نمر مكررة فى النمر الجديدة!!!

[som3aa]

لسه من شوية شايف عربية bmw 5-series عليها النمر الجديدة

هأم - 228

ازاى فى 228؟؟

مش تكرار الرقم كان ممنوع؟؟

و لا نزلوا ارقام مكررة تبع مرور معين و لا ايه؟

[د.محمود صلاح]

أول مرة أعرف إن التكرار ممنوع !! لم أسمع بذلك من قبل

[Terrible_DaRsH]

تقريبا تكرار الحروف هو الى ممنوع مش الارقام .

[جمال]

هم فعلا قالو ان التكرار ممنوع سواء فى الحروف او الارقام
مش عارف الرقم ده جه ازاى
هل انت متأكد انه 228 و ليس 328 او 238 ؟

[kareemhisham]

انا الاعرفه ان تكرارا الحروف مش ممنوع لانى لما كنت برخص شفت حوالى اربع او خمس لوح عليهم نفس الحروف زاى الانا خدتها بس ارقام مختلفة

[mr_kenawy]

التكرار مسموح به فى سيارات الهيئة الدبلوماسية فقط

[itsonlyme]

انا الاعرفه ان تكرارا الحروف مش ممنوع لانى لما كنت برخص شفت حوالى اربع او خمس لوح عليهم نفس الحروف زاى الانا خدتها بس ارقام مختلفة

هو بيتكلم عن تكرار الحروف أو الأرقام في نفس اللوحة.

لكن تكرار الأرقام ما بين الألواح المختلفة مش مشكلة.

[a7mode]

لا انا شوفت حروف مكرره كتيييييييير اوى تقريبآ نص اسكندريه واخد نمر ( س ط ب ) او ( س ق ج ) بس بصراحه مشوفتش ارقام مكرره على لوحه واحده خالص !

[itsonlyme]

لا انا شوفت حروف مكرره كتيييييييير اوى تقريبآ نص اسكندريه واخد نمر ( س ط ب ) او ( س ق ج ) بس بصراحه مشوفتش ارقام مكرره على لوحه واحده خالص !

برضو مش ده المقصود.

المقصود ان يكوف في لوحة حروفها (س س ب) أو أرقامها 232.

يعني يكون في نفس اللوحة حرف أو رقم متكرر.

[aliabutaleb]

يمكن هي دي الأرقام المميزة اللي قالوا هايبيعوها بأسعار مميزة ويتبرعوا بتمنها للجمعيات الخيرية :)

[Sharky]

مافيش لا أرقام مكررة او حروف مكرره فى النمر الجديدة حتى الأن

ممكن تكون 328 أو 238

[som3aa]

لأ يا جماعة مانا عارف ان مفيش تكرار علشان كدا عملت الموضوع
كان نفسى اصورها بس العربية حودت بسرعة فملحقتش.

أنا متاكد 100% ان النمرة كانت 228 و كانت عربية bmw 5-series و الحروف هأم

انا استغربت جدا لان مفروض ميبقاش فى رقمين مكررين و دققت جدا لقيتهم 228 فعلا , دى اول عربية اشوفها كدا
و للعلم مش هيئة دبلوماسية و لا حاجة دى عربية ملاكى عادى (يعنى اللوحة زرقاء)

يمكن حد يعرف حاجة عن الموضوع دا (يكونوا سمحوا بيه و لا حاجة فى مرور معين مثلا)

[Sharky]

اللى أعرفه حتى الان انهم مانزلوش النمرة المكررة خالص
لإنها المفروض حتتباع فى مزاد و كان زمانا سمعنا عنها

[human]

بكره الكوسه تشتغل

[D . a .\ AYMAN]

مافيش حاجة إسمها التكرار ممنوع سواء في الحروف أو الأرقام وسواء في اللوحة الواحدة أو اللوحات المختلفة ... المهم إنه إستحالة تكون في عربيتين بنفس الحروف والأرقام وبنفس ترتيب الحروف والأرقام معا ... لكن طالما إنه مش بنفس الترتيب ممكن تلاقو الحروف زي بعض لكن الأرقام مختلفة .. وممكن تلاقوا الأرقام زي بعض لكن الحروف مختلفة ... اللى ممنوع لغاية دلوقتي هو تشابه الثلاث أرقام أو الثلاث حروف معا في لوحة واحدة ... زي 111 أو 222 أو 333 ... وكمان ب ب ب أو ج ج ج وكمان الحاجات اللى ماشية بالترتيب زي 123 ... فقط هوة ده اللى ممنوع (لغاية دلوقتي)