إعـــــــلان

Collapse

.

,
See more
See less

تجربة قياده اكسيل 96

Collapse
X
Collapse
 
  • Page of 1
  • Filter
  • الوقت
  • Show
Clear All
new posts
السابق template التالي
  • #1

    تجربة قياده اكسيل 96

    العربية اكسيل 1500 سى سى موديل 96

    العربية من بره:
    العربية من بره كبيرة جدا بالذات من قدام والصاج طبعا كلنيكس معدل والسقف ضعيف اوى مش عارف ليه (العربية فابريقة) والاكصدامات ضعيفة لكنها ثابته وشكلها كويس من قدام وورا والابواب فى القفل صوتها مش مريح والعربية كتصمبم مش انسيابية ولا واخده كيرفات تحسسك بالشياكة بس تحس انها عربية كويس ومتكسفش تخرج بيها لاى مكان والشنطة كبيرة جدااااا وحوض الموتو محتوياته مبعثرة بس تقدر تميز كل حاجة بسهولة جدا من اول نظرة وثباتها كويس لحد 110

    العربية من جوه:
    لما تركبها هتحس بالوسع بس لو رجليك طويلة زيي مش هترتاح بصورة كبيرة مع العلم ان الدركسيون قابل للتعديل ودى حاجة ممتازة والكنبة ورا واسعة ومريحة وطبعا شكل التابلوه مش لطيف اطلاقا والانوار التابلوه من جوه واضحة اوى وكل شىء بيبان فى التابلوه والتكييف بتاعها كويس بس مش ممتاز والازاز الكهربا مكانه جنب الفتيس وانا مريحنى جدا المكان ده ده غير ان فيه زرارين للازاز مخصصين للى قاعد ورا مابين الكرسيين القدامنيين والمراية الخارجية طبعا كارثة الاكسيل المعروفة انها مبتتحركش ومبتتقفلش (عندى الاتنين اتكسروا من الركنة تحت البيت بسبب خبط الناس لايديهم فيها وهم ماشيين جنبها) بس تقدر تعدل المراية عن طريق يد صغيرة كده ورا المراية والفتيس معقول مش وحش بتحس بنقلاته والعربية صوتها متوسط فى بداية التشغيل مش هادىء ودواسة البنزين ممتازة اوى تخليك عايز تجرى ومتحسش بالسرعات بتاعتك وانت ماشى بيها والفرامل مش قوية وبتزحف العربية على الارض مسافة كبيرة والدبرياج كويس بس مش ممتاز والباور ممتاز والاضاءة من جوه ضعيفة للمبة اللى فى السقف بس السقف عالى وبعيد عن الراس والكرسى قابل للتعديل ومكان الكاسيت تحت اوى فى اخر التابلوه ودى ميزة انه مش متشاف بسهوله وتقفيل الابواب عادى ومفيش سماعة فى الابواب زى باقى العربيات وفتح الشنطة والتانك من الداخل واريال كهربا والعزل الداخلى حلو جدا لما تقفل الازاز كله

    قطع الغيار:
    قطع غيارها رخيصة عند كل الناس واى ميكانيكى يشتغل فيها بسهولة
    امثلة لاسعار قطع غيار من مده قريبة جدا
    فلتر بنزين اصلى كورى 15
    فلتر زيت اصلى كورى 15
    سير كاتينة ايطالى 40
    سير دينامو 10 سير تكييف 10
    فانوس اشارة مصرى 20
    فانوس اشارة تايوانى 25

    عيوبها البارزة عموما:
    واطية جدا ولازم تاخد المطبات على سرعة 4 تحت الصفر
    ضعف الصاج جداااااا
    ارتفاع استهلاك البنزين الى حدا ما
    حجمها الكبير جدااا من الكبوت
    المرايات الغير قابلة للطى

    مميزاتها البارزة عموما:
    قطع غيارها الرخيصة جدااا
    تقبل بنزين 80 بدون مشاكل مع تغيير الفلتر كل مده
    ممتازة جدا بالنسبة للسعر
    بتتباع هوا وعليها طلب كتير
    عائلية جدااا

    تقييم عام:
    ممتازة وعملية جدااا لمن يبحث عن سيارة عائلية واستخدام شخصى بسعر كويس وبنزين 80 وتكييف وباور وقياده مريحة وبها كل الكماليات وقطع غيار رخيصة جداااااااا وسهولة شغل الميكانيكا فيها وعدم الخسارة عند البيع ولن تندم عند شرائها مطلقا بس تكون بحالة نضيفة ومش متهانة
    الكلمات الدلالية (Tags): اكسيل, تجربة, قياده
  • #2
    شرح ممتاز و كلام كويس

    Comment

    • #3
      شكرا استاذى العزيز عمر واشكرك لمرورك

      وياريت برضه لو عند حضرتك تعليق على العربية او فى حاجة انا قصرت ومشرحتهاش اتفضل قولها برضه عشان نفيد الناس ونديهم معلومات اكتر عن العربية

      Comment

      • #4
        تفصيص جميل للعربية
        شكرا يا باشا
        [SIZE="2"]لا اله الا الله محمد رسول الله - اللهم صلى وسلم وبارك على سيدنا محمد
        استغفر الله العظيم - سبحان الله العظيم سبحان الله وبحمده[/SIZE]

        Comment

        • #5
          العفو استاذى العزيز abodi55

          وانا هنا عشان اتعلم منكو

          Comment

          • #6
            جزاكم الله كل خير على المعلومات القيمه.
            انا لسه مشتري اكسيل هاتشباك 1300سي سي من اسبوعين والصراحه كل المعلومات دي صحيحه بس مشكلتي ان العربيه مافيهاش كماليات غير التكييف بس .

            engonear سابقا

            [CENTER]
            [SIZE=4][COLOR=Teal]
            [/COLOR][/SIZE] [/CENTER]

            Comment

            • #7
              يا باشا ربنا يطمن قلبك فعلا ما خاب من استشار وانا سألت عليها ناس كتير ولسة شاري اكسيل 95 1500cc ووصفك ليها زي ميكون حضرتك اللي مصممها ههههه اه والهي ماشاء الله عليك وصفك في الجون ربنا يبارك فيك
              [CENTER][SIZE=5][COLOR=seagreen][B][frame="6 80"] [/B][/CENTER]
              [CENTER][SIZE=5][COLOR=seagreen][B][I]اللهم لا مانع لما اعطيت[/I][/B][/COLOR][/SIZE][SIZE=5][COLOR=seagreen][B][/B][/COLOR][/SIZE][/CENTER]
              [CENTER][SIZE=5][COLOR=seagreen][B][I]ولا معطي لما منعت [/I][/B][/COLOR][/SIZE][/CENTER]
              [CENTER][SIZE=5][COLOR=seagreen][B][I]ولا ينفع ذا الجد منك الجد[/I][/B] [/COLOR][/SIZE][/CENTER]
              [CENTER][B][/frame][/B][/COLOR][/SIZE][/CENTER]

              Comment

              • #8
                جزاكم الله كل خير على المعلومات القيمه.
                انا لسه مشتري اكسيل هاتشباك 1300سي سي من اسبوعين والصراحه كل المعلومات دي صحيحه بس مشكلتي ان العربيه مافيهاش كماليات غير التكييف بس .
                مبروك عليك العربية وعلى فكرة التكييف اهم حاجة فى الكماليات..والباقى ممكن تركيبه سهل..وربنا يفرحك بيها

                يا باشا ربنا يطمن قلبك فعلا ما خاب من استشار وانا سألت عليها ناس كتير ولسة شاري اكسيل 95 1500cc ووصفك ليها زي ميكون حضرتك اللي مصممها ههههه اه والهي ماشاء الله عليك وصفك في الجون ربنا يبارك فيك
                ربنا يخليك وصدقنى انا من غير المنتدى والاعضاء المحترمين اللى فيه مكنتش عرفت اى حاجة فعالم العربيات وهفضل طول عمرى اتعلم من اخواتى اللى فى المنتدى..ولو بايدى اساعد حد مش هبخل عليه ابدا
                ومبروك على العربية..وتتربى فعزك وتعيش معاك

                Comment

                • #9
                  المشاركة الأصلية كتبت بواسطة beshomilan مشاهدة المشاركة
                  مبروك عليك العربية وعلى فكرة التكييف اهم حاجة فى الكماليات..والباقى ممكن تركيبه سهل..وربنا يفرحك بيها



                  ربنا يخليك وصدقنى انا من غير المنتدى والاعضاء المحترمين اللى فيه مكنتش عرفت اى حاجة فعالم العربيات وهفضل طول عمرى اتعلم من اخواتى اللى فى المنتدى..ولو بايدى اساعد حد مش هبخل عليه ابدا
                  ومبروك على العربية..وتتربى فعزك وتعيش معاك
                  سلام للكسلاوية يا عم والله احلي واعظم رابطة في المنتدي ربنا يحفظها ومن نجاح لنجاح يارب وتحياتي لحضرتك
                  [CENTER][SIZE=5][COLOR=seagreen][B][frame="6 80"] [/B][/CENTER]
                  [CENTER][SIZE=5][COLOR=seagreen][B][I]اللهم لا مانع لما اعطيت[/I][/B][/COLOR][/SIZE][SIZE=5][COLOR=seagreen][B][/B][/COLOR][/SIZE][/CENTER]
                  [CENTER][SIZE=5][COLOR=seagreen][B][I]ولا معطي لما منعت [/I][/B][/COLOR][/SIZE][/CENTER]
                  [CENTER][SIZE=5][COLOR=seagreen][B][I]ولا ينفع ذا الجد منك الجد[/I][/B] [/COLOR][/SIZE][/CENTER]
                  [CENTER][B][/frame][/B][/COLOR][/SIZE][/CENTER]

                  Comment

                  • #10
                    تقرير جميل
                    بس الصاج ضعفه مخلى ناس كتير مش بتفضلها
                    "ذلك من فضل الله عليناوعلى الناس ولكن اكثر الناس لا يشكرون"

                    الحمد لله

                    Comment

                    • #11
                      تقرير جميل
                      بس الصاج ضعفه مخلى ناس كتير مش بتفضلها
                      فعلا بس العربية ممنازة فكل شىء..الاداء والسعر وقطع الغيار والكماليات والتحمل..وده كافى لتعويض نقطة ضعف الصاج
                      ورغم ذلك فهى من اكثر السيارات انتشارا فى مصر

                      Comment

                      • #12
                        أعلم أن الموضوع قديم وأرغب بإضافة رد هام ومفيدأعلم أن الموضوع قديم وأرغب بإضافة رد هام ومفيدأعلم أن الموضوع قديم وأرغب بإضافة رد هام ومفيدأعلم أن الموضوع قديم وأرغب بإضافة رد هام ومفيدأعلم أن الموضوع قديم وأرغب بإضافة رد هام ومفيدأعلم أن الموضوع قديم وأرغب بإضافة رد هام ومفيدأعلم أن الموضوع قديم وأرغب بإضافة رد هام ومفيدأعلم أن الموضوع قديم وأرغب بإضافة رد هام ومفيد

                        Comment

                        • #13
                          احنا في انتظار إضافة الرد الهام...
                          احنا في انتظار إضافة الرد الهام...
                          احنا في انتظار إضافة الرد الهام...
                          احنا في انتظار إضافة الرد الهام...
                          احنا في انتظار إضافة الرد الهام...تحياتي لك استاذ احمد كمال
                          [CENTER][SIZE=5][COLOR=seagreen][B][frame="6 80"] [/B][/CENTER]
                          [CENTER][SIZE=5][COLOR=seagreen][B][I]اللهم لا مانع لما اعطيت[/I][/B][/COLOR][/SIZE][SIZE=5][COLOR=seagreen][B][/B][/COLOR][/SIZE][/CENTER]
                          [CENTER][SIZE=5][COLOR=seagreen][B][I]ولا معطي لما منعت [/I][/B][/COLOR][/SIZE][/CENTER]
                          [CENTER][SIZE=5][COLOR=seagreen][B][I]ولا ينفع ذا الجد منك الجد[/I][/B] [/COLOR][/SIZE][/CENTER]
                          [CENTER][B][/frame][/B][/COLOR][/SIZE][/CENTER]

                          Comment

                          • #14
                            شرح ممتاز شكرا لك
                            [CENTER][COLOR=darkgreen][U]الحمد لله[/U][/COLOR][/CENTER]

                            [COLOR=darkgreen][OVERLINE]اللهم إني أَعُوذُ بِكَ أنْ أضِلَّ أَوْ أُضَلَّ، أوْ أزِلَّ أَوْ أُزَلَّ، أَوْ أظْلِمَ أَوْ أُظْلَمَ، أوْ أجْهَلَ أَوْ يُجْهَلَ عليّ[/OVERLINE][/COLOR]

                            [CENTER][mtohg=#0d2ca8]http://www.nilemotors.net/Nile/signaturepics/sigpic77140_3.gif[/mtohg][/CENTER]

                            Comment

                            السابق template التالي
                            Working...
                            X