اقتراح بخصوص سيات 133

[بوالينو]

كنت عايز اشتري سيات 133 علشان سعرها ميزعلش لو قانون احلال العربيات الملاكي اطبق / خاصة اني بشوفها رايحة جاية قدامي وفي منها شكلها نظيف / المهم سألت اصحابي لقيت الغالبية بتقول ان العربية دي بتخرب البيوت يعني حتقعد تصرف عليها كتير علشان اعطالها كتير وفي الاخر حتزهق وتيجي تبيعها مش حتلاقي حد يشتريها منك وتبقي شربتها بقي يا حلو / وناس تانية قالت لي انها عربية زي اي عربية تانية وككل العربيات فيها مشاكل واشتريها وميهمكش / فقلت اخذ رأيكم في الكلام ده / واقترح عليكم اقترح عليكم لو العربية دي حلوة يكون في موضوع مثبت بعنوان سيات 133 اشتري او لا تشتري / وطبعا الموضوع حيكون شامل ويقول لنا وصاريف الصيانة بتاعتها حتعمل لها كام في الشهر الخ---- وارجو الاهتمام بالموضوع لآن في ناس ياما عايزة تشتريها وخايفة وانا منهن وشكرا .

[بوالينو]

مفيش ردود ولا ايه يارجالة

[esam_comm]

اقسم بالله يا اخي انا قعدت قبل كده جوه العربيه دي وبكيت بالدموع من كثره الاعطال والمصاريف والله من 8 سنين صرفت عليها اكتر من 6 الاف غير تمنها وبعتها ب4ونص بالعافيه

[بوالينو]

شكرا علي اهتمامك اخي الكريم / وارجو مشاركة باقي الاعضاء للافادة

[بوالينو]

هييييييييييييييييييييه انتم فين

[بوالينو]

ايه مفيش حد عنده معلومات وتجارب عن العربية دي غير esam_comm ولا ايه --------

[sobhysm]

نصيحة بلاش العربية دية ممكن تجيب عربية 128 زاستافا أو عادة سعرها دلوقتى ممكن يوصل ل7500 أو 8000 وبرده أنتظر رد باقى الأعضاء ويا ريت اللى كان عندة سيات 133 يرد ويقول عيبها ومميزتها بالتفصيل

[medo_4]

الموضوع حلو ويفضل مشاركة كل الأعضاء الذى لديهم خبره أو معرفة بهذه السيارة

[gigo]

يا أخى الكريم
العربيه السيات 133 زيها زى اى عربيه تانيه قديمه
ان كنت مش بتسافر و مشاويرك قريبه توكل على الله و اشتريها لانها هتكون اوفرلك بكتير من مصاريف التاكسى و المواصلات بس تاكد من حاله الموتور هو اهم حاجه و اغلى حاجه فيها و على فكره ده موتور حمال اسيه مفيش عربيه تانيه ممكن تتعرض لدرجه الحراره اللى بتتعرضلها السيات و تفضل ماشيه .
اولا و اخيرا عليك بالاستخاره
هناك موضوع عن الاستخاره الشرعيه فى منتدى البيع و الشراء.

[بوالينو]

شكرا لكل من ساهم برأيه ولكم كل الاحترام والتقدير / وارجو المشاركة من الجميع لتعم الفائدة بأذن الله

[faron525]

سيات 133 = خراب بيوت اسأل مجرب انا كرهت العربيات بسببها
يعني الاسم عندك عربية بس قلتها احسن منها دايما بتسخن وقطع غيرها غالية ومتعرف تروح بيها مشوار طويل وبصراحة ابعد عنها احسن

[بوالينو]

رأي الاخ الفاضل faron525 انه بلاش منها وده رأ ي الكثير / ولكن نريد رأي الكثير من الاعضاء حتي لايقع احد في هذا الفخ

[mido320i]

موضوع جميل انا زيك والكل نصحني ابعد عنها لدرجه ان واحده كانت معاها بس باعتها وجابت 126 قلتلي ال126 برقبتها, واحب ازود على موضوعك لو حد عندو فكره عن ال126 يفدنا عشان انا ناوي ان شاء الله.

[بوالينو]

اضم صوتي لصوت الاخ mido320i وياريت المضوع يشمل السيارة 133 والسيارة 126 وعلي كل من لديه معلومات اكيدة اوتجارب شخصية ان يفيدنا والله في عون العبد مادام العبد في عون اخيه

[thunder155]

اضم صوتي لصوت الاخ mido320i وياريت المضوع يشمل السيارة 133 والسيارة 126 وعلي كل من لديه معلومات اكيدة اوتجارب شخصية ان يفيدنا والله في عون العبد مادام العبد في عون اخيه

ممكن نضيف كمان الــ 127 top