رخصه القياده الدوليه

[هيثم]

حد يا جماعه عنده فكره عن
اسلوب استخراج رخصه القياده
الدوليه
الرسوم كام تقريبا
وايه الاجراءت
وبتاخد وقت ولا الموضوع سريع
وهل هى ذات جدوى فعلا
فى حاله السفر للخارج

[Hany Hussain]

السلام عليكم ورحمة الله وبركاته
سيدي استخراج الرخصة الدولية في منتهى البساطة ولا يستغرق منك سوى خمس أو ست ساعات على اقصى تقدير على افتراض بأن لديك رخصة مصرية سارية المفعول
والخطوات الواجب اتباعها هي:
احضار صور شخصية (اعتقدفي حدود أربعة على الأكثر)
صورة البطاقة الشخصية
صورة الرخصة المصرية
أصل البطاقة الشخصية والرخصة
تذهب أولا إلى الإدارة العامة للمرور في رابعة العدوية (المبنى الأحمر) الدور الرابع ويتم استخراج إيصال (مجاني) يفيد بأنك تحمل رخصة قيادة مصرية وبأنه لامانع من استخراجك للرخصة الدولية
تذهب بهذا الإيصال إلى مقر النادي الدولي للسيارات والرحلات بشارع قصر النيل ويفضل قبل الثانية عشر صباحا وتملأ[ هناك استمارة (يفضل إحضار قلم جاف معك) ثم يتم تسليم الاستمارة والصور الشخصية وصور البطاقة والرخصة وكذلك أصل الرخصة ( يتم استردادها عند استلام الرخصة الدولية) وتغادر ثم تعدو بعد ساعتين أو ثلاثة لاستلام الرخصة الدولية ويتكلف هذا مبلغ أربعين جنيها (40) فقط
إذا كنت في عجلة من أمرك يمكنك محادثة أحد الشبان الذين ينظمون وقوف السيارات في الباركنج المجاور ويبيعون الكروت الخاصة بالانتظار إذا يمكنهم تخليص الرخصة في ربع الساعة قابل مبلغ بسيط (10 أو 20 جنيها)
أما بالنسبة لجدواها فيه فعلا ذات جدوى معترف بها وقد جربتها في أكثر من دولة بدون مشاكل ولكن يجب ألا تكون مقيما بهذا البلد أكثر من ستة شهور وإلا توجب عليك استخراج رخصة هذا البلد
وستجد في نهاية الرخصة قائمة بالبلدان الممكن استخدام الرخصة الدولية فيها حسب اتفاقية جنيف
أرجو في حال ذا أردت أي معلومة إخباري وسوف أجيبك بإذن الله في أسرع وقت
أتمنى لك سفرا سعيدا وعودا حميدا سالما ان شاء الله

[هيثم]

شكرا على رد حضرتك يا هانى باشا
وانا ليا استفسار كمان من فضلك
حضرتك قولت انه
(يجب ألا تكون مقيما بهذا البلد أكثر من ستة شهور وإلا توجب عليك استخراج رخصة هذا البلد)

طب هنفترض انى هقعد اكتر من 6 شهور
ينفع انى اطلع الرخصه واستخدمها لحد
ما اضبط امورى واطلع رخصه من البلد
اللى اتا رايحه
ولا من البدايه لازم رخصه البلد
وشكرا لحضرتك

[Hany Hussain]

الشكرلله
القوانين تنص على أنه من حقك استخدام رخصتك الدولية لمدة ست شهور بعد كده انت مطالب باستخراج رخصة البلد اللي انت فيها
بس خد بالك أحيانا بيطلبوا منك جواز سفرك لإثبات انك مش مقيم وان تأشيرتك لسه مافاتش عليها ست شهور
وعلى فكرة أنا احيانا بستخدمها أكتر من الست شهور دول وماحدش بيتكلم لكن الحرص واجب وخصوصا لو في دولة قوانين المررو فيها صارمة زي دبي مثلا

[أحمد كمال]

شكرا على رد حضرتك يا هانى باشا
وانا ليا استفسار كمان من فضلك
حضرتك قولت انه
(يجب ألا تكون مقيما بهذا البلد أكثر من ستة شهور وإلا توجب عليك استخراج رخصة هذا البلد)

طب هنفترض انى هقعد اكتر من 6 شهور
ينفع انى اطلع الرخصه واستخدمها لحد
ما اضبط امورى واطلع رخصه من البلد
اللى اتا رايحه
ولا من البدايه لازم رخصه البلد
وشكرا لحضرتك

لو معاك إقامة ما ينفعش

يعني في الامارات مثلا كان الاول غرامة 3000 درهم

دلوقتي بقت حبس و ممكن ترحيل

و في قطر واحد صاحبي كان رايح بتأشيرة زيارة عمل 3 شهور و قلبوها له إقامة بعدها

أول ما قلبت إقامة بقى ممنوع عليه انه يسوق بيها و الا العقوبة غرامة كبييييييييييرة

لازم طبيعة التأشيرة بتاعتك تكون مش إقامة

يعني ما ينفعش طالب مقيم أو موظف مقيم أو مقيم دائم يسوق بالدولي

ممكن تأشيرة سياحة أو زيارة عمل أو زيارة أقارب ...... غير كده ممنوع .....

[هيثم]

يا جماعه انا مش فاهم موضوع الاقامه ده
اللى مسافر اخويا وهو رايح السعوديه
ان شاء الله و هو دكتور ومسافر على عقد
مع مستشفى حكومى

[أحمد كمال]

يا جماعه انا مش فاهم موضوع الاقامه ده
اللى مسافر اخويا وهو رايح السعوديه
ان شاء الله و هو دكتور ومسافر على عقد
مع مستشفى حكومى

موظف بعقد يعني هياخد إقامة

يبقى يا معلم هيبقى مقيم

و ما ينفعش يسوق بالرخصة الدولي و لا يوم

و لو اتمسك بيها و شافوا جواز سفره عليه اقامة (و اصلا الكفيل بياخد الجواز منك في السعودية و يديك بطاقة مقيمين)

هينفخوه

و انت عارف المصريين ...... درجة تانية جوة .... درجة تالتة برة


بلاش احسن ....... خليه يركب تاكسيات لحد ما يطلع رخصة سعودي ان شاء الله

[هيثم]

يا جماعه انا مش فاهم موضوع الاقامه ده
اللى مسافر اخويا وهو رايح السعوديه
ان شاء الله و هو دكتور ومسافر على عقد
مع مستشفى حكومى

[أحمد كمال]

يا جماعه انا مش فاهم موضوع الاقامه ده
اللى مسافر اخويا وهو رايح السعوديه
ان شاء الله و هو دكتور ومسافر على عقد
مع مستشفى حكومى

انظر الرد أعلاه