إعـــــــلان

Collapse

.

,
See more
See less

مخالفة مرور بسبب اختلاف محل الإقامة !!

Collapse
X
 
  • Filter
  • الوقت
  • Show
Clear All
new posts

  • مخالفة مرور بسبب اختلاف محل الإقامة !!

    ماشي في امان الله الصبح يوم الأربعاء اللي فات
    و اذا بلجنة مرور امامي قلت يا صباح يا عليم يا رزاق يا كريم " اللهم حوالينا لا علينا"
    المهم العسكري الحلو اللي واقف شاورلي اقف و سألني بغرابة العربية دي نوعها ايه قلتله خد شوف نوعها من الرخص بقرف كدا
    المهم راح مصرخ في وشي وقايل " نضارة طبية!!!" يا باشا انت ليه مش لا بسها قلت له اصلي عقبال املتك لابس عدسات لاصقة و النضارة اهي معايا في العربية راح قايللي اركن يا باشا علي جنب و طلع رمح عالظابط اللي عمال دبح في خلق الله علي جنب الطريق
    ركنت علي جنب و نزلت من العربية و روحت للظابط علي بقا ما خلص سيادته مناهته مع الضحايا بتوعه قاللي ليه مش لابس نظارة با بشمهندس قلتله حضرتك انا لابس عدسات و دي زي دي و مش معقولة هسوق عربيتي و انا مش شايف كويس و اعرض نفسي للخطر
    راح مبتسم ابتسامة صفرا كدا و قاللي يعني جواب نهائي قلتله اي نعم
    وراح مادد ايده هيديني الرخص و انا مادد ايدي و منشكح و حاسس اني كتمته عالصبح و ببص للعسكري و شوية و هطلعله لساني و اغيظة
    و فجاة رايح منفوض كدا و رافع حواجبينه و مادد بوزه و راح مرجع ايدة تاني بعد ما انا خلاص همسكهم
    و رايح قاطع ايصال من الدفتر بسرعة ورايح كاتب مخالفة و كاتب السبب إختلاف محل الإقامة
    انا محا الإقامة في رخص القيادة بتاعتي مكتوب قنا -قفط
    و في رخصة السيارة مكتوب البحر الأحمر - الغردقة
    قاللي يا بشمهندس دا غلط ما ينفعش 2 محل اقامة مختلفين و طبعا هو طاير من الفرحة و سعيييييد

    انا بقا اتغظت و قلتله انا عديت علي مليار كمين و لجنة مرور من اللي بتيجي من الإدارة العامة بتفتش وراكوا انتوا ما حدش قاللي علي الحكاية دي قبل كدا و انا معرفهاش اصلي مغي محل الإقامة بعد ما عملت رخصة القيادة

    قاللي ما هو انا كنت زيك مش عارف الحكاية دي لغاية ما اشتغلت في ادارة التراخيص
    المهم قاللي يا بشمهندس انت تروح تعمل شهادة بيانات لرخصتك من مرور قنا و تطلع بيها علي مرور الغردقة و هما هيصوروك من تاني و يطلعولك رخصة بباقي المدة المتبقية
    و خد الرخصة و اخدت انا الإيصال و هاين عليا امسك العسكري ابن اللذين دا و اخنقه

    المهم روحت عديت عالمرور و عملت شهادة البيانات و كنت اصلا طبيعي مسافر الغردقة لحضور حفل زفاف لواحد قريبي هناك قلت يا ربي حتي لما رايح اغير جو نكدوها عليا الله ينكد عليهم دنيا و آخرة بتوع المرور
    روحت مرور الغردقة يوم السبت و وقفت عالشباك و جي الدور عليا و الموظفة قاعدة عالمكتب و مش عاوزة حتي تبصلي و بتكلمني بقفاهما وانا هاين عليا ارزعها بحاجة كدا عشان تنتبه لي
    المهم بصت في الورق و قعدت تمصمص و تتمحص و تهرش في راسها و في الآخر بصتلي من فوق لتحت و قالتلي بص يا عم المهندس "باللفظ والله" قولتها نعم يا حجه قالتلي انت تجيب لنا شهادتين طبيتين من اي دكتور باطنة و عيون و الرخصة القديمة و تيجي نعمل لك رخصة ب 10 سنين مش لغاية 2014 بس
    قولتها الرخصة القديمة مسحوية يا ستي و انا جاي عشان كدا
    راحت قالبه حواجبها و زغرتلي بعنيها و قالتلي لازم تسلم الرخصة القديمة يا عم المهندس و مش هيتعمملك رخصة الا لما تسلم القديمة
    و طبعا انا رحت لظابط التراخيص و عرضت المشكلة عليه يمكن يقول كلام تاني قاللي نفس الكلام
    روحت ماشي و لما رجعت قنا روحت النيابة و دفعت الغرامة اللي طلعت 50 سحتوت مش 10 بس زي ما قاللولي و رحت جبت الرخصة بتاعتي و ربنا يسهل بقا لما اروح الغردقة تاني ابقا اغير الرخصة بمحل الإقامة الجديد

    المهم حد منكم كان يعرف بالحكاية دي و اتعرض لها ولا الموضوع جديد
    [CENTER][SIZE=2]ياااااااااااااا رب [/SIZE][/CENTER]

  • #2
    كل يوم اختراع جديد

    والمخالفة دى لازمتها ايه يعنى هتحمى من ايه ولا هتحافظ على ايه
    [CENTER][URL]https://www.facebook.com/NMTechShop/[/URL] [/CENTER]

    Comment


    • #3
      إختراعات * إختراعات

      أنا والدي مرة وقفه ضابط على الطريق و كانوا بيعملوا فحص بيئي للعربيات
      على حظه الدنيا بدأت تشتي لما بدا الضابط يفحص العربية ف لما لقى الدنيا هتمطر عمله محضر على السريع كدة و قاله دخان مع أن العربية كانت سليمة 100 100 و مش بتطلع دخان اصلاً
      [SIGPIC]http://imageshack.com/a/img838/5746/61n6.jpg[/SIGPIC]

      Comment


      • #4
        لا الموضوع ده من زمان وكان فى القانون القديم كمان قبل التعديل ولسه موجود برده بعد التعديل بس الكلام ده كان على اساس لو تغير محل الاقامه وان انت لازم تبلغ فى مده اقصاها 30 يوم من تاريخ تغير محل الاقامه وتنقل الرخصه سواء قياده او تسير الى الوحده التابعه لمحل اقامتك عموما متزعلش هما مخلوقات رخمه ريح نفسك اعتبر نفسك دفعت تبرع لوزاره الماليه وخلاص هى بقت ماشيه كده
        [CENTER][SIZE=2][SIZE=2]وما من كاتب الا سيفنى ويبفى من الدهر ماكتبت يداه[/SIZE] [/SIZE][/CENTER]
        [CENTER][SIZE=2][SIZE=2]فلا تكتب بكفك غير شى يسرك فى القيامه ان تراه[/SIZE][/SIZE][/CENTER]

        Comment


        • #5
          فعلا ياباشا نفس الموضوع حصل مع صديق لي في العمل من فتره طويله
          وعربيتك نوعها ايه ياهندسة
          [CENTER]:auto:[/CENTER]

          Comment


          • #6
            المشاركة الأصلية كتبت بواسطة Bob2009 مشاهدة المشاركة
            لا الموضوع ده من زمان وكان فى القانون القديم كمان قبل التعديل ولسه موجود برده بعد التعديل بس الكلام ده كان على اساس لو تغير محل الاقامه وان انت لازم تبلغ فى مده اقصاها 30 يوم من تاريخ تغير محل الاقامه وتنقل الرخصه سواء قياده او تسير الى الوحده التابعه لمحل اقامتك عموما متزعلش هما مخلوقات رخمه ريح نفسك [OVERLINE]اعتبر نفسك دفعت تبرع لوزاره الماليه وخلاص[/OVERLINE] هى بقت ماشيه كده

            انا اتبرع لوزارة المالية ليه يا عم دا انا احرقهم احسن ما اديهم للمالية

            الهي ما يتهنوا بيهم و يصرفوهم علي الدكاترة
            [CENTER][SIZE=2]ياااااااااااااا رب [/SIZE][/CENTER]

            Comment


            • #7
              ههههههههههههههههههههههههه
              جامدة دى اختلاف محل الاقامة
              اللى حيضيع بلدنا : الفهلوة و كلمة باشا و معلش و أصل


              [SIGPIC][/SIGPIC]

              Comment


              • #8
                المشاركة الأصلية كتبت بواسطة mostafabakry مشاهدة المشاركة
                انا اتبرع لوزارة المالية ليه يا عم دا انا احرقهم احسن ما اديهم للمالية

                الهي ما يتهنوا بيهم و يصرفوهم علي الدكاترة
                ههههههههههههههههههههههههههه

                يصرفوهم على الدكاتره !!!!!!

                دا على اساس ان الوزاره عندها روماتيزم مثلا؟!!!!
                [SIGPIC][/SIGPIC][CENTER]
                [/CENTER]

                Comment


                • #9
                  طب ما أنا نفس الحكاية القيادة في حته و السيارة في حتة تانية//



                  طب هو ليها غرامة فورية ولا لازم سحب رخص ?
                  Tyler_durden سابقا
                  المشكلة ليست في إيجاد رئيس محترم و يخاف الله في شعبه ... المشكلة في إيجاد شعب محترم يعمل له رئيسه ألف حساب

                  Comment


                  • #10
                    انا فعلان لما بقيت ادفع مخالفه بدل ما انرفز نفسى بعاملهم اكنهم شحاتين وعاوزين تبرع وارميلهم الفلوس وامشى وخلاص انما لسه هضايق نفسى على ايه على شان شويه شحاتين بقوانين متخلفه مش عارف انا نفسى افهم حاجه واحده بجد هل الى راكب عربيه ده بالنسبه للبلد هنا حرامى مثلا ولا ايه انا مش فاهم والغريب لو هما عاوزين مصلحه المواطن نفسه يصلحو الشوارع والمشاه الى برده احيانا بيكونو اسباب فى الحوادث وبعدين انا الى مدايقنى اوى قانون الحزام هو ماله هو انا الى هموت واتكسر ولا الى ماشى جنبى مش فاهم هما شحاتين وخلاص ونفسهم فى اى تبرعات نظام حسنه قليله تمنع بلاوى كتيره اى حد يعتبر نفسه بيدلهم حسنه لله كده وخلاص هما اصلا شحاتين
                    [CENTER][SIZE=2][SIZE=2]وما من كاتب الا سيفنى ويبفى من الدهر ماكتبت يداه[/SIZE] [/SIZE][/CENTER]
                    [CENTER][SIZE=2][SIZE=2]فلا تكتب بكفك غير شى يسرك فى القيامه ان تراه[/SIZE][/SIZE][/CENTER]

                    Comment


                    • #11
                      المشاركة الأصلية كتبت بواسطة bob2009 مشاهدة المشاركة
                      انا فعلان لما بقيت ادفع مخالفه بدل ما انرفز نفسى بعاملهم اكنهم شحاتين وعاوزين تبرع وارميلهم الفلوس وامشى وخلاص انما لسه هضايق نفسى على ايه على شان شويه شحاتين بقوانين متخلفه مش عارف انا نفسى افهم حاجه واحده بجد هل الى راكب عربيه ده بالنسبه للبلد هنا حرامى مثلا ولا ايه انا مش فاهم والغريب لو هما عاوزين مصلحه المواطن نفسه يصلحو الشوارع والمشاه الى برده احيانا بيكونو اسباب فى الحوادث وبعدين انا الى مدايقنى اوى قانون الحزام هو ماله هو انا الى هموت واتكسر ولا الى ماشى جنبى مش فاهم هما شحاتين وخلاص ونفسهم فى اى تبرعات نظام حسنه قليله تمنع بلاوى كتيره اى حد يعتبر نفسه بيدلهم حسنه لله كده وخلاص هما اصلا شحاتين
                      +111111
                      [CENTER][media]http://www6.0zz0.com/thumbs/2011/09/14/04/347541799.jpg[/media]
                      MY BMW 2500CC
                      :tumb:
                      [/CENTER]

                      Comment


                      • #12
                        بعد اذن حضرتك انا كمان عاوز اعرف نوع العربيه اللى محياره اوى وجاى من بعيد يسأل عليها والله ناس بقر

                        انا لما كنت فى المصيف كنت ساكن فى المعموره فكنت ساعات بخرج بليل بره المعموره وانا راجع عن النفق اللى بعد شيراتون المنتزه كان على طول فى ظابط واقف العسكرى كل يوم يوقفنى ويضحك ويستخف فى دمه علشان شكل عربتى ويموت ويعرف ازاى زجاج فيميه فابريكيه فعلا والله بقر لغايه ماحفظنى وبرده كان بيقولى ازاى قزاز مثبوت انه فيميه ااقوله ياعم هو كده وسايط بقى يقولى وانا مش بوقف غير الناس اللى زى العسل رخاااااااااااااااااااااااااااااااااااااااااااامه ولله
                        [mtohg=#ff0000]http://www.mlfati.net/uploads/images/mlfati-62c14c8f53.jpg[/mtohg]
                        ا[COLOR=black]للهم لا اله الا انت سبحانك ............انى كنت من الظالمين[/COLOR]
                        م/ محمــــــــــــد جمــــال رضـــوان

                        Comment


                        • #13
                          يا نهار ابيض ده انا كمان رخصة القيادة بتاعتي في مرور و العربية في مرور تاني كده بقى لازم اتحرك احسن قلقتوني
                          A.Hilmy

                          Comment


                          • #14
                            طيب ده أنا رخصتي مختلفة عن رخصة العربية ....... يا نهار أبيض ..... أما الحق أغيرها بقى قبل ما أدفع 50 لحلوح و ربنا يستر
                            سايبين كل المخالفات دي و الغرز و قلة الأدب ......... و ماسكين في محل الاقامة

                            حسبي الله و نعم الوكيل ...... لا عندهم ضمر و بيطبقوا قوانين المرور صح الصج .......

                            تحيا ج ع ع
                            [img2]http://i59.tinypic.com/2vxpukz.jpg[/img2]

                            Comment


                            • #15
                              اول مرة اسمع عنها !!!!!!!
                              [CENTER]سبحان الله وبحمده سبحان الله العظيم
                              لا تظلمن إذا ما كنت مقتدرا --------- فالظلم يرجع عقباه الى الندم
                              تنام عينك والمظلوم منتبه --------- يدعو عليك وعين الله لم تنم
                              [/CENTER]

                              Comment

                              Working...
                              X