Tweet
السلام عليكم و رحمة الله و بركاتة
امس ذهبت الى رينو العبور للقيام باختبار قيادة للعربية رينو فلوينس الأتوماتيك استقبلنى الاستاذ عبد الحليم مسئول المبيعات و الذى بدورة قابلنى بالاستاذ طارق الذى رافقنى فى السيارة اثناء اختبار القيادة
السيارة المجهزة للاختبار هى الفئة اللى ب 125000 و تعتبر اول فئة اتوماتيك
عند ركوبى للعربية فى كرسى القيادة قمت بضبط الكرسى للوضع المريح بالنسبة لى فى القيادة فوجدت ان الكرسى مريح جدا و يمكن ضبطة فى اتجاهات متعددة اعتقد ان اى احد مهما كان حجمة او طولة سيقوم بضبط الكرسى فى وضع مريح جدا
بعد ذلك قمت بضبط المرايا و لاحظت مدى وضوح الرؤيا فى المرايتين اليمين و الشمال و لكن من مرأة المنتصف لاحظت مدى درجة ميل الزجاج الخلفى اللى من رأيى الشخصى بتصعب من الرؤيا الخلفية بعض الشيء يمكن علشان انا متعود على درجة ميل الزجاج الخلفى لعربيتى اللانوس
قمت بسم الله بادارة السيارة و كانت اول ملاحظة مدى هدوء العربية حتى تكاد لا تشعر ان العربية دايرة و بعد ذلك قمت بالتحرك بالسيارة
اولا الدريكسيون مريح جدا و ممتع فى ادارتة يمينا و يسارا واضح ان الباور الكهرباء مختلف تماما عن الباور الزيت بجانب ان محاور او زوايا العجل كبيرة جدا لدرجة ان تقدر تاخد اى ملف مهما كان ضيق بسهولة جدا و دة شيء يعتبر مميز مع الوضع فى الاعتبار حجم العربية من ناحية الطول و العرض
يمكن اول ما دوست على دواسة البنزين كنت حريص جدا لكن مع التحرك بالعربية خارج التوكيل ابتديت اخد عليها ويمكن احساس الاخ اللى استلم العربية من حيث التقل فى التحرك من الثبات حسيتة انا كمان لكن مع استمرار القيادة و التوقف ابتدى الاحساس دة يروح خصوصا لما فتحت الزجاج اللى جنبى و بقيت الاحظ عداد السرعة لاقتنى ان انا واخد سرعات و انا مش حاسس يعنى فى اول مرة فرملت بقوة لتجربة الفرامل ثم تحركت مرة اخرى بعد ثبات العربية بالكامل و كان عندى احساس بالتقل دة بصيت على العداد فوجئت ان انا على سرعة 80 مع انى مش حاسس اصلا ان العربية ابتدت تاخد اى سرعة
الاحساس بالنقلات معدوم ايوة بمعنى الكلمة معدوم تماما كان العربية كلها غيار واحد و علشان كدة اجرئت شوية و قولت اعمل كيك داون و من اللحظة دى حسيت بمدى قوة العربية و اول مرة سمعت صوت للعربية اخيرا اتأكدت ان العربية دايرة (طبعا بهزر) و ابتدت العربية تاخد سرعة مع احساس عالى جدا بالثبات اللى بالنسبة ليا احساس جديد من المتعة و الامان و عموما بناء على كلام الستاذ طارق و انا بتكلم معاة و انا سايق ان العربية فيها كومبيوتر بيحس بدوسة رجلك على دواسة البنزين و يديلك رغبتك من حيث القيادة البطيئة المتزنة و الهادئة جدا جدا او القيادة السريعة المتهورة و المزعجة الى حد ما
دواسة الفرامل حساسة جدا جربتها كذا مرة اهمهم لمل لقيت فى الارض رمل ناعم فى جانب الطريق و كانت سرعتى تقريبا 60 او 70 فقمت بتعمد بجعل العجلتين اليمين الامامية و الخلفية على الرمل و العجلتين الشمال الامامية و الخلفية على الاسفلت ثم ضغطت على الفرامل بقوة لاحظت الاتى
اولا حسيت بتكتكة غريبة فى الدواسة (الabs)
ثانيا لقيت الفلاشر اشتغل لوحدة و بعدين طفى لمل العربية وقفت ولما سالت الاستاذ طارق عن سبب كدة قالى ان دة نوع من انواع الامان يعنى لتنبية القادم من الخلف انك ضاغط الفرامل بشدة و انك تقترب من التوقف فياخذ احتياطية فى انة يفاديك او يقف خلفك بمسافة امنة
ثالثا ان العربية توقفت تماما فى مسافة قصيرة جدا و بدون ما تحدف لا يمين ولا شمال و ايضا بدون زحلقة للعجل على الرمل او الاسفلت
ثم بعد ذلك توجهت للتوكيل مرة اخرى و دخلت لورشة الصيانة فى جولة بصحبة الاستاذ عبد الحليم لمشاهدة نظام العمل داخل الورشة
ثم بعد ذلك توجهت الى داخل المعرض و قمت بتصوير العربية بعض الصور اتمنى انها تعجبكم و انا جاهز لاى سؤال او استفسار عن تجربتى
اسيبكم مع الصور فى المشاركة القادمة
امس ذهبت الى رينو العبور للقيام باختبار قيادة للعربية رينو فلوينس الأتوماتيك استقبلنى الاستاذ عبد الحليم مسئول المبيعات و الذى بدورة قابلنى بالاستاذ طارق الذى رافقنى فى السيارة اثناء اختبار القيادة
السيارة المجهزة للاختبار هى الفئة اللى ب 125000 و تعتبر اول فئة اتوماتيك
عند ركوبى للعربية فى كرسى القيادة قمت بضبط الكرسى للوضع المريح بالنسبة لى فى القيادة فوجدت ان الكرسى مريح جدا و يمكن ضبطة فى اتجاهات متعددة اعتقد ان اى احد مهما كان حجمة او طولة سيقوم بضبط الكرسى فى وضع مريح جدا
بعد ذلك قمت بضبط المرايا و لاحظت مدى وضوح الرؤيا فى المرايتين اليمين و الشمال و لكن من مرأة المنتصف لاحظت مدى درجة ميل الزجاج الخلفى اللى من رأيى الشخصى بتصعب من الرؤيا الخلفية بعض الشيء يمكن علشان انا متعود على درجة ميل الزجاج الخلفى لعربيتى اللانوس
قمت بسم الله بادارة السيارة و كانت اول ملاحظة مدى هدوء العربية حتى تكاد لا تشعر ان العربية دايرة و بعد ذلك قمت بالتحرك بالسيارة
اولا الدريكسيون مريح جدا و ممتع فى ادارتة يمينا و يسارا واضح ان الباور الكهرباء مختلف تماما عن الباور الزيت بجانب ان محاور او زوايا العجل كبيرة جدا لدرجة ان تقدر تاخد اى ملف مهما كان ضيق بسهولة جدا و دة شيء يعتبر مميز مع الوضع فى الاعتبار حجم العربية من ناحية الطول و العرض
يمكن اول ما دوست على دواسة البنزين كنت حريص جدا لكن مع التحرك بالعربية خارج التوكيل ابتديت اخد عليها ويمكن احساس الاخ اللى استلم العربية من حيث التقل فى التحرك من الثبات حسيتة انا كمان لكن مع استمرار القيادة و التوقف ابتدى الاحساس دة يروح خصوصا لما فتحت الزجاج اللى جنبى و بقيت الاحظ عداد السرعة لاقتنى ان انا واخد سرعات و انا مش حاسس يعنى فى اول مرة فرملت بقوة لتجربة الفرامل ثم تحركت مرة اخرى بعد ثبات العربية بالكامل و كان عندى احساس بالتقل دة بصيت على العداد فوجئت ان انا على سرعة 80 مع انى مش حاسس اصلا ان العربية ابتدت تاخد اى سرعة
الاحساس بالنقلات معدوم ايوة بمعنى الكلمة معدوم تماما كان العربية كلها غيار واحد و علشان كدة اجرئت شوية و قولت اعمل كيك داون و من اللحظة دى حسيت بمدى قوة العربية و اول مرة سمعت صوت للعربية اخيرا اتأكدت ان العربية دايرة (طبعا بهزر) و ابتدت العربية تاخد سرعة مع احساس عالى جدا بالثبات اللى بالنسبة ليا احساس جديد من المتعة و الامان و عموما بناء على كلام الستاذ طارق و انا بتكلم معاة و انا سايق ان العربية فيها كومبيوتر بيحس بدوسة رجلك على دواسة البنزين و يديلك رغبتك من حيث القيادة البطيئة المتزنة و الهادئة جدا جدا او القيادة السريعة المتهورة و المزعجة الى حد ما
دواسة الفرامل حساسة جدا جربتها كذا مرة اهمهم لمل لقيت فى الارض رمل ناعم فى جانب الطريق و كانت سرعتى تقريبا 60 او 70 فقمت بتعمد بجعل العجلتين اليمين الامامية و الخلفية على الرمل و العجلتين الشمال الامامية و الخلفية على الاسفلت ثم ضغطت على الفرامل بقوة لاحظت الاتى
اولا حسيت بتكتكة غريبة فى الدواسة (الabs)
ثانيا لقيت الفلاشر اشتغل لوحدة و بعدين طفى لمل العربية وقفت ولما سالت الاستاذ طارق عن سبب كدة قالى ان دة نوع من انواع الامان يعنى لتنبية القادم من الخلف انك ضاغط الفرامل بشدة و انك تقترب من التوقف فياخذ احتياطية فى انة يفاديك او يقف خلفك بمسافة امنة
ثالثا ان العربية توقفت تماما فى مسافة قصيرة جدا و بدون ما تحدف لا يمين ولا شمال و ايضا بدون زحلقة للعجل على الرمل او الاسفلت
ثم بعد ذلك توجهت للتوكيل مرة اخرى و دخلت لورشة الصيانة فى جولة بصحبة الاستاذ عبد الحليم لمشاهدة نظام العمل داخل الورشة
ثم بعد ذلك توجهت الى داخل المعرض و قمت بتصوير العربية بعض الصور اتمنى انها تعجبكم و انا جاهز لاى سؤال او استفسار عن تجربتى
اسيبكم مع الصور فى المشاركة القادمة
Comment