إجراءات تسجيل السيارة ؟؟؟؟

[tutankhamoun]

لي صديق أشترى سيارة بتوكيل من صاحبها الأصلي و عقد بيع من المعرض
و يستفسر عن ماذا يفعل لنقل السيارة باسمه ؟؟؟؟؟؟؟؟؟
هل إجرائتها معقدة و أيضا يستفسر هل يحتفظ بالتوكيل و خلاص أم أن تغيير أسم المالك مهم

[dreslam]

يروح بالتوكيل والرخصه وشهاده البيانات من المرور ويطلع على الشهر العقاري
ويطلب تسجيل بيعها لنفسه ويدفع مصاريف التسجيل وبكده يبقى انتقلت ليه اسما
يطلع بشهاده المخالفات وعقد التسجيل على المرور وينقلها "الرخصه " باسمه اذا كان عنوانه على نفس مرور السياره اللى اشتراها
اما اذا كان مرور مختلف
لازم يفحص في اي مرور "فحص خفيف" ويطابق الفحص في مرور السياره القديم وياخد الشهاده ويطلع على المرور بتاعه
ينقل الملكيه بالورق اللي معاه ده كله بعد ما يسلم النمر وياخد النمر الجديده...
ده انا دخت في الموال ده بس الحمد لله اول ما طلعتلي الرخصه باسمي ارتحت جدا
فيه ناس بتمشي بالتوكيل "اذا كان شامل الاداره" حتى موعد نهايه الرخصه وفي هذه الحاله لازم ياخد شهاده مخالفات من المرور التابع له السياره بالتوكيل ويعيد كل الخطوات السابقه مع التسجيل بالشهر العقاري والله اعلم.

[tutankhamoun]

شكرا اخي الكريم على هذا الرد السريع
و لكن هناك أستفسار أخر
هل تعرف التكاليف ؟؟؟؟ كم لو سمحت
السيارة لانسر 1300 سي سي

[dreslam]

للاسف لا اعرف التكاليف بس لو السياره بعد سنه الفين تبقى في حدود الالف والله اعلم.

[Nader]

تم نقل الموضوع للمنتدى العام

[eng_mkhalaf]

يروح بالتوكيل والرخصه وشهاده البيانات من المرور ويطلع على الشهر العقاري
ويطلب تسجيل بيعها لنفسه ويدفع مصاريف التسجيل وبكده يبقى انتقلت ليه اسما
يطلع بشهاده المخالفات وعقد التسجيل على المرور وينقلها "الرخصه " باسمه اذا كان عنوانه على نفس مرور السياره اللى اشتراها
اما اذا كان مرور مختلف
لازم يفحص في اي مرور "فحص خفيف" ويطابق الفحص في مرور السياره القديم وياخد الشهاده ويطلع على المرور بتاعه
ينقل الملكيه بالورق اللي معاه ده كله بعد ما يسلم النمر وياخد النمر الجديده...
ده انا دخت في الموال ده بس الحمد لله اول ما طلعتلي الرخصه باسمي ارتحت جدا
فيه ناس بتمشي بالتوكيل "اذا كان شامل الاداره" حتى موعد نهايه الرخصه وفي هذه الحاله لازم ياخد شهاده مخالفات من المرور التابع له السياره بالتوكيل ويعيد كل الخطوات السابقه مع التسجيل بالشهر العقاري والله اعلم.

شكرا يا دكتور
بس ليا أستفسار ممكن أجدد من غير ما أنقل ملكية وللعلم أنا ماشى بكذا توكيل مش واحد بس

[memo_hefnawy]

على حد علمى ينفع تجدد بالتوكيل بس الرخصة هاتفضل بنفس الإسم مش إسمك لكن إسمك يبقى تنقل ملكية

[dreslam]

شكرا يا دكتور
بس ليا أستفسار ممكن أجدد من غير ما أنقل ملكية وللعلم أنا ماشى بكذا توكيل مش واحد بس

والله اعلم الافضل والاسلم والاريح سجل في الشهر العقاري بيع لنفسك واشتري دماغك من كله.انا خليت اللي باعلي يسجلي مباشره في الشهر العقاري وهو عمل حركه " انه سجلي بدون حضوري يعني ما اثبتش توقيعي والموظف سجل وكتب لم يوقع وده خلاني في المضمون وخلاني ممكن اقضي اكتر من شهر لغايه ما انقل ملكيه في المرور
ومع ذلك نقلت ملكيه مرور بعدها بأسبوع.
في رأيي اولا واخيرا لا غنى عن موضوع تسجيل السياره بالشهر العقاري اما نقل ملكيتها في المرور ده ممكن يتساب لحد نهايه الترخيص بشرط حركه لم يوقع دي.اما لو حتسجل لنفسك فيبقى قدامك شهر وتنقل ملكيه على الاكثر والا سيتم اعاده اجراءات التسجيل من جديد والله اعلم.
لو معاك شهاده المخالفات دي تفضل ساريه لشهر من تاريخ اصدارها خلص نفسك بدري بدري بدل ما العمليه تبقى متعبه ليك.

[kh_talaat]

على فكره يا جماعة حكاية تجدد الرخصة بالتوكيل دي ممكن متنفعش حسب نص التوكيل إللي معاك ، يعني لازم يكون مكتوب في التوكيل إنه يحق لك تجديد الرخصة بأسم صاحبها .... حصلت مع واحد صاحبي

[eng_mkhalaf]

على فكره يا جماعة حكاية تجدد الرخصة بالتوكيل دي ممكن متنفعش حسب نص التوكيل إللي معاك ، يعني لازم يكون مكتوب في التوكيل إنه يحق لك تجديد الرخصة بأسم صاحبها .... حصلت مع واحد صاحبي

+1
وكمان على ما أعتقد أن التوكيل الأول بس هو اللى ممكن ينفع أى توكيل بعد كدة لا

[ahmed azab]

التوكيل بيكون من الماللك الاصلي للمشتري اما ان يكون بلأدارة او البيع لنفسه وللغير وتجديد التراخيص عادة بيكون من مشتري للثاني حتي ان يقوم المشتري النهائي بتسليم جميع التوكيلات وعقد البيع النهائي لأستلام رخصة بأسمه واستلام لوحات جديدة
وتوكيل من توكيل حيلة قانونية قد يلجأ لها البعض للهروب من دفع رسوم التسجيل والتي تكون في بعض الاحيان مرتفعة وهي حيلة لان الاصل في الموضوع من المفترض ان السيارة تسجل في كل مرة تباع فيها لكن في حالات البيع المتكرر (التاجر) لن يقوم بتسجيلها حتي لايتحمل تكلفة التسجيل
في مرة شوفت عربية فيها 6 توكيلات !!!!!!!!!!!