إعـــــــلان

Collapse

.

,
See more
See less

بدل فاقد لرخصة القيادة ورخصة السيارة

Collapse
X
 
  • Filter
  • الوقت
  • Show
Clear All
new posts

  • بدل فاقد لرخصة القيادة ورخصة السيارة

    السلام عليكم ورحمة الله وبركاته
    الموضوع باختصار هو إني ضاعت أو اتسرقت مني محفظتي وفيها كل الكارنيهات بتاعتي بما فيها بطاقة الرقم القومي ورخص القيادة والسيارة.
    يا ترى ايه هي اجراءات استخراج بدل فاقد من الاتنين، وهل هي اجراءات ميسرة وهاقدر اخدها في نفس اليوم ولا ايه النظام؟
    وهل هاينفع اعمل الطلبات دي وانا مش معايا بطاقة الرقم القومي بتاعتي؟

    جزاكم الله خيراً مقدماً
    [CENTER]Me on Twitter
    @aliabutaleb[/CENTER]

  • #2
    قدر الله وما شاء فعل، ربنا يخلف عليك بالخير
    لازم الأول حضرتك تعمل محضر وبعد كده
    تعمل بدل فاقد للرقم القومي
    وبعد كده الرخصتين
    الرخصتين بيطلعوا في نفس اليوم لو لحقت تتنقل من الشباك ده لده لده قبل اليوم ما يخلص
    الرقم القومي أظن بتاخد وقت شوية بس ما أظنش زيادة عن أسبوع، هنا في إسكندرية كده، مش عارف القاهرة إيه النظام
    وأعرف إن في المركز الرئيسي في العباسية ممكن تطلعها في نفس اليوم بتكاليف أزيد شوية تقريبا بتتعمل بـ ٧٥ جنيه
    بالتوفيق
    [B][CENTER][SIZE="4"][COLOR="Navy"][CENTER]قال الله عزوجل في محكم آياته
    [/CENTER][/COLOR][/SIZE][/CENTER][/B]
    [CENTER][B][SIZE="5"][COLOR="DarkRed"](وإذ أخذ الله ميثاق الذين أوتوا الكتاب لتبيِّنُّنه للناس ولا تكتمونه فنبذوه وراء ظهورهم واشتروا به ثمنًا قليلاً فبئس ما يشترون)

    (إن الذين يكتمون ما أنزلنا من البينات والهدى من بعد ما بيناه للناس في الكتاب أولئك يلعنهم الله ويلعنهم اللاعنون . إلا الذين تابوا وأصلحوا وبينوا فأولئك أتوب عليهم وأنا التواب الرحيم)[/COLOR][/SIZE][/B][/CENTER]

    Comment


    • #3
      انا حصلي نفس الموقف يا علي و كان لازم أطلع الرقم القومي الأول و قالولي هياخد من 10 ل 14 يوم .. بعد كدة الرخص .

      بس الحمد لله الحرامي كان لف الكارنيهات كلها في ورقة و رماها في الشارع و واحد لقاها و وداها النادي اما شاف الكارنيه بتاعه و كلموني جيت خدتها .. معظم الحرامية بيعملوا كدة أصله هيعمل إيه بالكارنيهات و الرخص .. فا بيرميها .. لنأمل إن ده يحصل .
      [COLOR="gray"]
      [CENTER]Leadership is based on inspiration, not domination[/CENTER][/COLOR]

      Comment


      • #4
        ربنا ييسرلك يا على وتخلص الموضوع ده بسرعة

        Comment


        • #5
          قدر الله وماشاء فعل

          بس يا ريت حضرتك لو ماعملتش محضر انك تعمله بسرعه خوفا من ان البطاقه تقع في ايد حد وتحصل مشكله
          سبحان الله وبحمده ... سبحان الله العظيم
          تحياتي ,,,
          أحمد مجدي

          Comment


          • #6
            جزاكم الله خيراً جميعاً يا جماعة

            انا أولاً بفضل الله لقيت الحاجة اللي ضايعة بعد بحث مُضني ولله الحمد

            بس قبلها كنت سالت حد بيشتغل في المرور وأفاد بنفس اللي اتفضل بذكره الأخ الفاضل الأستاذ/ بحري
            لازم الأول حضرتك تعمل محضر وبعد كده
            تعمل بدل فاقد للرقم القومي
            وبعد كده الرخصتين
            الرخصتين بيطلعوا في نفس اليوم لو لحقت تتنقل من الشباك ده لده لده قبل اليوم ما يخلص
            الرقم القومي أظن بتاخد وقت شوية بس ما أظنش زيادة عن أسبوع، هنا في إسكندرية كده، مش عارف القاهرة إيه النظام
            وأعرف إن في المركز الرئيسي في العباسية ممكن تطلعها في نفس اليوم بتكاليف أزيد شوية تقريبا بتتعمل بـ ٧٥ جنيه
            بالتوفيق
            بس المشكلة لازم أسافر إسكندرية ولازم أعمل مذكرتين فقد لكل واحدة من الرخصتين، مش الاتنين في مذكرة واحدة.
            وبالنسبة لي هاضطر أروح مرور محرم بك في اسكندرية بالرغم من إني تابع لمرور المنتزة طوسون في أبو قير.
            وفي محرم بك هاخد تأشيرة عليهم إن الرخصتين لم تردا إليهم هناك ولم يتم سحبهم.
            بعد كدة لاااااازم أستنى أسبوع كامل قبل ما آخد المذكرتين بالتأشيرة اللي عليهم وأروح لمرور طوسون عشان يطلعوا.
            وهما فعلاً يطلعوا في نفس اليوم بس زي ما قال الأستاذ بحري لو الواحد لحق يخلص في الشباكين في نفس الوقت.
            بالنسبة بقى لبطاقة الرقم القومي، أنا كنت باحاول أعدل بيانات الحالة الاجتماعية فيها من السجل المدني في 6 أكتوبر هنا وأفادوا إن مينفعش يتعاملوا غير مع سكان المحافظة فقط.
            عشان كدة برضة الرقم القومي كانت هاتبقى معاناة في الاحتياج لمشوارين لإسكندرية.

            الحمد لله رب العالمين هو أغناني عن وجع الدماغ ده كله بإنه وفقني لإني ألاقي الحاجات اللي ضايعة.

            يارب كل واحد مننا يخللي باله من اوراقه حتى لا يضطر لتجرع كأس الذل زي ما بيقولوا في مصالحنا الحكومية الجميلة.
            [CENTER]Me on Twitter
            @aliabutaleb[/CENTER]

            Comment


            • #7
              معاك باسبور؟ ممكن بالباسبور تطلع بدل فافد الرخص على ما تطلع بدل فاقد البطاقة

              على فكرة اول امبارح محفظة صغير باشيل فيها مفتاح العربية + الرخصتين ضاعت مني في كارفور (بس كان المفتاح في العربية) و طلع عيني على ما لقيتها و كنت مرعوب من الكابوس الحكومي ده

              الحمد لله !
              [SIZE="4"][CENTER][COLOR="DarkRed"][URL="https://goo.gl/30fu9U"]وكيل هجرة مسجل برقم 1575106 لدى سلطة تسجيل وكلاء الهجرة باستراليا[/URL]

              [URL="https://goo.gl/30fu9U"]Registered Migration Agent - MARN 1575106[/URL]
              [/COLOR][/CENTER][/SIZE]

              Comment


              • #8
                المشاركة الأصلية كتبت بواسطة أحمد كمال مشاهدة المشاركة
                معاك باسبور؟ ممكن بالباسبور تطلع بدل فافد الرخص على ما تطلع بدل فاقد البطاقة

                على فكرة اول امبارح محفظة صغير باشيل فيها مفتاح العربية + الرخصتين ضاعت مني في كارفور (بس كان المفتاح في العربية) و طلع عيني على ما لقيتها و كنت مرعوب من الكابوس الحكومي ده

                الحمد لله !
                انا فعلاً طلعت الباسبور وصور البطاقة والرخص امبارح يا أحمد بصفتها الأسلحة الوحيدة المتاحة لخوض المعركة
                المصيبة كمان مش في استخراج الرخص أد في ان الواحد كان محتاج يروح مرتين
                وشرط مرور أسبوع قبل استخراجها ده
                حاجة قمة في الملل فعلاً.
                [CENTER]Me on Twitter
                @aliabutaleb[/CENTER]

                Comment


                • #9
                  الحمد لله بشرك الله بالخير يا أستاذ أبوحمزة وربنا ييسرلك أمرك
                  وفعلا كل رخصة لازم يتعمل لها مذكرة لوحدها

                  المشاركة الأصلية كتبت بواسطة motorizer مشاهدة المشاركة

                  بس الحمد لله الحرامي كان لف الكارنيهات كلها في ورقة و رماها في الشارع و واحد لقاها و وداها النادي اما شاف الكارنيه بتاعه و كلموني جيت خدتها .. معظم الحرامية بيعملوا كدة أصله هيعمل إيه بالكارنيهات و الرخص .. فا بيرميها .. لنأمل إن ده يحصل .
                  أنا حصل معايا نفس الموقف بس الحرامي رمى المحفظة كلها باستثناء الفلوس وواحد ابن حلال جابلي المحفظة وفيها الكارنيهات كلها لغاية البيت بعدما كنت عملت المحاضر وابتديت في طريق الآلام
                  وعلى فكرة الحركة دي تعكس رقة قلب وإنسانية مبالغ فيها من إخوانا الحرامية..
                  [B][CENTER][SIZE="4"][COLOR="Navy"][CENTER]قال الله عزوجل في محكم آياته
                  [/CENTER][/COLOR][/SIZE][/CENTER][/B]
                  [CENTER][B][SIZE="5"][COLOR="DarkRed"](وإذ أخذ الله ميثاق الذين أوتوا الكتاب لتبيِّنُّنه للناس ولا تكتمونه فنبذوه وراء ظهورهم واشتروا به ثمنًا قليلاً فبئس ما يشترون)

                  (إن الذين يكتمون ما أنزلنا من البينات والهدى من بعد ما بيناه للناس في الكتاب أولئك يلعنهم الله ويلعنهم اللاعنون . إلا الذين تابوا وأصلحوا وبينوا فأولئك أتوب عليهم وأنا التواب الرحيم)[/COLOR][/SIZE][/B][/CENTER]

                  Comment


                  • #10
                    المشاركة الأصلية كتبت بواسطة ba7ary مشاهدة المشاركة
                    الحمد لله بشرك الله بالخير يا أستاذ أبوحمزة وربنا ييسرلك أمرك
                    وفعلا كل رخصة لازم يتعمل لها مذكرة لوحدها
                    وإياك يا أستاذ بحري
                    ربنا يكرمك يارب ويجزيك خير على الإفادة
                    [CENTER]Me on Twitter
                    @aliabutaleb[/CENTER]

                    Comment


                    • #11
                      انا مكنتش اتسرقت ولا حاجة بس كانو وقعو مني الرخص بس كانو معايا فجيب فوقعو وواحد ابن حلال لقاهم ودور عليا لحد ماداهملي لان فعلا كانت هتبقي لفة انا اولا عملت طبعا محضر ومش لازم تعمل المحضر في البلد اللي منها الرخصة ممكن تعمل المحضر في اي حتة بس تقول ان الرخص ضاعت في المنطقة اللي فيها القسم او اللي تابعة للقسم يعني فهيعملولك المحضر والمحضر حماية ليك اكتر لان لا قدر الله ممكن حد يلاقي الرخص وبئي حال يعمل بيهم مصيبة يبقي انت ثابت ان الرخص ضايعة وبمحضر بس المشكلة بقي ان الاجرائات ممكن تطول شوية وعامة ممكن تقعد اسبوع او اتنين عشان البطاقة وعشان بدل فاقد الرخص عشان يتئكدو ان الرخص متكونش مسحوبة وواحد جاي يقولهم انها ضاعت لان فعلا سمعت كتير ان في ناس حاولت تعمل كدة والحمد لله انها عدت علي خير وحررص بقي عليهم بعد كدة انا بقيت دلوقتي امشي ايدي علي جيبي

                      Comment


                      • #12
                        1000 مبرووووووووووووووووووك .... كابوس وعدى

                        Comment


                        • #13
                          المشاركة الأصلية كتبت بواسطة ows212 مشاهدة المشاركة
                          1000 مبرووووووووووووووووووك .... كابوس وعدى
                          وأي كابوس يا دوك
                          الحمد لله على كل حال
                          [CENTER]Me on Twitter
                          @aliabutaleb[/CENTER]

                          Comment


                          • #14
                            صباح الخير ياجماعه .. انا بفرح اوي لما قريت ان الرخص والبطاقه بترجعله .. حاجه جميله اوي ان الحرامي يعمل كدا ..
                            انا عملت حادثه ورجلي اتكسرت بس كنت في وعيي والحمد لله لحقت المحفظه بتاعتي والموبيل قبل ما يتخدوا من العربيه في زحمه الحادث
                            المهم كنت سايب المحفظه مع واحد صحبي علشان كنت بعمل اشعه وكدا ..
                            تاني يوم عربيت صاحبي اتسرقت بالي فيها .. والحمد لله علي كل شئ.
                            انا عملت بدل فاقد للبطاقه طلعت في 3 ايام ..ولسه فاضل رخصتي الخاصه ورخصه العربيه ..
                            انا عايز تسلسل الي هاعمله بالظبط علشان اطلع الرخصتين ..
                            ملحوظه : رخصت القياده من مرور البحيره دمنهور والبطاقه " الرقم القومي " تابعه لاسكندريه
                            ورخصه السياره الاسكندريه بردو ..
                            مبدأيا انا عايز اطلع رخصتي الخاصه وسهله علي رخصه العربيه علشان لسه هاعمل فحص فا لسه هاصلح العربيه ودي هاتاخد وقت ..

                            Comment


                            • #15
                              السلام عليكم
                              فقدت رخصة السيارة أريد أن أسأل هل عند الذهاب لاستخراج رخصة بدل فاقد يجب عليا الذهاب بالسيارة أم لا؟
                              وشكرا

                              Comment

                              Working...
                              X