العالمين








.

[ahmedsamir79]

ربنا يهدي

[Amrrr]

المشكلة مش فى الجهاز الإدارى بس
دى منظومة كاملة ومتكاملة
منظومة اعتادت على تخليص مصالحها بأى طريقة وبأى شكل كان
بداية من المواطن البسيط وحتى أعلى القيادات
بداية من السواق اللى بيحط إيده فى جيبه راضياً أو كارهاً ، راشيا ام مضطراً للعسكرى الذى يجدها سبوبة بديلا عن مرتبه الضعيف والذى لا يكفيه ووصولاً لأمين الشرطة اللى بيقلب عيشه زى ما بيسموها وحتى الضابط المفترض انه رأس النظام فى الشارع فهو اما مساندا وداعما لما يحدث أمام عينيه وإما رافضا للواقع بأضعف الإيمان وهو بقلبه فقط لأنه لا يجرؤ على الإعتراض ووصولاً للقيادات العليا التى تشرع بدون تفكير فى العواقب أو فى ردود الأفعال المتوقعة
واهى ماشية وبتعدى
ربنا يخرجنا منها على خير
آسف للتطويل

100 100
وبيتهيألي المنظومة بدأت بالراشي - اللي هو سواق العربية
لو ماشي سليم ايه اللي يخليني ادي فلوس لحد وبعدين هي اللفة من بعيد شوية من المكان المخصص ليها هتكلف كام ؟ بجنيه بنزين او باتنين جنيه ؟ على حبة استهلاك للكاوتش وباقي أجزاء العربية تعملها كام ؟ كل دا مايساويش الدخول عكس !!!!!! في أوروبا والدول المتقدمة يتم تحويل المخالف سير عكس بالذات - مش عارف اشمعنى دا بس - بيتحول لدكتور نفسي للكشف على نفسيته وتفكيره اللي وصله انه يدخل عكس اتجاه العربيات !! يعني بيعتبروه معقد نفسياً

[asbeats]

وبعدين هي اللفة من بعيد شوية من المكان المخصص ليها هتكلف كام ؟ بجنيه بنزين او باتنين جنيه ؟ على حبة استهلاك للكاوتش وباقي أجزاء العربية تعملها كام ؟ كل دا مايساويش الدخول عكس !!!

تصدق في طريق اعرفة,وفيه تقاطع و اتنين u-turn على مسافة واحدة من التقاطع والناس مزاج عندها تمشي مخالف عشان تلف الناحية التانية...ويفضل يتحرك سنة سنة ويدوس بنزين وفرامل ويستهلك 10 اضعاف اللي كان هيستهلكه لو مشي صح...وكمان بيتسببوا في حوادث كتير....بس هتعمل ايه في العقول اللي مش عايزة تنضف ابدا