إعـــــــلان

Collapse

.

,
See more
See less

Test Drive تجربة قيادة كيا سبورتاج AWD 2.0 2012

Collapse
This is a sticky topic.
X
X
 
  • Filter
  • الوقت
  • Show
Clear All
new posts

  • Test Drive تجربة قيادة كيا سبورتاج AWD 2.0 2012

    بسم الله الرحمن الرحيم



    السلام عليكم ورحمة الله وبركاته












    تقرير بالصور وتجربة قيادة كيا سبورتاج 2000 سى سى اوتوماتيك AWD












    العربية فى قطر إيجار موديل 2012 انتاج شهر 6/2011 ماشيه 46 الف كيلو خلال سنه



    * ملحوظه : العربيه واضح ان مهمل فى صيانتها لان الطنابير بتاعتها فى الضياع وكانت احد الاسباب انى مقدرش اقيم الفرامل كويس





    نبدأ بمواصفاتها الفنية والكماليات :



    محرك من طراز Theta II سعة 2.0 لتر D-CVVT قوته 166 حصان 197 نيوتن



    ناقل حركه اوتوماتيك من 6 سرعات أماميه مع خاصية ستيبترونيك



    نظام تعليق امامى McPherson وخلفى Multi Link دفع رباعى AWD




    الكماليات : مقارنة بالفئات اللى فى مصر تعتبر بين ال EX وال HighLine او تعتبر هاى لاين بدون سمارت كى وكاميرا وفرش جلد و LED و ESP , أبرز مافيها ( فرامل ABS و AirBags و Immobilizer - سقف بانوراما - مثبت سرعة - تحكم فى السى دى - تحكم كهربا فى كرسى السائق - مرايات ضم - بلوتوث - باركنج سنسور - جنوط 17 - تكييف عادى )





    - الشكل الداخلى والخارجى والتقفيل والخامات : من اهم مميزاتها شكلها وتصميمها الجذاب اللى ابدع فيه بيتر شراير كالعادة , الخامات والتقفيل على مستوى جيد جدا













    - الموتور والاداء : فى البداية اتصدمت الى حد ما فى الاداء لان العربيه تقيله جدا فى الطلعه وسحبها لحد ال 100 بطئ , انا عارف ان سحبها مش هايبقى جامد لان النسخه دى AWD 2.0 تسارعها من 0 - 100 فى 11 ثانيه تقريبا يعنى هاتبقى زى اى عربيه 1600 لكن الاداء كان اقل من المتوقع , بس عرفت ان المشكله كانت من عندى , انا اول ما سوقتها كان بليل وماكنتش مركز اوى وماخدتش بالى من تصميم دواسة البنزين , دواسة السبورتاج Organ-Type Accelerator Pedal يعنى لازم تبقى رجلك بالكامل على دواسة البنزين وانت بتدوس عكس ال Pedal اللى موجود فى السيراتو مثلا بيبقى كعب رجلك على الارض بعيد شويه عن الدواسة وبتدوس بطرف رجلك ودا اللى كنت باعمله فى الاول فكنت بادوس فى نص الدواسه مش اخرها












    موضوع الدواسه دا يفرق 100 % فى اداء العربيه ولما حطيت رجلى صح العربيه بقت حاجه تانيه , وبشكل عام اداء الموتور حلو بس عشان تحس بالسحب وعايز العربيه تجمع بسرعه لازم تقرص على اول نقله او نقلتين يعنى ماتنقلش قبل 4 Rpm , بعد النقله التانيه امشى هادى براحتك التجميع هايبقى كويس



    بس للاسف من عيوب العربيه ان الموتور صوته عالى ومزعج ودا اول عيب لاحظته












    - الفتيس : نقلاته سلسه وغير محسوسه ومريح الموتور على السرعات العاليه بيبقى ال Rpm قليل ولو ماشى هادى على السرعات القليله بينقل بدرى جدا يعنى على سرعة 80 تقريبا بيبقى على السادس خلاص












    - استهلاك البنزين : مع الحرق الكتير ممكن يوصل 15-16 لتر لكل 100 كم , فى المتوسط 13 لتر لكل 100 كم , مع السواقه الهاديه او لو ثبت السرعه على 80-90 مثلا ممكن يوصل ل 10 لتر او اقل طبعا كل الحسابات دى على كمبيوتر العربيه والتكييف شغال





    - العفشه : تعتبر ناشفه , او متوسطه تميل الى النشوفيه , لكن مش ناعمه خالص وبترزع لو عديت على مطب او نقره بسرعه ودا يعتبر تانى عيب





    - الثبات والتحكم : اقصى سرعه وصلتلها كانت 120 ومعظم الوقت اقصى سرعه كانت 80-100 , طبعا على السرعات دى الثبات والتحكم كان ممتاز , الباور فى الاول حسيته تقيل نظرا لانى متعود على عربيتى باور كهربا والسبورتاج زيت لكن هو مش تقيل بالعكس كويس واستجابته كويسه





    - الفرامل : من الحاجات اللى مقدرتش احكم عليها كويس لان فى مشكله فى الطنابير لو ماشى على سرعه بين 50 و 80 وجيت ادوس فرامل عشان اهدى باحس برجرجه جامده جدا فى الطاره , عموما فى الظروف العاديه الفرامل كانت كويسه ومجربتش ال ABS وطبعا الفرامل ديسكات ورا وقدام





    - الجنوط والكاوتش : جنوط 17 وكاوتش مقاس 225/60 نوعه كومهو موديل Solus KL21 , مواصفات الفرده مكنتش عاجبانى لان رمز السرعه H وال Traction بتاعه A مش AA بس لما دورت فى باقى موديلات كومهو وهانكوك ونيكسن ملقتش فى المقاس دا مواصفات تانيه احسن من كدا , غير ان كومهو مصنفه الموديل دا انه مخصص لل Light Truck & Suv عشان كدا بينزلوا فيها الموديل دا تحديدا , لكن برضه اللى معجبنيش ان الكاوتش Made in CHINA معرفش هل المقاس دا مبيتعملش غير فى المصنع بتاع الصين ولا استرخاص
















    - وضعية الجلوس والوسع الداخلى والرؤيه : القعده مريحه والمساحه الداخليه ممتازه فى الامام والخلف , زوايا الرؤيه مش صعبه والمرايات موضحهاها كويس والسنسور برضه مهم للمساعده فى الركن نظرا لارتفاع العربيه , اضاءة الفوانيس بليل ممتازه والنور فارش كويس وتقدر تتحكم فى ارتفاعها




    - الارتفاع عن الارض : من الحاجات اللى بتعجبنى فيها هو ارتفاعها عن الارض الغير مبالغ فيه وفى نفس الوقت مناسب للطرق وصعب اى حاجه تخبط فى العربيه من تحت ( 17.5 سم تقريبا )




    - العزل : جيد جدا




    - السى دى والسماعات : جيد جدا




    - الكماليات : مرضيه الى حد كبير ولكن فى برضه بعض الملاحظات وحاجات ناقصه


    اولا الجزء الخاص بزارير ال ESP والتحكم فى اضاءة التابلوه وغيرهم كان شبه فاضى !! هو الزرار بتاع ال Lock لل AWD وزرار التحكم فى مستوى اضاءة الفوانيس وشكرا على كدا , مفيش ESP DBC HAC ولا حتى تحكم فى اضاءة التابلوه











    المفروض يبقى كدا :)












    من الملاحظات برضه ان السنسور صوت فقط يعنى مفيش رسمة العربيه اللى بتبين هاتخبط من انهى ناحيه



    سنسور الاضاءه موجود لكن مش شغال لان ملوش زرار فى دراع النور اللى بيبقى مكتوب عليه Auto




    عموما دى مش اعلى فئه بتنزل فى فئه تانيه بتنزل 2.4 وفيها سمارت كى وغيره من الكماليات بس مابتجيش كتير




    اخيرا اسيبكم مع بعض الصور واتمنى ان التقرير يكون عجبكم



















    [aldl]http://s17.postimg.org/ygne2hebj/F2000045710.jpg[/aldl]

  • #2
    تقرير ممتاز
    [FONT="Comic Sans MS"]ومع اقتراب العاصفة !! , أبدا لن تسقط مصر[SIZE="4"][/SIZE][/FONT]

    bkaltalamana سابقا

    Comment


    • #3
      شكرا على التقرير الرائع
      [SIZE="6"][/SIZE][OVERLINE][FONT="Tahoma"][/FONT][/OVERLINE]{قل اللهم مالك الملك تؤتي الملك من تشاء وتنزع الملك ممن تشاء وتعز من شاء وتذل من تشاء بيدك الخير انك علي كل شئ قدير}

      Comment


      • #4
        الف شكر على التقرير والمجهود الرائع
        [CENTER][SIZE=5]
        [/SIZE][/CENTER]

        Comment


        • #5
          تقرير رائع يا حسام
          شكراااا
          صورة التوقيع كبيرة جداً بما يخل بتنسيق الصفحة.
          الرجاء تصغير الصورة و إعادة رفعها مرة أخرى.

          Comment


          • #6
            العفو
            [aldl]http://s17.postimg.org/ygne2hebj/F2000045710.jpg[/aldl]

            Comment


            • #7
              شكرا على التقرير
              رغم انو قفلني من العربية
              [CENTER]في الماضي كان الخطر الكبير الذي يواجه المصريين النظام الفاسد[/CENTER]
              [CENTER]الان الخطر الاكبر الذي يواجه مصر والمصريين هو الجهل[/CENTER]

              Comment


              • #8
                شكرا علي المجهود والتقرير
                [SIZE=5][COLOR=Navy][B]سبحان الله وبحمدة...سبحان الله العظيم[/B][/COLOR][/SIZE]

                Comment


                • #9
                  المشاركة الأصلية كتبت بواسطة mahmoudysf مشاهدة المشاركة
                  شكرا على التقرير
                  رغم انو قفلني من العربية
                  ليه بس :)

                  المشاركة الأصلية كتبت بواسطة bakkarahmed مشاهدة المشاركة
                  شكرا علي المجهود والتقرير
                  العفو
                  [aldl]http://s17.postimg.org/ygne2hebj/F2000045710.jpg[/aldl]

                  Comment


                  • #10
                    مشكور على التقرير
                    ان الله لا يغير ما بقوم حتى يغيروا ما بأنفسهم

                    Comment


                    • #11
                      تقرير رائع والعربيه بصراحه جميله بجد فكرت انى اشوف واحده كسر زيرو ومتوفقتش
                      وعجبتنى القشقاى اوى ولاقيتها بتتباع باوفر برايس قلت بناقصها
                      خلينا فى حبيبه قلبى الفانتازيا
                      [SIGPIC][/SIGPIC]

                      Comment


                      • #12
                        الله ينور
                        تقرير تمام

                        Comment


                        • #13
                          المشاركة الأصلية كتبت بواسطة Mohyeldin1974 مشاهدة المشاركة
                          مشكور على التقرير
                          العفو

                          المشاركة الأصلية كتبت بواسطة طارق _عبد السلام مشاهدة المشاركة
                          تقرير رائع والعربيه بصراحه جميله بجد فكرت انى اشوف واحده كسر زيرو ومتوفقتش
                          وعجبتنى القشقاى اوى ولاقيتها بتتباع باوفر برايس قلت بناقصها
                          خلينا فى حبيبه قلبى الفانتازيا
                          هى عليها ضغط من ساعة مانزلت وكذلك القاشقاى فمش متوفره ولو لقيتها كسر زيرو هاتلاقى سعرها اغلى من الزيرو

                          المشاركة الأصلية كتبت بواسطة Ahmed Nasser مشاهدة المشاركة
                          الله ينور
                          تقرير تمام
                          تسلم ياباشا
                          [aldl]http://s17.postimg.org/ygne2hebj/F2000045710.jpg[/aldl]

                          Comment


                          • #14
                            جميل بصراحة

                            Comment


                            • #15
                              تقرير ممتاز
                              [CENTER]

                              [/CENTER]

                              Comment

                              Working...
                              X