حل مشكلة المرور

[tutankhamoun]

توجد في مصر مشكلة خطيرة و هي كارثة بكل المقاييس ألا و هي المرور :( :( والقيادة :( :( :(
لذلك أرى من وجهة نظري الشخصية البحتة بعض الحلول لتجنب تلك المشكلة .
أولا يتم سحب الرخص المصدرة حاليا لجميع السائقين في مصر بلا استثناء -- و هي أساسا غير معترف بها في أي دولة في العالم و لا حتى الدول العربية--
ثانيا عمل اختبارات من جديد لجميع السائقين و خصوصا سائقي السيارات العامة خصوصا الميكروباص و التاكسي و سائقي الأوتوبيس و الشباب تحت سن 25 عام
ثالثا . تكون هذه الأختبارات مثل الأختبارات التي تتم في دول الاتحاد الأوروبي.......... فيتقدم مقدم الطلب إلى إدارة المرور لأستخراج رخصة ........ فيمتحن في الشارع لمدة لا تقل عن 2 ساعة على طريق سريع و 2 ساعة في وسط البلد كما تفعل الدول المحترمة. 8) 8) 8)
رابعا. يجب أن تكون هناك رخص خاصة بمن يقودون السيارات العامة مثل الميكروباص و التاكسي
خامسا . يتم وضع نظام النقاط لكل حاصل على رخصة جديدة ..... بأن يتم احتساب 16 نقطة كرصيد ..... و يتم الخصم من تلك النقاط على حسب الأخطاء التي ترتكب بالاضافة إلى الغرامات المستحقة
فمثلا اذا تم اكتشاف سيارة قامت بغرزة يتم خصم 6 نقاط و 1000 جنيه غرامة و سحب الرخصة لمدة لا تقل عن شهر ....... و إذا تكرر نفس الأمر مرة أخرى في نفس العام يتم سحب الرخصة لمدة 6 أشهر يحرم منها السائق من القيادة نهائيا ....... و غرامة 2000 جنيه ..... و 8 نقاط أخرى
و يتم خصم 4 نقاط للسرعة الزائدة بجانب الغارمة المستحقة و حسا السرعة فإذا تجازو السائق السرعة ب 10 كم /س يتم احتساب 250 جنيه غرامة أما لو زادت عن 10كم/س يتم احتساب 500 جنيه غرامة و 6 نقاط و سحب الرخصة لمدة شهر و إذا تكرر نفس الفعل يتم سحب الرخصة لمدة 6 أشهر .
الركن الخاطئ أعتقد غرامة مالية فقط و تكون بحوالي 100 جنيه .
السير عكس الاتجاه ........ خصم جميع النقاط و سحب الرخصة نهائيا و غرامة 5000 جنيه و السجن لمدة شهر
سادسا ......... يتم وقف عمل المقطورات و الميكروباصات و أي سيارة غير صالحة للعمل على الطريق العام
عدم ترخيص السيارات القديمة البطيئة جدا و التي تتسبب في تعطل المرور
ثامنا ..... التخطي ..... يجب أن يكون له قانون و هو أن يتم التخطي فقط في الحارة اليسرى أي الحارة السريعة فقط و إذا تم التخطي في الحارة اليمنى أو الحارة المخصصة للطوارئ يتم احتساب 100 جنيه غرامة و خصم 3 نقاط من الرصيد و يجب أن يكون التخطي عندما تسمح حالة المرور بذلك أو إذا أعطاك السائق الأخر الإشارة بتخطيه
تاسعا ... يتم وضع اشارات مرور ككل دول العالم و من لا يحترمها يتم خصم 6 نقط من رصيده و غرامة 500 جنيه
عاشرا .... على الميكروباصات أن تقف فقط في المحطات الرسمية التي يتم تحديدها حسب كل شارع و عدم الوقوف في عرض الشارع و تعطيل حركة المرور و من لا يلتزم بذلك يدفع 150 جنيه غرامة و خصم 3 نقاط من الرصيد و إذا تكرر الفعل يتم سحب الرخصة لمدة شهر
احدى عشر ...... إعادة تصميم بعض الشوارع لتتلائم مع المتطلبات الدولية
أثنى عشر .... يتم تخصيص وحدة لمراقبة المرور و تكون مكونة من أمناء شرطة فقط و ظباط و لا وجود لعساكر أميين ........ و يتم رفع مرتبات أفراد الشرطة للقضاء على موضوع الرشاوي
ثالثا بعد العشرة ........ يتم زيادة الضرائب المحصلة على السيارة خصوصا السيارة ما فوق 1600 سي سي و تمويل زيادة المرتبات من تلك الضرائب
رابعا بعد العشرة ......... تحسين حالة الطرق المصرية بتغطية الفتحات و الحفر التي في الطريق أولا بأول
الإلتزام التام بالحارة المرورية و من لا يفعل ذلك عليه دفع الغرامة و خصم 2 نقطة من رصيده
الإلتزام و الأنضباط هما حل مشكلة تلك البلد في ظل الفوضى العارمة التي نعيشها

[sokasoon]

• يا رررررررررررريت يا tutankhamoun
  
  بس هما ينفزووووو اى حاجة دول نايمين على طووول

[Heshaam]

كلام جميل يا توت غنخ آمون؛ إنما المشكلة في اللي هينفذه

حل مشكلة المرور يبدأ من إعداد رجل المرور اللي هيعمل على تنفيذ القواعد

[أبو عبدالله]

انت عارف ده معناه ايه

انك مش هتلاقي حد هيمشي في الشارع لن الكل هيتسحب منه الرخص سحب نهائي لأن لا احد سيرتجع من الكلام ده

يا عم ده السواقين بقه عتدهم حاله من حالات اللا وعي من كتر الدخان اللي بيدخل في انفهم والتجارب اليوميه في عالم جحا اللي احنا عايشين فيه وربنا يعافينا ويعافي كل المسلمين ان شاء الله

[Akram]

المشكلة جوانا و حلها إن كل واحد يبدأ بنفسه و يحاول ينشر الفكر ده بين كل اللى يعرفهم ,
و أقترح تجميع المشاكل اللى بنقابلها و الحلول المقترحة ليها من خلال جهابذة المنتدى و مفيش مشكلة لو تم الإستعانة بخبراء في مشاكل السيارات و مشكل المرور و المشكل النفسية للسائقين ,
و كل ده يتم تجميعه في ملف وورد مثلا و يقوم كل واحد مننا بإرساله الى كل معارفة و طباعته إن أمكن و توزيعه على الإصدقاء و الاهل و ممكن فتح الموضوع ده في أي مناقشات مع المعارف للتوعية .......
يعني عاوزين حلول نقدر نقوم بيها و نساعد فيها ............
أرجو من المشرفين عمل موضوع خاص لإصدار هذا الكتيب أو لعمل هذا الملف .........

[tarekkasaby]

جميييييل جدا بس استحالة يتنفذ فى مصر
لان اسلوب القيادة الحالى بقى طبع عند النوعية دى يعنى لا يمكن تغيره
يموتو لو غيروه!!!!!!

[tutankhamoun]

شكرا للجميع و كل من شارك بمداخلة
و لكن أتفق مع أغلبية الردود أن عادات الناس أصبحت كذلك . و لكن
هذه العادات من الممكن تغييرها هو ليس سهل بس ممكن
مع الوقت سيتم هذا التغيير ....... من الممكن أن تأخذ عملية التغيير ما لا يقل عن 5 سنوات أو أكثر و لكن سيكون من الجميل أن تعرف أن في نهاية النفق ضوء نور و النفق له نهاية
أما حالة اليأس و الفوضى التي نعيشها فهي كالنفق المظلم الذي ليس له نهاية
خصوصا إذا عرفنا أن خساء مصر من البنزين سنويا نتيجة للفوضى المرورية حوالي مليار جنيه مصر حسب احصائيات الأمم المتحدة ........ و خسائر بشرية تقدر بحوالي 10000 إنسان يموت سنويا ناهيك عن المعوقين الذين يعيشون بعد حادثة و لكن تتغير حياتهم رأسا على عقب بأن يعيشوا معوقين أو فاقدي أي جزء من أجزاء الجسم
و خسائر في قطع الغيار لأننا كلنا نعرف أن معظم قطع الغيار ليست صناعة محلية و لا السيارات نفسها فبدلا من الحفاظ على هذه الثروة القومية من السيارات فنجد أن معدل استهلاك قطع الغيار في مصر معدل عالي جدا و بالتالي يعني أستهلاك عملة تخرج خارج البلاد بدلا من أن تدار في عجلة الأقتصاد القومي
يعني الموضوع مش متوقف فقط على فوضى مرورية و لكن لهذه الفوضى ذيول كثيرة و تضر الأقتصاد القومي
:shock: :shock: :shock: :shock: :shock:

[tutankhamoun]

فمثلا أنا عشت جزء من حياتي خارج مصر ....
فقد أشتريت سيارة موديل 1985 عام 2000 السيارة كانت قطعت حوالي 160000 كم و كانت قديمة في الموديل و لكنها كانت فبريكة بعد 15 سنة من إنتاجها .......... و حالتها كانت ممتازة جدا و الموتور نفسه الموتور الأصلي و تقريبا كل شئ فيه كان الأصلي لم يتم تغيير أي شئ أساسي فيه
و كل السيارات هناك كذلك .......... لا تجد سيارة واحدة بها خدش ......... و السيارة تفضل طول عمرها فبريكة بره و جوه ........ هنا في مصر لا يمر شهر على شرائك سيارة حتى تذهب إلى السمكري و بتاع الدوكو و جميع السيارات في مصر لازم تكون واخده حكة و متخربشة حتى لو موديل السنة دي
و بعدين العملية تحس أنها ماشية زي الكمبيوتر ........ يعني الناس متبرمجين على الصح ......... الكل في حارته ....... محدش يقطع الطريق على حد ......... الرصيف للمشاة .......... الطريق للسيارات فقط ............. انتظام متناهي النظام ......... 99 % ماشية بنظام ....... لو الطريق له سرعة محدده .......... متلاقيش واحد عامل فيه مستعجل و يدوس بنزين !!!!!!!! :twisted: :twisted:
متلاقيش حد يعمل غرزة :twisted: :twisted: ..........
و ده طبعا راجع لوعي الناس بأهمية النظام ........... و أيضا للغرامات الكبيرة التي تنتظرهم في وقت مخالفة هذا النظام الموضوع

[ابوحميد]

والله يا توت كلام جميل جدا وانا شايف ان اللى قلته عشرة على عشرة
بس ناقص حاجة مهمة جدا
احنا عندنا ترسانة قوانين اينعم ان طبعا مش مطبقة بالحرف وبتطبق على ناس وناس بس برده مش هوا دا السبب الاساسى
انا شايف ان سبب سوء السلوك فى القيادة هو عدم التعود
طيب عدم التعود دا نخلص منه ازاى
نخلص منه فى الصغر بمعنى ان الاطفال وهما صغيرين نعملهم تعاليم المرور فى المدرسة (بس طبعا دا لما يكون فيه تعليم اصلا)زيه زى العربى والحساب
والطفل يتربى من هوا صغير على احترام قواعد المرور وادابه والذوق والاخلاق

[tutankhamoun]

والله يا توت كلام جميل جدا وانا شايف ان اللى قلته عشرة على عشرة
بس ناقص حاجة مهمة جدا
احنا عندنا ترسانة قوانين اينعم ان طبعا مش مطبقة بالحرف وبتطبق على ناس وناس بس برده مش هوا دا السبب الاساسى
انا شايف ان سبب سوء السلوك فى القيادة هو عدم التعود
طيب عدم التعود دا نخلص منه ازاى
نخلص منه فى الصغر بمعنى ان الاطفال وهما صغيرين نعملهم تعاليم المرور فى المدرسة (بس طبعا دا لما يكون فيه تعليم اصلا)زيه زى العربى والحساب
والطفل يتربى من هوا صغير على احترام قواعد المرور وادابه والذوق والاخلاق

كلام جميل و لكن ...
تربية الأطفال منذ صغرهم بالتوازي مع ظبط حالة المرور في الشارع لأنك لو بتربي الطفل على حاجة في المدرسة و لا يراها في الحياة العملية فهذا تضييع للوقت
المشكلة ان النظام كله فاشل :x :x :x :x :x