النمر !!!!!!!!!!!!!!!!

[ahmed azab]

في ظل التجاوزات اللي نبشفها كل يوم حابب نتكلم في موضوع ملحوظ من فترة وهو تغير شكل اللوحات المعدنية للعربية والتغير ده اما شكل او مضمون اللوحات لما تحويه من معلومات
كتير نبقا ماشين نلاقي النمر اللي علي العربية سوداء حتي الارقام وطبعا انت متقدرش تعرف منها اي حاجة ؟؟؟؟؟؟؟
ومرة تلاقيها معمولة علي بلاستيك خصوصا بتاعت اعضاء هيئة القضاء وجمبها البدج....ماشي
ومرة متلقيش نمر خالص والله ده ريح نفسه ومعظمهم اعضاء هيئة الشرطة .
طبعا احنا مبنقصدش النمر اللي هي اصلا سودا وانما اللي اصحابها بيحطوا عليه اضافتهم الجميلة ظننا منهم انها لما تكون سوداء هتبقي احلي و فيها ارقم زيادة محدش هيعرف يجبها
طيب ليه هو ده بيقا كده تميز او ده اوبشن في العربية
بصراحة مش عارف لحد دلوقتي ايه السبب الحقيقي
بس متهيألي ده علشان الناس اللي ماشية في الشارع تخاف مني او تحس ان انا حد مهم ,,
طيب ده اسف يبقي تعويض عن نقص وكوامن داخلية وحب ظهور وعلي شرط هو كشخص لا شي( يعني مش واحد مسؤل او ذو اهمية )
ولا علشان المخلفات والمرور والناس تقلق تخده مخلفات وده يبقي عجز في تطبيق القانون لانه طبعا بيطبق علي ناس وناس فاصبحت البلطجة وفرض القوة هي دي لغة الشارع دلوقتي
اشمعني مصر هي بس اللي فيها الظاهرة دي
هل ممكن نعمل احصائية من هنا( اعضاء المنتدي) بس نكون صادقين كام واحد عامل النمر بتاعته سوداء اظن هتطلع نسبة مش صغيرة
الطلب الاصعب هل ممكن ترجعها علي اصلها ؟؟؟؟؟؟
ميتهياقليش ان النمر لو بيضا هتعيب شكل العربية؟؟؟؟؟؟
انا عن نفسي
ارفض هذا الاسلوب (رأي شخصي)

[مدحت منيب]

لسه مرخص 2-10 مرور قوات مسلحه والراجل بتاع شباك تسليم اللوحات المعدنيه عرض على السوده قلت له ايه الفرق بينها وبين البيضا , قاللى هى ممنوع , ولو فيه لجنه شديده ممكن يسحبوها , قلت له ما احبش امشى فى الممنوع , وركبت نمر بيضا ستة ارقام , وو الله ما كنت واخد بالى ان دى فيه ناس بتعتبرها وجاهه ولا الاعتبارات التانيه دى ..و عمرى حتى و انا ف الخدمه ما حطيت نسر ,.. و احطه ليه ؟ ما انا موظف زى اى موظف فى اى وزاره ..يمكن المدنيين يفيدوا البلد اضعافى .. يا عم بلا عقد طهقنا من محاولة تقسيم الناس دى .. الكل امام من وضعنا فى هذه الحياة معا ليبتلينا ببعضنا سوااااااا سيه .

[modux]

و انا بشتري عربتي
من 5 سنين كده
اخدت النمر من المرور سوداء
و قعدت بتاع شهر لحد ما تسحبت الرخصة عشان تغيير لون اللوحة

والله ما كنت اعرف انها بتترش
قلت للضابط انا مستلمها كده فكرني بترييق عليه و اتعصب اوي
بس عادي روحت رشتها

بس بجد حاجة تحرق الدم بتوع القضاء
المفروض هما بينشروا العدل بين الناس بس منهم لله

[hazem_khidr]

انا بقي كنت بخلي لون النمر يمشي مع لون العربيه
ال 505 كانت بيضا و النمر سودا علشان كانت الواجهه كلها سودا
ال 132 كانت سماوي لكن ضهر النمره اسود و الاكصدام الامامي اسود علشان كده كنت مخلي نمرها سودا.
ال125 كانت بيضا و نمرها ابيض برضه.
السويفت جات بعد ما الواحد كبر و بقي عجوز حتي بقيت بكسل اعمل فيها اي حاجه غير الصيانه و بس يعني عندي النمره الاماميه مش ظاهره و المفروض ارشها لكن مكسل اني حتي رشها نفس اللون مش اغير لونها!!!!!!!!!!,

[sherif Anton]

انا برضه استلمت من المرور النمر لونها اسود !!!! ... بس انا معرفش انهم ممكن لو في لجنة يعملوا عليها مشكله ؟؟؟؟ طب ازاي اذا كان المرور هو اللي سلمهالي لونها اسود !!! ... حد يعرف ياجماعة الواحد ممكن يرشها ابيض فين؟؟؟

[eng_mkhalaf]

انا برضه استلمت من المرور النمر لونها اسود !!!! ... بس انا معرفش انهم ممكن لو في لجنة يعملوا عليها مشكله ؟؟؟؟ طب ازاي اذا كان المرور هو اللي سلمهالي لونها اسود !!! ... حد يعرف ياجماعة الواحد ممكن يرشها ابيض فين؟؟؟

أى خطاط ممكن يظبتهالك تمام

[sherif Anton]

أى خطاط ممكن يظبتهالك تمام

الف شكر

[Abdallah]

استلمت نمر مرة واحدة بس قبل كدة سوداء ورحت رشيتها ابيض ولم اكتفى بهذا بل صنعتها كومبيوتر لأنها كانت متبهدلة اوى.
من وجهة نظرى ان الموضوع ماشى نظام خلف تعرف والقانون بيعتبر اى تغيير فى النمر المصروفة من المرور يعتبر تزوير ويعاقب مالك السيارة معاقبة مرتكب التزوير .

[Akram]

كمان يا شباب فيه موضوع النمر اللي أقل من 5 أرقام و دي بتتباع برقم فلكي في المرور , وده طبعاً علشان الوجاهه أو علشان يبين انه واحد واصل و محدش يخده مخالفة...... :neutral:

[zozza]

حد يعرف ياجماعة الواحد ممكن يرشها ابيض فين؟؟؟

فيه واحد بيرشها في ميدان الجامع مش فاكر اسمه .... بي هو بعد السجان باربع محلات كده

[Abdallah]

ترشها عند واحد بوهيجى وتروح لاى خطاط يحددهالك او تحددها انت فى البيت بقلم دوكو اسود.

[sherif Anton]

الف شكر ياجماعة على ردودكم ... انا لازم كده ارشها في اقرب وقت بدل ما يقع الفاس في الراس واي ضابط في لجنه يتلكك لي ... الف شكر مرة اخري

[mohamed el hussien]

تعرفوا يا جماعة
ان في نمر بيعملوه جديد
7 ارقام

دة الجديد بقي
نظرا لان مفيش نمر في كذا مرور من فترة :shock:

[hazem_khidr]

تعرفوا يا جماعة
ان في نمر بيعملوه جديد
7 ارقام

دة الجديد بقي
نظرا لان مفيش نمر في كذا مرور من فترة

متوقع حاجه زي كده من فتره لان في ارقام في القاهره شوفتها ####97 ف اكيد حيبقي في نمر 7 ارقام بس دا مش مضبوط ان نمره العربيه تبقي كبيره اوي كده
كانو ممكن يغيرو النمر كلها احسن تبقي تلات حروف و تلات ارقام زي السعوديه مثلا او حرف و 5 ارقام زي دبي او باللون زي ابو ظبي

[Karim_Monir]

وانا بشتري الاكسيل من كام سنة وبعد ما دخلتها دوكو فرن
البوهيجي حب يجاملني رشهالي اسود وكتب النمر بالابيض عشان الاكسيل من ورا في باكتة سودا كبيرة وتمشي مع الفوانيس المرشوشة سودا وكدة
زعقتلة وقولتلة رجعها ابيض تاني
قاللي الناس بتجيلي ارشهالهم ب50 جنية وانت مش عاجباك
مشيت بيها شوية مؤقتا واسبوعين ورحت رشيتها ابيض تاني
هو انا ناقص وجع دماغ