إعـــــــلان

Collapse

.

,
See more
See less

عواقب الستائر الكبس مش المخالفات وبس

Collapse
X
 
  • Filter
  • الوقت
  • Show
Clear All
new posts

  • عواقب الستائر الكبس مش المخالفات وبس

    بصوا يا جماعة انا مع احترامى لكل اللى مركب ستائر كبس سواء كان فى ناس بتقول ممنوع او ناس بتقول مش ممنوع
    لو بصينا للموضوع من زاوية مختلفة عن حكاية ممنوع او مش ممنوع
    ان يا جماعة الستائر لما بتتحط ورا او حتى فى الجنب بتخلى العربية اللى وراك ماتشوفش اى حاجة من الطريق ودة خطر عليك انتى شخصيا علشان اغلب الناس ان ماكانش كلهم بيعتمدوا وهما سايقين على انة بيشوف الطريق اللى قدام العربية التى امامة فلو حصل لقدر اللة ان فى اى حاجة طلعت قدام اللى سايق سواء بشر او جماد او حتى حيوان اكيد حيفرمل فاجأة ولو اللى فرمل فجاأة دة مركب ستاير اللى ورا مش حيلحق يعمل اى حاجة فحيلبس شوووور والمشكلة هنا بقى يا جماعة انة ممكن بدل مايلبس فى اللى قدامة يلبس فى بشر ودية المصيبة
    فياريت يا جماعة نعمل حساب للناس لان دة ازية لناس كتير وممكن احنا ذات نفسنا نتئزى من حد مركب ستائر زينا
    وعلى فكرة للمعلومة انا عندى الحاجة لما بتبقى سايقة ومش تعرفش تشوف الطريق بسبب حد مركب ستائر قدمها بتدعى علية
    شوف بقى كام ست كبيرة وراجل كبير سايقين فى البلد ممكن يدعوا عليك + شوف كام واحد غشيم ممكن يلبس فيك من ورا عشان انت مركب ستاير ورا وهو مش شايف حاجة من الطريق ولما بتنزلوا تتخانقوا اقل واجب حيقولك انت مخالف ومركب ستائر ومشوفتش حاجة منك

    اسف لو طولت عليكة بس انا حبيت اعبر عن اللى كنت حسوا لما كنت مركب ستائر
    If you touch my car, i will touch your girl

  • #2
    انا كدة اتأكدت فعلا ان الصراحة والنصيحة بيزعلوا والدليل 48 زميل قرأ الموضوع ولم يعلق ولو باشارة مع ان الموضوع مهم جدا ومتعلق بسبب من ضمن اسباب ازمة الحوادث فى مصر
    يا خسارة يا بلد
    If you touch my car, i will touch your girl

    Comment


    • #3
      كلام منطقي جداً وده بيحصل معايا بالذات مع اخوانا البعدى بتوع الشرطة اللي بيفيم العربية كلها مبكنش شايف حاجة منه وبحاول اسيب اكبر مسافة بيني وبينه .. يس فعلاً الموضوع ده ممكن يضايق ويسبب مصايب كتير ..
      انا معاك انه غلط زية زي الزينون وكشافات الشابورة وغيرهم من اختراعات المفروض انها تفيد ملاكي العربيات بس بدون ما تضطر حد تاني ... طبعاً كل الكمليات دي بتستخدم بأسلوب حضاري عند الناس اللي اخترعوها (بلاد بره) انما عندنا ...............
      لكم تحياتي واحترامي

      Comment


      • #4
        اممم ... أنا مش مركب ستاير ولا مفيم لكن اسمحلى أختلف مع حضرتك فى النقطة دى لسببين:

        1- حضرتك المفروض تكون سايب مسافة كافية بينك و بين اللى قدامك تسمح بايقاف العربية دون الاصطدام فى حالة الفرملة المفاجئة

        2- الموقف دة بيبقى مشابه جداً لحالة لو قدامك عربية نقل أو أتوبيس أو عربية عالية مش بتخليك شايف اللى قدامه

        طبعاً دة لا ينفى انى بأشعر بالاستفزاز من اللى مفيم عربيته كلها أسود غامق و ماشى يتعوج على خلق الله لكن اللى بيركب ستاير كبس خفيفة أو يفيم بسيط بيبقى فى الغالب كل هدفه انه يزود كفائة التكييف فى الجو الخانق اللى احنا فيه فى الصيف ... أما اللى سايق وراه فيجب أن يأخذ حذره بزيادة كما يفعل لو كان أمامه نقل أو أتوبيس.
        الَّذِينَ آمَنُوا وَتَطْمَئِنُّ قُلُوبُهُمْ بِذِكْرِ اللَّهِ أَلا بِذِكْرِ اللَّهِ تَطْمَئِنُّ الْقُلُوبُ

        Comment


        • #5
          فعلا الستاير ليها فوايد برضه
          بمعنى انها بتحجب الشمس بشكل فعال يزود من كفائة المكييف وخصوصا فى الاجواء ديه
          بس بضر ببعض الناس
          لكن الواحد لزم يحط فى اعتبارة خطأ الغير ويسيب مسافات بينة وبين اللى قدامة بشكل عام سواء مفيم مركب ستاير اتوبيس نقل نص نقل اى حاجه
          عندك بقي اللى اخطر من ده
          عربية تكون جارة عربية وراها موضوع فى قمة الخطورة وبسهولة تضيع فية أرواح
          [CENTER][SIZE=6][SIGPIC][/SIGPIC]
          [/SIZE][B][SIZE=5]أضفيت على الحسن العبقا … فالورد تضوّع و اعتنقا
          حـسّـن يا رب لنا الـخـلقا … طـهّـره فـلا يـحوي نزقا[/SIZE][/B]
          [/CENTER]

          Comment


          • #6
            كلامك صح فعلا
            بس برده انت المفروض تسيب مسافة بينك وبين الي قدامك تكفي انك تقدر تفرمل لو هو وقف فجاة يعني
            سبحان الله وبحمده سبحان الله العظيم

            لا اله الا انت سبحانك اني كنت من الظالمين

            Comment


            • #7
              يا جماعة مين فينا فى مصر بيسيب مسافة بينة وبين اللى قدامة واللى بيسيب , بيسيب لما يكون قدامة اتوبيس او تريلا من خوفة من منظرهم , لكن لو قدامك ملاكى اكيد بنلزق فية ولو معملتش كدة اتفرج بقى يا باشا على كمية الكلاكسات والشتايم من العربيات اللى وراك ومش بعيد كمان تأخد مخالفة تعطيل المرور ففجميع الحالات حيجيلك ضغط
              اما بقى يا جماعة بالنسبة للتكييف وكفاءتة ففى ستاير بتبقى اخف كتيير من الكبس دة وبتتحط ورا برضة ,الستارة العادية دية بس مش الكبس, بالرغم من انها بتعاكس اللى وراك برضة لكن اهون كتيير من الكبس اللى بتعتم الموضوع كلة
              وعلى ضمانتى الستاير العادية بتخلى التكييف كويس برضة وبلاش حجج يا رجالة
              وكل مشكلة و اكيد ليها حل بس احنا نركز كدة ونحاول منمشيش اللى فى دماغنا وخلاص
              If you touch my car, i will touch your girl

              Comment


              • #8
                اخوتى الاعزاء مع احترامى لكل ماقيل الا اننى لا ارى مشكلة فى تركيب مخفى او ستائر لاسباب عدة
                1- لو امامك عربيه 4*4 موش حتشوف حاجه لعلو العربيه- ولو امامك عربيه سيرفيس او باص صغير برضه موش حاتشوف حاجه
                2- واهم من كدا انك موش لازم تشوف من زجاج اللى امامك خليك فى سيارتك وطريقك وسيب مسافة كافيه لو ماشو بسرعه اما فى الزحمه فبراحتك
                3- اهم مشكله ارها فى مصر هى عدم التزام العربيات بالحارات يعنى المفروض تمشى فى الحاره بتاعتك ( بين الخطوط) ولو حاولت تنقل لحارة اخرى تعطى اشارة وتنقل ودى من وجهة نظرى اكبر حمايه على الطرق السريعه من الحوادث
                4- الستائر والمخفى بيمنعو دخول الشمس للعربيه وبالتالى قوة التكييف حاتكون احسن حتى لو موش مشغل تكييف وفاتح الزجاج شويه حاتبقى كويسه لان عدم وجود ستائر او مخفى بيخلى العربيه زى الصوبة الزجاجيه بتشوى اللى جواها
                ده رأيى وارجو انى ماكونش دايقت حد وشكرا
                [CENTER] اللهم صل على محمد وعلى آله وصحبه أجمعين
                [/CENTER]

                Comment


                • #9
                  انا متفهم الجزئية دي بس الهدف من تركيب الستاير هو الحماية من الشمس والحر
                  المفروض ان اللي ورا يسيب مسافة موش يبقي كابس

                  Comment

                  Working...
                  X