إعـــــــلان

Collapse

.

,
See more
See less

بلد بايظه ونظام عقيم لكن المهم قانون المرور

Collapse
X
 
  • Filter
  • الوقت
  • Show
Clear All
new posts

  • بلد بايظه ونظام عقيم لكن المهم قانون المرور

    ياجماعه انا عارف انى موضوعى مش جديد وكلنا قاسينا منه لكن بجد اللى حصل لى الاسبوع ده استحاله يحصل لاى بنى ادم فى دوله محترمه ليها قانون ونظام
    اللى حصل انه ميعاد تجديد السياره الماتريكس كان الاسبوع ده فقلت بما انى تبع مرور السلام يبقى اخد حبوب مهدئ
    واعمل حسابى على 3 ايام على الاقل للتجديد
    المهم اول يوم للمخالفات قدمت الرخصه 9.3 اخدتها 1.45 وطبعا شمس نار ومافيش كراسى وناس لا اول ليهم ولا اخر
    وكلهم على شباك واحد 50×50سم واللى مش عاجبه يخبط دماغه ى اجدع عمود
    طبعا روحت قلت اجى تانى يوم ادفع التأمين والضريبه وطبعا طابور طويل وقله ادب وهمجيه وضاع اليوم وروحت
    ثالت يوم قلت افحص واذا قدرت هقدم الورق واخد الرخصه ( طبعا احلام ) دخلت افحص لقيت مولد ماله صاحب ملاكى على تاكسى على موتسيكلات على ميكروباصات وظباط بتشتم وناس فوق بعضها وعسكرى البصمه ولا مدير الوحده
    تجرى وراه وهتبوس ايده علشان يتعطف ويتكرم وياخد البصمه ومهندسين مالهمش هم غير لم فلوس من الناس
    طبعا على مافحصت كان بقت الساعه 12.3 كان مؤكد انى خلاص مش هقدر اعمل حاجه تانى وروحت
    امبارح بقى كانت قمه المسخره واللى عاروز يعرف مصر ونظامها لازم يجى يشوف امبارح
    انا معايا كل الورق مظبوط ومعايا النمر القديمه كنت قدام الشباك الساعه 8.55 الموظف اخد الورق وطلب دمغه جبتها
    وراجع الورق وقالى انتظر هينادوا عليكى تستلم الرخصه الساعه كام 9.05
    من الوقت ده الى الساعه 4.15 فى الشمس ومافيش كراسى تكفى الناس واناواقف على رجلى اكتر من 7.3 ساعات
    فى صيام وحرق دم واسطه تاخد رخصها وهى قاعده فى دقايق والناس وقف
    مدير الوحده ومدير المجمع ولا على بالهم الساعه 3 اخدوا بعضهم وروحوا وسابوا الناس اكتر من 250 واحد ومنهم سيدات والله العظيم كانوا بيعيطوا بالدموع
    اخدوا الورق منا والرخص والنمر ولا عارفين نروح ولا عارفين نسترد الورق والنمر القديمه ولا اخدنا الجديد ولا حد مهتم حتى يرد يقولنا هنعمل ايه هنروح ازاى بدون رخص ونمر فكرت اروح اعمل محضر فى القسم باللى حصل لكن قلت لو واحد امين شرطه ولا ظابط رخم وحجز العربيه ( اللى مش بقى فيها لا رخص ولا نمر ولاورقه تقولى انها ملكى) فقلت اتنيل واسكت
    السااعه 4.15 الناس استلمت الرخص ولسه هيستلموا النمر ويروحوا لعسكرى علشان يركبها من 9 الصبح
    متخيلين الناس كانت ازاى
    متخيلين كام واحد اتنهى للابد ( وانا منهم) اى انتماء للبلد دى متخلين كام دعوه على الحكومه واللى ماسكين البلد كام شتيمه وكام خناقه وسب امبارح
    نسيت اقولكم انى وانا برخص سالت على الشنطه والمثلث قالوا خلاص ابو بلاش اتلغى وحضرتك تشترى من اى كشك جوه المرور الاتنين يااما من ابو 55 او ابو 65
    صدقونى انا بكتب دلوقتى ومش قادر اكمل من كتر تعب جسمى ونفسيتى وامبارح
    اقل مايوصف انه لو احنا حيوانات كان يمكن يبقى لينا تمن فى البلد دى
    واقل شئ يتعمل انه ماعدت هحترم لا قانون ولا نظام طالما فى جيبى اللى هدفعه
    واتمنى الاخوه اللى بيتكلموا على اننا لازم نحترم القانون ومنركبش شئ مخالف على العربيه
    يوفروا كلامهم لان الكلام ده معدش ليه قيمه فى بلد انت اصلا مالكش فيها قيمه
    وسلم لى على قانون المرور الجديد

  • #2
    معلش هدى نفسك
    وحمدلله على سلامتك

    Comment


    • #3
      اوحش مشوار تروحه هو مشوار المرور , وياسلام لو زحمة

      Comment


      • #4
        انا صاحب موضوع احترام القانون
        وانا مقدر الحالة اللى حضرتك فيها
        بس مينفعش انى استسلم لما اقرا كلامك لان احنا اللى لازم نغير الوضع دا
        احترام القانون هو واجب على كل انسان فى دولة متحضرة
        و بالرغم ان احنا مش فى دولة متحضرة بس لازم نتنمسك بالامل ان ان احنا نفوق من التخلف اللى احنا فيه و نتقدم
        و اسف جدا على معانتك بس احنا اللى لازم نغير نفسينا مش نسنى التغير من فوق
        و حمد لله على سلامتك
        -

        Comment


        • #5
          المشاركة الأصلية كتبت بواسطة sherifahmed مشاهدة المشاركة
          انا صاحب موضوع احترام القانون
          وانا مقدر الحالة اللى حضرتك فيها
          بس مينفعش انى استسلم لما اقرا كلامك لان احنا اللى لازم نغير الوضع دا
          احترام القانون هو واجب على كل انسان فى دولة متحضرة
          و بالرغم ان احنا مش فى دولة متحضرة بس لازم نتنمسك بالامل ان ان احنا نفوق من التخلف اللى احنا فيه و نتقدم
          و اسف جدا على معانتك بس احنا اللى لازم نغير نفسينا مش نسنى التغير من فوق
          و حمد لله على سلامتك
          معلش بأه انا اختلف معاك - لما نصوص القانون تحترمنا اساساً وميكونش كل الهم هو جمع الفلوس عن طريق القانون لا يحترم هذا القانون بالمرّة هذا قانون غير ادمى وغير واقعى وقانون يجب الا نسير عليه بالمرّة لانه معظم الشعب غير راضي بيه ولأنه لايطبق الا على الغلابة ولا يطبق على اصحابه ( يأخى يجب ان تكون المعاملة بالمثل واذا حصل تفرقة محدش هايحترم حد ولا هايحترم القانون

          لازم يكون فى امل إذا كان فى تغيير للأفضل لكن كل شوية يحصل تغيير للأسوء بغرض المصالح الشخصية
          لازم الشرطة تطبق القانون على نفسها اما يكون رجال الامن والمرور منتشرين فى كل الشوارع ليلاً نهارا حفاظاً على الامن والامان حفاظاً على الشوارع المتكدسة ولا يوجد لهل ظابط ولا رابط وكبيرهم يعملو لجنا فى اى حته يلمو فلوس ويخلعو
          [CENTER][SIZE=5][COLOR=blue][B]ألا أيها المأمول فى كل ساعة شكوت إليك الضر [/B][/COLOR][/SIZE][/CENTER]
          [CENTER][SIZE=5][COLOR=blue][B]فارحم شكايتى فزادى قليل [/B][/COLOR][/SIZE][/CENTER]
          [CENTER][SIZE=5][COLOR=blue][B]ما أراه مبلغى اللزاد أبكى أم لطول مسافتى أتحرقنى بالنار ياغاية المنا فأين رجائى فيك أين مخافتى فأين رجائى فيك أين مخافتى[/B][/COLOR][/SIZE][/CENTER]

          Comment


          • #6
            انا باحترم قانون المرور ليس حبا فيه ولكن لانى باحترم نفسى وعايز امشى كويس لكن بصراحه انا شايف انه قانون ظالم ظالم ظالم ولايطبق الا على الغلابه فقط وهدفه الاول جمع المال وليس هدفه ابدا تنظيم المرور وحسبنا الله ونعم الوكيل
            [SIGPIC]http://www.nilemotors.net/Nile/signaturepics/sigpic3105_1.gif[/SIGPIC]
            Dr Ibrahim Saad

            Comment


            • #7
              المشاركة الأصلية كتبت بواسطة ibrahimsaad مشاهدة المشاركة
              انا باحترم قانون المرور ليس حبا فيه ولكن لانى باحترم نفسى وعايز امشى كويس لكن بصراحه انا شايف انه قانون ظالم ظالم ظالم ولايطبق الا على الغلابه فقط وهدفه الاول جمع المال وليس هدفه ابدا تنظيم المرور وحسبنا الله ونعم الوكيل
              كلامك صحيح منهم لله
              [SIZE=7][COLOR=#0000ff][B][blur1][SIZE=7][COLOR=#0000ff][B]ali soliman[/B][/COLOR][/SIZE][/blur1][/B][/COLOR][/SIZE]

              Comment


              • #8
                معلش يا باشا، كلنا لها
                بس غلطه اهالينا انوهوم ما طلعوش قضاه ولا ظبات .. ما كناش وقفنا الوفقه دي ولا البهدله دي
                انا هنا فى اسكندريه نقلت ملكيه ورخصت فى 3 ايام برده وحمدت ربنا انى ما كنتش لسه اشتغلت، ما كنتش هاعرف اخ الاجازات دي كلها
                [COLOR=DarkRed]ربنا موجود
                [/COLOR][SIGPIC][/SIGPIC]

                Comment


                • #9
                  المشاركة الأصلية كتبت بواسطة ash_rsi مشاهدة المشاركة
                  وسلم لى على قانون المرور الجديد


                  لسه كنت امبارح بخلص ورق فى الحكومة فبسأل راجل قاعد على مكتب اخلص الورة دى فين فشاورلى على راجل كان نايم على مكتبه فبقوله بس دا نايم قاللى مش مهم روح صحيه
                  المهم روحت واستجمعت قواى وصحيته فهو تقريبا كان غرقان فى النوم فصحى مبلم ومش فاهم حاجة وكان مأريف فبقله عاوز اخلص الورقة دى فبصلى وهو متضايق عشان صحيته
                  المهم خلصلى الورقة وقاللى روح ادفع فى الخزنة
                  لقيت قدام الخزنة طابوووووووووووووووووور
                  استنيت فى دورى لغاية مبقى ادامى واحد بس قلت خلاص هااااااانت
                  والراجل اللى كان قدامى خلص ورقه وداخل انا بقى قدام الراجل بتاع الخزنة الاقيه قفل كل حاجة ونام على المكتب قلتله انت ياعم هى حتيجى على انا اللى حتنام فيها اصحى وفوق ياعم خلص ورقى دا وبعدين نام براحتك

                  والحمد لله خلصت المهمة بنجاح ساحق

                  ودى من المرات القليلة جدا جدا جدا ( النادرة جدا جدا جدا) يعنى ممكن تقول هى المرة الوحيدة اللى روحت اخلص اى ورق فى الحكومة ويخلص

                  كل ماروح فى اى حتة تبع الحكومة يسدوها فى وشى ويقولولى فى الاخر اتفضل شاى
                  مش عارف ايه حكاية اتفضل شاى دى طب انا مش عاوز شاى انا عاوز اخلص ورقى
                  مفيش فايدة الحكومة هى الحكومة

                  انا قلت قبل كده
                  نيجى فى ميدان عام
                  نحط كل سواقين الميكروباص فى صف
                  ومعاهم موظفين الحكومة فى صف
                  والعربيجية والسياس وكل الناس الوحشة دى فى صف تالت
                  ونجيب الجيش التالت بدل ماهوه مالوش لازمة ونخليه يتمرن عالتنشين عليهم
                  [B][FONT=Garamond]قال رسول الله صلى الله عليه وسلم[/FONT][/B]:"[U]اضمنوا لى ست من أنفسكم أضمن لكم الجنة[/U]
                  [COLOR=#1988d1][B]اصدقوا اذا حدثتم و أوفوا اذا عاهدتم و أدوا اذا أتمنتم وغضوا ابصاركم واحفظوا فروجكم وكفوا أيديكم[/B][/COLOR]" [B][FONT=Garamond]صدق رسول الله صلى الله عليه وسلم -صحيح البخارى ومسلم-[/FONT][/B]

                  Comment


                  • #10
                    انا نفسي اشوف نفسي بني ادم في البلد دي بس الواضح ان مش هيحصل ده خالص حسبي الله ونعم الوكيل

                    Comment


                    • #11
                      بس غلطه اهالينا انوهوم ما طلعوش قضاه ولا ظبات .. ما كناش وقفنا الوفقه دي ولا البهدله دي
                      هو حد كان متخيل من 10 او 15 سنة المسخرة اللى احنا عايشين فيها دلوقتى..

                      Comment


                      • #12
                        المشاركة الأصلية كتبت بواسطة sherifahmed مشاهدة المشاركة
                        ا
                        و بالرغم ان احنا مش فى دولة متحضرة ب
                        للاسف ان 3% من الشعب الى متحضر وبيحاول يتعامل بتحضر بس العيب الاساسى من الحكومه لانها مش بتتعامل بتحضر ( الحكومه الى اقصدها هنا االى هما الموطفين )* ودا لانهم بيتعاملو مع الناس على انهم الى ماسكيين العزبه والناس هى الفلاحين
                        [SIZE=3][FONT=Georgia][COLOR=blue][SIZE=3][FONT=Georgia][COLOR=blue][COLOR=blue]:hang:.!! People should not be afraid of their government.....the government should be afraid of their people[/COLOR][/COLOR][/FONT][/SIZE]
                        [/COLOR][/FONT][/SIZE]
                        [LEFT][FONT=Comic Sans MS][COLOR=#0000ff][COLOR=silver][COLOR=plum]:afro:[/COLOR][COLOR=magenta]Opel[/COLOR][COLOR=plum],[/COLOR] 1[COLOR=gray] Team, 1 Goal, 1 Family[/COLOR]:friends:[/COLOR][/COLOR][/FONT][/LEFT]

                        Comment


                        • #13
                          المشاركة الأصلية كتبت بواسطة ainshouka مشاهدة المشاركة
                          انا قلت قبل كده
                          نيجى فى ميدان عام
                          نحط كل سواقين الميكروباص فى صف
                          ومعاهم موظفين الحكومة فى صف
                          والعربيجية والسياس وكل الناس الوحشة دى فى صف تالت
                          ونجيب الجيش التالت بدل ماهوه مالوش لازمة ونخليه يتمرن عالتنشين عليهم


                          لالا خسارة الطلقات
                          [CENTER][SIZE=4][COLOR=darkslateblue][B]ثلاثة عبارات للحصول لتحقيق النجاح[/B][/COLOR] [/SIZE][/CENTER]
                          [CENTER][SIZE=4][COLOR=navy]1 - كن أعلم من غيرك[/COLOR][/SIZE][/CENTER]
                          [CENTER][SIZE=4][COLOR=navy]2 - أعمل أكثر من الآخرين[/COLOR][/SIZE][/CENTER]
                          [CENTER][SIZE=4][COLOR=navy]3 - توقع أقل مما يحصل علية الآخرون[/COLOR][/SIZE][/CENTER]
                          [CENTER][SIZE=4][/SIZE] [/CENTER]

                          Comment


                          • #14
                            بلد بايظه يجى بقى سيادة رئيس الوزراء والوزراء المبجلين يقفوا فى طابور من الطوابير دى ويدخلو اى مصلحه حكوميه ونشوف هل حيفضلو يقولو نفس الكلام انه كله تمام قاعدين فى برج عاجى
                            فين وزير التنمية الادارية انا مش شايف اى تنمية ادارية!!!!! احنا زى ما حنا من اكتر من ثلاثين سنه نفس الفوضى والهمجية والمحسوبية والرشاوى بتزداد وكل المبيقات السودا

                            Comment


                            • #15
                              علشان تعرفوا بس مش اى حد ياخد الجنسية .

                              الجنسية المصرية مش كلمة سهلة , لازم تكون قدها .

                              لازم تلغى أدميتك و كرامتك و مبادئك , بلدنا بتتقدم بينا يا رجالة :)

                              Comment

                              Working...
                              X