سؤال عن ريجاتا 85

[HeeemaZ]

أنا قدامي ريجاتا بحالة كويسة مش رشة دواخل .. بس ما فيهاش كماليات
موديل 85 ومجددة فرش وكهرباء واطارات ورشة من برة نضافة بس
وهل كل الريجاتا باور ولا لأ عشان ما سألتش على الباور ولو مش باور تتكلف كام عشان تبقى با
ممكن أعرف تعمل كام عشان مطلوب فيها 22 واعتقد كتير شوية ؟؟
ويا ترى الكماليات بتاعتها زي التكييف(مكانه موجود بس هو مش موجود) ... والسنتر والزجاج الكهرباء أمامي ممكن تتكلف كام؟؟

[sir_servizio]

كتير جدا جدا جدا وبلاش منها

[مواطن مصرى]

أنا قدامي ريجاتا بحالة كويسة مش رشة دواخل .. بس ما فيهاش كماليات موديل 85
مجددة فرش وكهرباء واطارات ورشة من برة نضافة بس

المهم حضرتك تتأكد من 3 حاجات مهمه جداً :

1- هل الصاج فيه بارومه فى اى حته ؟!
لو فيها بارومه اوعى تشتريها و لو كانت ببلاش ..
حاول و انت بتشوفها تاخد معاك سمكرى امين يقولك ايه اللى فيها

2- حاله الموتور اخبارها ايه ؟!
لو الموتور مفوت اعمل حسابك على 2500 جنيه على الاقل عمره
اعمل لها قياس لكبس الموتور و ارفعها فى اى بنزينه محترمه تديلك عنها التقرير التمام (زى شيل اللى فى اول الهرم مثلاً)

3- حالة التابلوه و العدادات ايه ؟!
تابلوه الريجاتا استيراد الخارج بالف جنيه هذا ان وجدته

وهل كل الريجاتا باور ولا لأ عشان ما سألتش على الباور
ولو مش باور تتكلف كام عشان تبقى باور ممكن أعرف تعمل كام

مش كل الريجاتا نازله باور
انا عربيتى الريجاتا باور (موديل 1989) و كنت من فتره امتلك سياره ريجاتا (موديل 1987) بدون باور
لكن عموماً هى دركسيونها خفيف مش بتقل اللادا لانه مبنى على سكاترا ناعمه جداً

عشان مطلوب فيها 22 واعتقد كتير شوية ؟؟

لو الحاله ممتازة حاول تنزل الف او اثنين لانك كده كده هتعمل لها صيانه و تشيك اب (تغيير زيوت و فلاتر و تيل و سيور الخ) + مصاريف الترخيص و التسجيل و طبعاً حضرتك اولى بالفلوس دى

ويا ترى الكماليات بتاعتها زي التكييف(مكانه موجود بس هو مش موجود) ... والسنتر والزجاج الكهرباء أمامي ممكن تتكلف كام؟؟

التكييف سهل جداً يركب لو حاله الموتور اكثر من 75% لان السياره مجهزه تكييف اما التكلفه كام بالضبط الله اعلم

السنترلوك و الانذار فى اى محل اكسسوارات من اول 300 جنيه و انت طالع

الزجاج الكهربى انا ركبت مكنتين اصليين استيراد للزجاج الخلفى (انا الامامى عندى كهرباء فابريكه) بحوالى 250 جنيه من الحرفيين بس من كاااام سنه اكيد الاسعار اتغيرت دلوقتى للاغلى


عموماً ربنا يوفقك لما تراه خير و افضل

[HeeemaZ]

المهم حضرتك تتأكد من 3 حاجات مهمه جداً :

1- هل الصاج فيه بارومه فى اى حته ؟!
لو فيها بارومه اوعى تشتريها و لو كانت ببلاش ..
حاول و انت بتشوفها تاخد معاك سمكرى امين يقولك ايه اللى فيها

2- حاله الموتور اخبارها ايه ؟!
لو الموتور مفوت اعمل حسابك على 2500 جنيه على الاقل عمره
اعمل لها قياس لكبس الموتور و ارفعها فى اى بنزينه محترمه تديلك عنها التقرير التمام (زى شيل اللى فى اول الهرم مثلاً)

3- حالة التابلوه و العدادات ايه ؟!
تابلوه الريجاتا استيراد الخارج بالف جنيه هذا ان وجدته





مش كل الريجاتا نازله باور
انا عربيتى الريجاتا باور (موديل 1989) و كنت من فتره امتلك سياره ريجاتا (موديل 1987) بدون باور
لكن عموماً هى دركسيونها خفيف مش بتقل اللادا لانه مبنى على سكاترا ناعمه جداً



لو الحاله ممتازة حاول تنزل الف او اثنين لانك كده كده هتعمل لها صيانه و تشيك اب (تغيير زيوت و فلاتر و تيل و سيور الخ) + مصاريف الترخيص و التسجيل و طبعاً حضرتك اولى بالفلوس دى



التكييف سهل جداً يركب لو حاله الموتور اكثر من 75% لان السياره مجهزه تكييف اما التكلفه كام بالضبط الله اعلم

السنترلوك و الانذار فى اى محل اكسسوارات من اول 300 جنيه و انت طالع

الزجاج الكهربى انا ركبت مكنتين اصليين استيراد للزجاج الخلفى (انا الامامى عندى كهرباء فابريكه) بحوالى 250 جنيه من الحرفيين بس من كاااام سنه اكيد الاسعار اتغيرت دلوقتى للاغلى


عموماً ربنا يوفقك لما تراه خير و افضل

شكرا جزيلا أخي لردك الوافي .. مش فاضل غير انك تيجي تشوفها معايا :):):)
ربنا يكرمك ويجزيك خير على الافادة

[tarekmomo]

لو حالتها حلوة ونضيفة وشفها سمكرى وقال عليها كويسة 20000 معقول

[HeeemaZ]

لو حالتها حلوة ونضيفة وشفها سمكرى وقال عليها كويسة 20000 معقول

مانا بافكر في كدة ان شاء الله
وفيه واحدة تاني موديل 86 فيها سنتر وانذار وجنوط وتكييف بس مش شغال وحالة الموتور مويس وفابريكة طبعا . طالب فيها 22.5 بس لسة ما اتكلمناش معاه... الواحد وحتار بصراحة