ارجوا المساعدة (نقل ملكية عربية مستعملة)

[tahayt]

السلام عليكم......
انا سوف اشترى ان شاء الله عربية ماروتى 2009 مستعملة من واحد قريبى و هو مرخصها 3 سنوات و مركب النمر الجديدة و دى اول مرة اشترى عربية و عايز لو سمحتم اعرف الاجراءات المطلوبة و تكلفتها و ما هو افضل اسلوب اتبعة هل اعمل توكيل ولا عقد مسجل , وفى حالة العقد هل اغير الرخصة باسمى ولا امشى بالقديمة
و لو مشيت بالقديمة هل سيتم احتساب ضريبة رفاهية علية لما يشترى عربية جديدة
و ارجو عند النصيحة بأى من هذة الاختيارات ذكر المصاريف اللازمة......جزاكم الله كل خير

[أحمد كمال]

السلام عليكم......
انا سوف اشترى ان شاء اللة عربية ماروتى 2009 مستعملة من واحد قريبى و هو مرخصها 3 سنوات و مركب النمر الجديدة و دى اول مرة اشترى عربية و عايز لو سمحتم اعرف الاجراءات المطلوبة و تكلفتها و ما هو افضل اسلوب اتبعة هل اعمل توكيل ولا عقد مسجل , وفى حالة العقد هل اغير الرخصة باسمى ولا امشى بالقديمة
و لو مشيت بالقديمة هل سيتم احتساب ضريبة رفاهية علية لما يشترى عربية جديدة
و ارجو عند النصيحة بأى من هذة الاختيارات ذكر المصاريف اللازمة......جزاكم اللة كل خير

شوف يا باشا

لا للتوكيل

اولا ما يضمنش حقك لانه لو توفى العربية ترجع لورثته و التوكيل بيبقى لاغي

و لو الورثة منهم قاصر يبقى انت لبست لبكرة يا معلم

و لو انت لا قدر الله توفيت برضه ترجع له


ابالنسبة للعقد هو افضل شئ


لو عملت عقد لازم تروح المرور تغير الرخصة لانك لو قعدت اكتر من شهر بتدفع غرامة و انت بتنقل الرخصة باسمك

و كذلك شهادة المخالفات اللي هو هيجيبهالك بتبقى سارية 15 يوم بس


الخطوات:

1- هو يجيب لك شهادة مخالفات

2- تاخدوا اصل رخصة السيارة و تطلعوا على الشهر العقاري التابع له بطاقة البائع

او لو انت مشترك في نادي الشمس او الجزيرة او اي نادي فيه شهر عقاري يبقى انضف

3- تعمل عقد بيع مسجل

4- تطلع عالمرور اللي انت تبعه تاخد معاك اصل الرخصة + اصل عقد البيع + اصل شهادة المخالفات + اصل شهادة التامين الاجباري (لازم تاخدها من البائع عشان ما تدفعش تاني) و تعمل نقل رخصة في المرور

هيسلموك لوح و رخصة و ستيكر جداد و ياخدوا القدام

و مش هتدفع ضريبة و لا اي حاجة من الاول و تاريخ نهاية الرخصة هيبقى نفس تاريخ نهاية الرخصة بتاعة البايع




و بالنسبة لسؤالك عن ضريبة الترفيه لو انت ما عملتش عقد (توكيل بس) هو هيدفع ضريبة الترفيه

بس لو عملت عقد يبقى و انتوا في الشهر العقاري تعمل نسخه طبق الاصل تديهاله

عشان لو هو حب يرخص العربية التانية قبل ما انت تنقل رخصة العربية في المرور .... بس لو انت كده كده هتروح تاني يوم من الشهر العقاري للمرور تنقل يبقى مالهاش لزمة الصورة دي

يقدم لهم صورة عقد البيع طبق الاصل و يمضي على تعهد انه باع لك العربية و ساعتها مش هيدفعوه ضريبة الترفيه

[tahayt]

شكرا يا باشا و الله مش عارف اشكرك ازاى بس انا ليا سؤال تانى..
هو لازم رخصة العربية تكون من المرور اللى انا تابع لة جغرافيا او لازم تكون من المرور اللى انا مطلع منة رخصة القيادة اصل انا تبع فيصل سكنيا لكن عملت رخصة فى بين السرايات (كوسة مش عارف هتنفع تانى ولا لا) ....سامحونى على جهلى بهذة الامور

[أحمد كمال]

شكرا يا باشا و الله مش عارف اشكرك ازاى بس انا ليا سؤال تانى..
هو لازم رخصة العربية تكون من المرور اللى انا تابع لة جغرافيا او لازم تكون من المرور اللى انا مطلع منة رخصة القيادة اصل انا تبع فيصل سكنيا لكن عملت رخصة فى بين السرايات (كوسة مش عارف هتنفع تانى ولا لا) ....سامحونى على جهلى بهذة الامور

المرور اللي بطاقة الرقم القومي تابعة ليه بغض النظر عن رخصة القيادة

[د.أحمد سمير]

كل الكلام اللي اتقال صح .. وهو ده الأصول
لكن ...
ممكن لما تسجل العقد لا توقع كمشتري .. وهذا لا يمنع من سريان العقد
عدم التوقيع سيجعلك تحتفظ بالسيارة لحين انتهاء رخصتها بعد السنوات الثلاث دون الحاجة لنقل الملكية
وخللي صورة من العقد معاك في تابلوه العربية علشان أي لجنة .. ومتخفش هيكون موقفك القانوني سليم مائة بالمائة .
قبل انتهاء الرخصة بعدة أيام
هتروح المرور التابعة له السيارة وتطلع شهادة مخالفات
وبعدين تروح للمرور الذي تتبع له (عنوانك في الرقم القومي )
تفحص وتنقل ملكية وتاخد نمر جديدة وتطلع رخصة باسمك انت
وضريبة الرفاهية اللي هتتحسب عليه قليلة مش كبيرة وممكن تدفعها له لو هو عايز كدة