تجربتي مع الافيو

[a_hamoda]

السلام عليكم ورحمة الله

انا اول مشاركة ليا في المنتدي وحبيت انها تكون مع الافيو

الموديل . شيفرولية افيو فيراني موديل 2008
الطريق , طريق الساحل من اسكندرية وحتي قرب واحة سيوة يعني حوالي 900 كيلو ذهاب وعودة في نفس اليوم

الانطباع الاول.. الصراحة العربية انا كنت خايف منها وحاسس انها خفيفة ومش ثابتة ....
الدهان محترم .....من الاخر الشكل الخارجي كويس اوى

العربية من جوة جميلة جداااااا والتابلوة انيق كرسي السواق مريح جدا بس حزام الامان متعب ومتستغربوش علي موضوع حزام الامان دة لانة بيوصل لرقبتي لدرجة انة خنقني

العربية بمحرك مكون من اربع اسطوانات ذو سعة 1600 سى سى..

الموتور كنت حسة ضعيف ........طلعتة ضعيفة شوية من0 الى 100 خد بتاع 25 ثانية والعربية محملة 5 افراد دة غير الي في الشنطة يعني لو حسبناها حتبقي كويسة

:الثبات :ممتاز لحد 150 او اكتر انا جيبت 160 ودة اخري واعزروني انا اتعلمت القيادة علي عربية اوبل ريكورد موديل 1959 وحبي احكيلكم عليها بعدين

التكييف ضعييييييف لابعد الحدود دة غير كتمتة للعربية

الفرامل الصراحة قوية .. فرملت وانا علي سرعة 100 علي

حفرة بس الحمد لله وقفت علي الحاااافة مع اني مكنتش شايف الحفرة

الاضاءة كويسة في الليل


ملحوظة .. الرحلة دي انا مريحتش فيها خالص غير بس وانا رايح 5دقايق علي السريع كدة ...

وفي العودة حوالي ربع ساعة عشان الكاوتش

وانتظروني مع الاوبل ريكورد موديل 1959

اتمني انكم تكونوا استفدتم من التجربية دي

[amribrahim]

الافيو ١٥٠٠ يا باشا مش ١٦٠٠

[a_hamoda]

الافيو 1500 يا باشا مش 1600

انا اسف معلش مخدتش بالي

سهوا

[tutankhamoun]

أنا بس لي تعليق على موضوع الثبات

حضرتك أنا سوقتها كتير قبل كدا

عند 100 العربية بحس أنها خفيفة جدا جدا جدا

ممكن علشان العربية لما أنت جربتها كان فيها ناس كتيرة فكانت تقيلة بسبب الوزن
إنما العربية دي فوق 100 .......... ثباتها تعبان .

متفق معاك في موضوع التكييف ........ و الفرامل ........ بس الفرامل مش حلوة
الفرامل بتمسك كويس لدرجة زيادة عن اللزوم ...........................

هاضيف لتقييمك
أن العربية دي غالية قوي قوي قوي قوي قوي قوي قوي قوي قوي قوي قوي على ثمنها الحالي
آخرها في الثمن أول عن آخر ........ 70 للموديل الكامل

العربية تجميع محلي و أصلا رخيصة و مش عارف هو ليه ثمنها واصل عالي قوي كدا
قصدي من التجميع المحلي أن المفروض معليهاش جمارك و ضرائبها أقل من المستورد