إعـــــــلان

Collapse

.

,
See more
See less

إحنا عيزين ناخد حقنا من القانون الجديد, أو حتى القديم

Collapse
X
 
  • Filter
  • الوقت
  • Show
Clear All
new posts

  • إحنا عيزين ناخد حقنا من القانون الجديد, أو حتى القديم

    أكيد طبعا مش كلنا عرفنا قانون المرور الجديد عاوز مننا إيه أو على الأقل أخدنا وقت شويه على مافهمناه.
    القانون بيقول إنك ممنوع تتجاوز السرعه المقرره
    وممنوع تركن عربيتك في مكان ممنوع الإنتظار
    وممنوع تمشي عكس الإتجاه
    وحاجات كده المفروض إنها بديهيه
    وطبعا القانون ده ماعندوش خيار وفاقوس, يطبق على الكل والمخالف هاياخد بالجزمه وهايتبهدل ويتمرمط ويطلع عينه وعين الست والدته ومش بعيد يتحبس
    مش ده اللي قريناه كلنا؟

    طيب أنا ليا كام طلب كده يا ريت القانون الجديد يحققهولي, أو أي قانون إنشالله يكون قانون أوم (بتاع الكهربا)

    - زي مابلاقي الأمين ناططلي جوا العربيه أول ماركن جنب الرصيف عشان يلبني المخالفه المتينه أو ياخد حسنته ويتكل, من حقي إني ملاقيش أتوبيس سياحي فاخر راكن في شارع الهرم الساعه 4 العصر قدام البازار قافل الشارع ونفس الأمين ومعاه واحد تاني واقفين يحرسوه

    - وزي مابيطلع الأمين (ده أمين تاني على فكره) من مخبأه عشان يلبسك الأساور الحديد عشان ماشي عكسي في شارع جانبي, من حقي إن يبقى فيه يافطه توحد ربنا تقول الإتجاهات وياريت تكون معدوله ووشها للشارع.

    -وزي مابيرجع الأمين الأولاني يلبك المخالفه المتينه عشان ماشي عكسي (تاني), من حقي إني مالاقيش مكروباص إلترامكو داخل عليا عكسي بسرعه جنونيه وهو بيشاور للأمين بيصبح عليه, وكمان من حقي إني ملاقيش عربيه كارو في شارع الهرم بتاخد الU turn بالمقلوب وبيقطع الشارع بالعرض عشان يوصل الكرنب لسوق العمرانيه وماشي مبنتهى البروووووووودددددد

    -وزي مالأمين السئيل بيرزعك مخالفه ملصقات مع إنها أصلا كانت مخالفة أضواء مبهره بس هو بيعمل معاك الواجب وبيخليها ملصقات عشان مايسحبش رخصة المركبه عشان ياخد فوق نفحته نفحه, من حقي إنني مالاقيش سور مبني على الأرض بيقولوا عليه مطب ومطلوب مني إني أتسلقه بالعربيه ولا عزاء للعفشه

    -وبمناسبة الملصقات برضه, أظن من حقي إني مانزلش الشارع ألاقي عربيتي متخبطه نتيجه إن فيه واحده معاها عربيه matrix ولما لقيت نفسها مابتعرفش تركن وبتخبط قدام وورا راحت مركب صدادات حديد عشان ماتبقاش قلقانه وهي بتركن, ده طبعا غير المواسير الحديد اللي بيركبوها سواقين المكروباصات

    -وزي ما سيادة الأمين بيطلب منك تقف في الإشاره الحمرا, تخيل بقى إن في الإشاره اللي بعدها لو لقيتها حمرا ووقفت هتلاقي العسكري بيزعقلك وبيقولك "خش يا ملاكي", المهم إن من حقي إني ماقفش في طريق مصر الإسكندريه الصحراوي (والله العظيم) 4 ساعات واقف طافي الموتور ياريت عشان حادثه , لأ, absolutely, ده عشان فيه شخصيه مهمه (قوي) في الهرم بتتفسح. هو الشارع ده بتاع الشعب ولا بتاع الحكومه؟

    -ويمكن يكون من حقي إني ماشوفش إشاره فيها كل الألوان أصفر بس, وانت وشطارتك بقى في الكبس

    -ويمكن أطمع شويه ويبقى من حقي إن العسكري مايقفش يتفرج على الناس وهي بتكسر الإشاره على الناس التانيه والدنيا تضرب تقلب وهو واقف حاطط إيده في وسطه وساند على الإشاره (اللي عادة بتبقى مطفيه أو فيها درجات الأصفر بس) طب على الأقل يقعد يشاور بإيده كده كأنه بيقدف في مركب (قصده: خش خش خش) مع إن الدنيا واقفه أصلا

    أنا مش هجيب سيرة التوكتوك عشان كده يبقى طمع (أنا مره شفت توكتوك خبط كلب فاتقلب, التوكتوك هو اللي اتقلب ماتفهموش غلط)
    معلش طولت عليكوا, حسبي الله ونعم الوكيل ويجعله عامر
    [CENTER][FONT=Courier New][SIZE=4]There are 10 kinds of people
    Those who understand Binary
    And Those who don't[/SIZE][/FONT]
    [/CENTER]

  • #2
    ليك في ذمتي واحد Thanks اما زرار ال Thanks يرجع عالموضوع الجامد ده

    قلبت عليا المواجع

    فعلا دايما الموضوع هات هات هات

    مفيش خد خالص
    [SIZE="4"][CENTER][COLOR="DarkRed"][URL="https://goo.gl/30fu9U"]وكيل هجرة مسجل برقم 1575106 لدى سلطة تسجيل وكلاء الهجرة باستراليا[/URL]

    [URL="https://goo.gl/30fu9U"]Registered Migration Agent - MARN 1575106[/URL]
    [/COLOR][/CENTER][/SIZE]

    Comment


    • #3
      موضوع جميل اوى بس غريب

      عارف ايه الغريب انك عاوز تاخد حقك والاغرب انك عاوز تاخد حقك ده فى مصر

      ربنا يعينك ويديلك طولة العمر
      [CENTER] اللهم صل على محمد وعلى آله وصحبه أجمعين
      [/CENTER]

      Comment


      • #4
        انت عملت اللى عليك وطلبت حقك يارب حد يعمل اللى عليه ويديهولك
        [CENTER][URL]https://www.facebook.com/NMTechShop/[/URL] [/CENTER]

        Comment


        • #5
          على فكرة انا شغلي في شارع الهرم وبعاني من الهبل ده...

          يا أخي اذا كانت الملاكي والتكسيات بتنزل البهوات الغير محترمين قدام كازينو الزفت الليل وييجوا يركنوا قدام باب مركز الصحة اللي انا شغال فيه ويسدوا الباب الرئيسي .يعني ل عربية الاسعاف حبت تطلع مش هتعرف الا لما نلاقي البيه..


          قانون مرور مين يا باشا...خلينا ساكتين..بلا هم
          ..

          Comment


          • #6
            أحب اقولك ان شاء الله مش هتاخد حاجة لأن انت نفسك عارف كده
            وعلى العموم الموضوع جميل وفي فكرة

            Comment


            • #7
              ماهو يا جماعه لازم يكون في حل
              هانفضل ناخد علي قفانا لحد امتي؟؟؟
              [CENTER][FONT=Courier New][SIZE=4]There are 10 kinds of people
              Those who understand Binary
              And Those who don't[/SIZE][/FONT]
              [/CENTER]

              Comment


              • #8
                و مين يدي الحكومة مخالفة ..
                [COLOR="gray"]
                [CENTER]Leadership is based on inspiration, not domination[/CENTER][/COLOR]

                Comment


                • #9
                  انا من رايي نعمل مظاهرة او انقلاب وانا همسك الحكم
                  واوعدكم اني هلغي قانون المرور خالص
                  وال عايز يعمل شكوى هستقبلها منه شخصيا بس امسك بس


                  مش انا ال كتبت المشاركة دي
                  ده واحد معرفوش نط من البلكونة ودخل كتبها ولما قفشته طلع يجري وطار من فوق العمارة ال جمبنا جيت اطير وراه معرفتش اصلي كنت لسه واكل

                  Comment


                  • #10
                    انا عايز حقي من عين القط اللي في كل حتة و الحفرة اللي في الطريق علي كوبري أكتوبر بين الزمالك و الدقي بالذات .
                    [COLOR="gray"]
                    [CENTER]Leadership is based on inspiration, not domination[/CENTER][/COLOR]

                    Comment


                    • #11
                      طيب ماتيجوا نفكر في حلول!
                      أي اقتراحات؟؟؟
                      [CENTER][FONT=Courier New][SIZE=4]There are 10 kinds of people
                      Those who understand Binary
                      And Those who don't[/SIZE][/FONT]
                      [/CENTER]

                      Comment


                      • #12
                        المشاركة الأصلية كتبت بواسطة electrondevil مشاهدة المشاركة
                        طيب ماتيجوا نفكر في حلول!
                        أي اقتراحات؟؟؟
                        معتقدش لسه فيه اقتراحات
                        الناس قعدت كتير اوي تقترح وفي الاخر قالو يستنو القضاء من عند ربنا

                        توقيعك جامد اوي على فكره

                        Comment


                        • #13
                          حقنا ده يا جماعه في حاجات نقدر ناخدها بإدينا وفي حاجات ماتنفعش
                          يعني مثلا ماحدش فينا هايعرف يمنع العربيه الكارو إنها تمشي عكسي أو تمشي أصلا في شارع رئيسي
                          ومحدش هايقدر يمنع شخص مهم قوي إنه يوقف الرعيه بتاعته بالساعات عشان خاطر تأمين الموكب (كفايه الدعوات اللي بندعيها عليهم)

                          بس ممكن أي حد في قدام بيته مطب يشيله؟
                          ممكن أي حد إشارته حمرا يقف؟؟ أرجوكوا يا جماعه موضوع الإشاره ده مهم جداااا, صدقوني لو وقفت في الإشاره الحمرا الناس اللي وراك هاتقف.
                          ممكن أي حد مركب صدادات حديد يشيلها؟

                          أنا عن نفسي موضوع الإشاره ده مهتم بيه جدا, ولما تبقى إشارتي خضرا باكبس على الواطيين اللي كاسرين الإشاره وباشتمهم عشان يتعلموا الأدب

                          ولما بالاقي حد ماشي عكسي باصدر نفسي قدامه وأوقفه وأضرب العالي في عينه, مش مهم أتعطل شويه, بس المهم إنه يتعذب ويتعطل أكتر من الوقت اللي بيوفره لما بيمشي غلط

                          أي أمين أو عسكري أو ظابط يتبلطج ياخد بالجزمه لو كنت إنت صح

                          ويجعله عامر
                          [CENTER][FONT=Courier New][SIZE=4]There are 10 kinds of people
                          Those who understand Binary
                          And Those who don't[/SIZE][/FONT]
                          [/CENTER]

                          Comment


                          • #14
                            عاوز حقى
                            [SIZE="6"][COLOR="DarkGreen"][U][I][CENTER][SIZE="5"]اللهم اجعل قلوبنا عامرة بالإيمان[/SIZE][/CENTER][/I][/U] [/COLOR][/SIZE][CENTER][U][I][/I][/U][/CENTER]

                            Comment

                            Working...
                            X