إعـــــــلان

Collapse

.

,
See more
See less

تجربتي مع كلبشات المرور لاول مرة

Collapse
X
 
  • Filter
  • الوقت
  • Show
Clear All
new posts

  • تجربتي مع كلبشات المرور لاول مرة

    السلام عليكم جميعا

    كنت في اسكندرية الاسبوع اللي فات واخوكم كان لسه بيتعلم الطرق هناك
    قلت نتفسح في مول سان ستيفانو ونشوفو
    لفيت حولين المول ملقتش مكان اركن خالص رحت واخد لفة تانية فلقيت مكان امام المول من ناحية الترام اما البوابة الخلفية
    دخلت لفيت شوية بالكتير اوي ساعة وطلعت ركبت العربية وبتحرك لاقيت العربية مبتتحركش
    نزلت اشوف فيه ايه لاقيت ولاول مرة في حياتي العجلة الشمال متكلبشة

    طبعا زعر حصل لاهلي في العربية
    يعني فسحة بغرامات وسحب رخص وقرف ظباط مرور
    بصيت قدامي لاقيت عربية بوكس سالت عسكري جواها مين كلبش العجلة قالي انا ماليش دعوة الظابط هناك اهو في العربية التانية
    اتاري البوكس ده مكنش بتاع المرور
    بصيت ورايا لاقيت بوكس المرور وتخيلوا اني لاقيت ان العربية اللي ورايا مش متكلبشة
    يعني الباشا الظابط كلبش العربيات اللي دخلت دماغو

    لسه بسحب مفاتيح العربية عشان اروحلو وانا بتكلم وبقول مين للي كلبشها كده لاقيت عسكري جاي بيقولي انا اللي كلبشتها

    قلتله ليه ان شاء الله
    قالي انت مش شايف اليافطة ممنوع الانتظار هنا

    ببص تخيلوا اليافطة عبارة عن ايه

    يافطة زرقاء بنور نيون مكتوب عليها بالبنط العريض "سان ستيفانو" وعلي جنب علي الشمال في نفس اليافطة "no parking" وعلامة عدم الانتظار صغيرين اوي وبنفس اللون الازرق

    قلتلو دي يافطة مرور يا اخي انت بتهرج قالي ببجاحة اه ولو مش عاجبك الظابط عندك

    مشيت خطوتين عشان اروح للظابط وافتكرت انرخصة العربية في العربية قلت ارجع اخدها عشان مرجعش تاني

    وانا باخد الرخصة من العربية بصيت تاني علي الكلابش لاقيت عبارة مسمارين كبار قافلين علي العجلة من الناحيتين والفروض انهم مربوطين بصامولة

    فكرت شوية وقلت لما اجرب افك الصامولة بايدي
    وفعلا نزلت ناحية العجلة وبحاول افك الصامولة لاقيت الكلابش مش راكب كويس
    رحت فاكك الكلابش من الناحية الداخلية للعجلة فطلع في ايدي

    رحت رامي الكلبش علي الارض ودورت العربية ومشيت وانا متغاظ جدا وبضحك في نفس الوقت
    وده قدام العسكري اللي في البوكس اللي قدامي

    وكان نفسي اركن العربية بعيد وارجع للظابط ده اكلمه او اخد الكلبش واحطه في العربية وامشي ويبقوا بقي يتحسروا علي اللي بيعموله في الناس

    سؤالي هنا هل الظابط ده اخد نمرة العربية بعد ما كلبشها ولا بيكتفي انه يكلبشها عشان كده كده صاحبها هيجيله ؟
    [B]قوم يا مصرى مصر دايما بتناديك...خد بنصرى نصرى دين واجب عليك
    يوم ما سعدى راح هدر قدام عينيك...عد لى مجدى اللى ضيعته بأيديك
    شوف جدودك فى قبورهم ليل نهار...من جمودك كل عضمة بتستجار
    [/B]

  • #2
    بص دلوقتى هم الشغل كلة على الانتظار الخاطى
    الدنيا بالمال والاخرة بالاعمال
    [EMAIL="ladanilemotors@yahoo.com"][/EMAIL]

    Comment


    • #3
      قانونا اللى حضرتك عملته غلط
      تعاقب بالحبس مدة لا تزيد عن ستة أشهر وبغرامة لا تقل عن 200 جنيه ولا تزيد عن 1000 جنيه فى حالة إزالة أو فك الكلابش بمعرفتك.
      من قانون المرور

      Comment


      • #4
        فك الكلابش بنفسك او اخذه معاك يعرضك للحبس طبقا لقانون المرور الجديد

        ربنا يستر هو اكيد بياخد النمر اما بيكلبش :(
        [SIZE="4"][CENTER][COLOR="DarkRed"][URL="https://goo.gl/30fu9U"]وكيل هجرة مسجل برقم 1575106 لدى سلطة تسجيل وكلاء الهجرة باستراليا[/URL]

        [URL="https://goo.gl/30fu9U"]Registered Migration Agent - MARN 1575106[/URL]
        [/COLOR][/CENTER][/SIZE]

        Comment


        • #5
          ربنا يسترها معاك بس متخفش انت فى مصر

          Comment


          • #6
            بص يا باشا هو بيكتب نمر العربيات اللي بيكلبشها في ورقه عنده و لما بتدفع بيشطب عليها انما كده ممكن تكون عملت لنفسك مشكلة

            Comment


            • #7
              المفروض لما اتفك معك الكلبش كنت رحت كلمت الضابط وتشوف الموضوع هيخلص على اية لأن هما لما بيكلبشو عربية بيسجلوا بياناتها عندهم، بس متقلقش لو حصل حاجه لاقدر الله هتكون غرامة
              [CENTER][B]HONDA THE POWER OF DREAMS[/B][/CENTER]

              Comment


              • #8
                كنت دفعت 50 جنيه غرامة الركن في الممنوع و خلصت منهم بدل ما تحط نفسك في موقف أسوأ

                Comment


                • #9
                  ماتقلقشي اوي
                  انا مرتين لقيت مخالفات على ازاز العربية
                  مرة منهم كانت العربية مش مركبة نمر اصلاً - امام جراج البستان وسط البلد
                  وتاني مرة دي قريب عمودي على رصيف الركنة عنده موازي - عربيتي آتوس الطول بتاعها زي العرض الطبيعي للعربيات الطبيعية - وجددت الرخصة وماكنتشي فيها - الخليفة المأمون
                  بس موضوع الكلابش اسمع انه مختلف وزي اللي قال انت في مصر - اعمل شهادة مخالفات وشوف لقيت ايه وقولنا

                  Comment


                  • #10
                    دلوقتى هما اخدوا النمره والعوبه ممكن يكون فيها حبس
                    بس هما امتى يطبقوا اقصى العقوبة
                    تطبيق الاحكام فى القانون الجديد على مراحل وحسب المرحله تكون العقوبه
                    1- اقل (عقوبه/غرامه) عند التصالح الفورى
                    2- الدرجه اللى بعدها بعد مررو 15 يوم من المخالفه لو رحت نيابة المرور (انا مش فاكر هما 15 يوم ولا شهر)
                    3- الدرجه اللى بعدها بعد فترة أطول وهكذا

                    المهم ان كل ما تستنى اكتر العقوبه اللى عليك هتذيد
                    شوف حد معرفه وروح المرور حل الموضوع دا

                    وربنا يستر عليك
                    [CENTER]
                    أستغفر الله العظيم ... أستغفر الله العظيم ... أستغفر الله العظيم
                    اللهم لا إله إلا أنت سبحانك إنى كنت من الظالمين

                    [SIGPIC][/SIGPIC]
                    [/CENTER]

                    Comment


                    • #11
                      كده هنزورك بعيش وحلاوه

                      دى جريمه عقوبتها الحبس
                      (الزواج ھو أن تأخذ البقال على أول شارعكم لبیتك حیث يعیش معك ، وتنفق علیه للأبد ھو وأطفاله
                      لمجرد أنك تحب الجبن الرومي !)

                      Comment


                      • #12
                        يا نهار اسوووووووووود

                        ياريت تتصرف وتشوفلك واسطة قبل ما نيابة مرور اسكندرية تبعت للمرور اللى انتا تبعه

                        ده انا مرة واحد صاحبى وكيل نيابة عملها وفرقع كلبش

                        اتبهدل احلى بهدلة عشان الموضوع يخلص ودى
                        بدال ما الموضوع يمشى معاه رسمى

                        حاول تتصرف

                        Comment


                        • #13
                          المشاركة الأصلية كتبت بواسطة morieno مشاهدة المشاركة
                          دلوقتى هما اخدوا النمره والعوبه ممكن يكون فيها حبس
                          بس هما امتى يطبقوا اقصى العقوبة
                          تطبيق الاحكام فى القانون الجديد على مراحل وحسب المرحله تكون العقوبه
                          1- اقل (عقوبه/غرامه) عند التصالح الفورى
                          2- الدرجه اللى بعدها بعد مررو 15 يوم من المخالفه لو رحت نيابة المرور (انا مش فاكر هما 15 يوم ولا شهر)
                          3- الدرجه اللى بعدها بعد فترة أطول وهكذا

                          المهم ان كل ما تستنى اكتر العقوبه اللى عليك هتذيد
                          شوف حد معرفه وروح المرور حل الموضوع دا

                          وربنا يستر عليك

                          عفوا الكلام ده غير صحيح هو ليك تصالح فورى ولو مش معك الفلوس ساعتها ممكن تتصالح خلال 3 ايام عمل من تاريخ الضبط بدفع نصف الحد الادنى للمخالفة بعد كدة الرخص بتروح نيابة المرور و لو الموضوع غرامة بس بتدفع الحد الادنى ليها ولو فيها حبس أو غرامة او بأحدى هاتين العقوبتين زى الحالة دى الموضوع بيرجع للنيابة يتحبس وتحول المخالف للمحكمة او بتغريمة بس في الغالب بتكون غرامة عشان هو ده الاتجاه السائد حاليا
                          [CENTER][B]HONDA THE POWER OF DREAMS[/B][/CENTER]

                          Comment


                          • #14
                            والله ميه ميه
                            وساعتها انت مكونش فى اسكندرية اصلا

                            Comment


                            • #15
                              هي فعلا مشكله والقانون الجديد بيقول الحبس للأسف

                              وانت ليك تصالح فوري في مدة اقصاها 3 ايام وبعديها بتبقي مخالفه عاديه وتروح للنيابه لحد شهر تقريبا

                              حاول تشوف حد يخلصهالك من نيابة المرور عشان متعملكش مشكله فعلا....

                              Comment

                              Working...
                              X