اسعار الكريستالة ايه دلوقتى؟

[titoboy]

ياريت حد يا جماعة يفيدنا باسعار الكريستالة الايام ده بقت بكام ولو حد عنده عربية بسعر معقول بكام؟ لو لانسر 98 بكام كمان

[ahmedelzeeny]

فى رينج الاربيعنات وحسب حالتها

[FunnyMickey]

انا بقالي شهر بدور ياباشا وطالع عيني والله
وبالنسبه للاسعار فكل واحد شغال بمزاجه حسب الحاله
يعني 98 في حالات منها ب43 الف
وفيه حالات منها ب50
وال99 وال2000 كذلك
سوق السيارات مليان بس اغلبه ياتجار ياعربيات متظبطه في المنصوره والغربيه واللذي منه وانتا فاهم بقي وجياه تتباع هنا
قليل اوي اما تلاقي ناس محترمه لوحدها بتبيع
والنت عليه حالات علي كلام صحابها كويسه بس رافعين في السعر اوي اوي معرفش ليه
انا لحد دلوقتي ملقتيش حاجه عدله مع اني عامل رينج 50 الف والله
بس انا عشان بدور علي لون معين فعشان كده تلاقيني تعبان شويه
وبنا معاك ومعايا ياباشا

[titoboy]

والله وانا كمان بدور عليها بس مش عارف مش لاقى خالص كان قدامى واحدة عاملة 48 الف موديل 98 فبريكا جوة وبرة لونها كحلى وعدادها عمال 200 الف وزيادة انا مردتش اخدها علشان التمن جميع الكماليات مانيوال لو عاوز قولى وميكنش ان شاء الله بعها وربنا معاك ومعايا ونلاقى حاجة فى سعر حنين

[titoboy]

98 واحد دخله و 2 بس الى رده على الموضوع يا ما شاء الله بصراحة

[kariko]

Dear all ,im selling lancer 99 in a good condition with grey color and manual transmission , if anyone interested u can come and watch the car. Price needed 48000 LE, and it's negotiable if anyone is a serious buyer

[HeMa_LanCeR]

ربنا يوفقك ولو لقيت حاجه نضيفه هبلغك

[kliken]

انا لسه شارى لاخويا واحده 98 و اشتريناها ب 42000 و حالتها كويسه فابريكه دواخل بس كانت مخربشه من بره و رشها و غير كده زى الفل ما شاء الله

[salahlanser]

انا بعت عربيتى كانت جامبو خليجى فى شهر 10 اللى فات ب 47500 وكانت كامله اوتوماتيك وف سقف ولونها احمر مارلبورو

[twincam]

حسب الحالة
هيا بتبدا من 42 لغاية 50 ده بالنسبة لل1300
اما لو 1600 المواصفات الخليجي الفتحة سقف وجنوط 14 بتبدا من 48 لغاية 53
وفي بقى المواصفات الاوروبي اللي هيا 1500 2 كامة او 1600 مايفيك بتبدا من 52 لغاية 58 وطبعا الاوروبي دي قليلة ونادرة بس اللي ممكن تلاقيه وقليل برضو بس اكتر من الاوروبي العربيات الممتعدلة اوروبي يعني مثلا حد مسقط الموتور المايفيك او ال1500 ال2كامة وجايب عفشة الاوروبي وهتلاقيه في النفس الرنج تقريبا

[twincam]

ولو حضرتك حبيت حاجة زي كده ان شاء الله اقدر اساعدك سواء اذا كانت عربيتي او عربية حد اعرفو
وربنا يوفقك ان شاء الله وتلاقي اللي في دماغك

[Karim_Mohy]

طب كويس ان في ناس ردت ومعاها الكريستالة عشان عندي سؤال بعد اذن صاحب الموضوع

بال 40 الف او ال45 تركب لانسر مرة تانية لو رجع الزمن للي معاه العربية ولا تجيب مثلا فيرنا او جولييت او كوري عموما موديل الفينات وشوية...يعني بالرغم من قدم الموديل هاتختارها برضه بالرغم من قربها للارض ؟

[titoboy]

شكرا لكل الى رده

[titoboy]

بس انا بدور على عربية فى رنج 41 او 42 فهل ده ممكن الاقيه؟

[FunnyMickey]

انا بدور علي لون فيراني بحاله نضيفه بقالي شهر مش لاقي
ده ايه الاسعار الحلوه دي
طب في الوسط كده متشوفولنا حاجه فيراني كده ياشباب