M40 1990

[TheBuccaneer]

سبق ليه و نشرت إعلان عن العربيه فى المنتدى هنا لكن معظم اللى بيدخل مع احترامى لهم بيقولوا أن السعرعالى وانه ممكن يشترى e36, مع إن السعر مش ممكن يجيب e36 حالتها نظيفة بالسعر ده خالص, والمشكلة الكبرى أن كل واحد يتصل يقول لى نفس الموضوع و الغريب فى ده أن الموقع اللى بتكون السيارة معلن عنها فيه بيكون فيه e36 بأسعار مش اللى هم بيقولوا عليها و بتكون بداية من 65000 . اما بالنسبة لسوق السيارات فده موضوع تانى لأن اللى بيتحكم فى الأسعار تجار وهم من مصلحتهم إن الأسعار كلها تقع لأن مش كل الناس معاها تشترى سيارات من النوع ده, وغالبا معظم أصحاب ال bmw بيدخلوا السوق ويخرجوا بدون نتيجة سواء كان السعر كويس أو لأ, أنا واحد من الناس اللى نزلت السوق 5 مرات وكل مره, اقسم بالله العظيم, كل اللى بيدخلوا ب bmw مش بيبيعوا, وكل واحد يجيى يسأل بكام ويقول لى نفس الكلام بالحرف مش كثير السعر ده على العربية, ده انا ممكن اشترى دبانه (E36) بالسعر ده, طيب يا سيدى الفاضل سؤال, وايه اللى مانع حضرتك من انك تشترى الدبانه؟ اللى بتقول عليها وكأن أنا مش موجود فى السوق و كأن انا مش مشيت فى السوق وعرفت الأسعار بتاعت ال BMW!!!. او ساعات يكون الرد, ده فى الحرفيين أنا شوفت عربيه, وتحس من الوصف أنها M3 2020 مثلا, ب 50000 ده السعر ده أنا ممكن اكلم فلان هناك يجيب لى دبانه, طيب ما دام حضرتك عارف أن الحرفيين الأسعار فيها رخيصة ايه اللى نزل حضرتك السوق و هيتعبك انك تلف و تدور ما دام حضرتك عارف انه فيه مكان كويس بأسعار كويسه وعربيات كويسه متروحش ليه على هناك عالطول وتشترى منه وكمان اسمك هتكون فى الحرفيين يعنى هتعرف تكشف على العربية و تعرف أسعار قطع غيارها وكده. أنا مش عارف بصراحه الناس الغريبه ده. انا عارف أن هناك E36 بأسعار مقاربه لنفس السعر اللى أنا طالبه لكن اولا مش قاعده فى سعرها, ثانيا اكيد معظمها بييكون حالته مش كويسه. عالعموم ده مواصفات عربيتى:
موديل 1990 موتور E36 1600 جديد – 4 زجاج كهرباء – فتحة سقف كهربائية – مرايات كهربائية – كمبيوتر أعطال M3 – تكييف تاتش – شداد شاسية BMW M3 – سنتر لوك- انذار- صالون جلد جديد - عادم تربو MOMO - فابريكة من الداخل, دهان من الخارج للنظافة - مرفوعة, السيارة + الموتور بحالة ممتازة – رخصة 5/2011 - الفاصل المعاينة

وده رقم تليفونى للجادين فى الشراء 0192374411
أنا إن شاء الله طالب 58000
يا ريت بلاش كلمة السعر ده عالى, ده سعر دبانه
أسف على الأطاله فى الموضوع.

[m.3abdel3al]

ربنا يكرمك في البيع يارب و فعلا سيبك من السوق انا نزلت بسيفيك و سمعت نفس الكلام تقوله دي ex يقولك دا انا بالتمن دا اجيب si تقوله دي si يقولك دا انا بالتمن دا اجيب sir و هكذا و يحكيلك عن مواصفات عربيات خيالية ب 12.5 جنيه فقط لاغير و الله بجد ناس تجنن

[mr_sameh]

بالتوفيق في البيع

[ahmad--ezzat]

طيب ممكن صور للسياره

[TheBuccaneer]

ده صور العربية يا باشا

[TheBuccaneer]

شكرا لك على ردك يا أستاذ mohamed_3abdel3al. ده سياسية بيع, التجار بيكون معاهم ناس هم اللى بيعملوا الحركات ده فى الناس اللى بتبيع عشان محدش غيرهم يبيع. ما هو اما يكون معاك واحد ناوى يشترى وبعدين تلاقى واحد تانى بيتفرج وبعدين يقول لك الكلمتين المعروفين دول تلاقى اللى كان فى عنده نية للشراء بيراجع نفسه, وده عشان أنت تزهق وتمشى و يخلى الجو للتجار فى السوق ويبقوا هم واقفين لوحدهم. و ساعات بتكون سياسة المشترى نفسه عشان انت تزهق و تبيع, وممكن تلاقيه بيخلى أصدقائه بيتصلوا ويقول لك نفس الكلام و يمكن ينزل لك فى السعر كمان عشان تقول اما الحق ابيعها بقى للراجل الأول ده سعره كويس كده. بالنسبه بقى للحرفيين الناس هناك بتشترى العربية حادثه وهم هناك يعرفوا ازاى بقى يضبطوها على كيفهم, وطبعا هم معارف و أصدقاء مع بعض و طبعا مش هيحاسبوا بعض زى ما يحاسبوا زبون حتى و لو كان معرفه و انهارده عندى بكره عندك. انا اعرف واحد فى الحرفيين اشترى Honda Civic 1999 حادثه وده عرفتها بالصدفه. وضبطها 100%, يعنى من الأخر اما بيكون مثلا سعر العربيه 50000 مستعمله, اما تشتريها حادثه كمان ممكن تأخدها ب 20000 وتصرف عليها مثلا 10000 تضبيط, تبقى العربيه كلها ب 30000 أو 35000 بالكتير. من 50000 إلى 30000 عشان كده الأسعار فى الحرفيين رخيصة لا اكثر ولا أقل. ده كلها حوارات

[M_Nabil]

ربنا يوفقك في البيع والعربية شكلها حالة نظيفة أصبر شوية ومتستعجلش ان برضه كنت بسمع أرقام غريبة لما كنت عارض للبيع بس أكيد هيجى اللى غاوى ويقدرها

[ahmad--ezzat]

نضيفه جدا ما شاء الله...انا رايى تخليها معاك وتجيبلها مكنه اكبر وجنوط شيك...هتبقى عربيه رائعه اكتر ما هيا رائعه

[TheBuccaneer]

أنا ببيع لظروف قوية, هى إن أنا محتاج لفلوس عشان البناء و مش معايا فلوس كفاية, ونظام المدن الجديده كلها بيكون البناء خلال مده أو تسحب منك الأرض و تنتظر بقى حتى يأتى شخص تانى يشترى الأرض و يكمل هو ويدفع لك اللى أنت دفعته. هو ده السبب وراء بيع العربية ليست اكثر أو أقل. و الله أنا عارف إن العربية جميلة وكويسه و الحمد لله و عارف إن انا والله ببيع بخسارة كده لكن ما باليد حيله.

[mmffor]

أنا ببيع لظروف قوية, هى إن أنا محتاج لفلوس عشان البناء و مش معايا فلوس كفاية, ونظام المدن الجديده كلها بيكون البناء خلال مده أو تسحب منك الأرض و تنتظر بقى حتى يأتى شخص تانى يشترى الأرض و يكمل هو ويدفع لك اللى أنت دفعته. هو ده السبب وراء بيع العربية ليست اكثر أو أقل. و الله أنا عارف إن العربية جميلة وكويسه و الحمد لله و عارف إن انا والله ببيع بخسارة كده لكن ما باليد حيله.

لأ بصراحه العربيه حالتها حلوه. بس فعلا الدبانه بتبتدي من ال 56 وال 58 لحد 68 الف ! انت عربيتك نظيفه و مصروف عليها بس الشكل القديم برضه ف انشاءالله ربنا يوفقك في بيعها بالسعر اللي انت طالبه. بس متعتبرش ساعتها بخساره.

[TheBuccaneer]

شكرا لك على الرد. لكن زى ما قولت مسبقا مش قاعده أن في عدد محدود بيبيع بالسعر ده تبقى كل ال e36 بنفس السعر. فيه اسعار كتير عاليه وحضرتك دور ولاحظ و فى الغالب هتلاقى فى العربيه حاجه, أو تكون حالتها مبهدله. انا شوفت e36 1995 ب 45000 جنيه لكن حادثه فى الأساس الخاص بالعربيه وتم تصليحها .

موديل 1992 52000 جنيها
موديل 1992 62000 جنيها
موديل 1992 65000 جنيها
موديل 1992 66000 جنيها
موديل 1992 67000 جنيها
موديل 1992 75000 جنيها
موديل 1993 63000 جنيها
موديل 1993 66000 جنيها
موديل 1993 68000 جنيها
موديل 1993 70000 جنيها
موديل 1993 86000 جنيها
موديل 1994 67000 جنيها
موديل 1994 70000 جنيها
موديل 1994 70000 جنيها
موديل 1994 73000 جنيها
موديل 1994 75000 جنيها
موديل 1994 77000 جنيها
موديل 1995 67000 جنيها
موديل 1995 72000 جنيها
موديل 1996 75000 جنيها
موديل 1996 95000 جنيها
موديل 1997 85000 جنيها
موديل 1997 87000 جنيها
موديل 1997 88000 جنيها

كل الأسعار اللى بالأعلى من موقع contactcars. تم وضع الموديلات والأسعار تصاعديا. اعتقد إن مفيش غير واحد فقط و موديل 1992 ب 52000. كما يلاحظ وجود فروق فى الأسعار موديلات أقل بأسعار اعلى, موديلات بأسعار مرتفعه جدا موديل 1996 95000 جنيها. يرجى موضوعية الرد, سمعت هذا الكلام مرارا وتكرارا بس فعلا الدبانه بتبتدي من ال 56 وال 58 لحد 68 ألف لكن الواقع بيفرض نفسه فى النهاية. وللعلم أن صاحب ال 1992 عنده مشكله فى سيارته بخصوص التكييف, محتاج مروحة تكييف على حسب كلام صاحبها والله واعلم فيه ايه تانى فى العربيه؟, كمان إن العربيه عاديه جدا مجرد 2 زجاج كهرباء فقط, يعنى E36 بحالتها بدون مواصفات. بالنسبة لموضوع الشكل ده انا مش قادر افهم, تكلم الشخص يقول لك أنا بحب الشكل ده عن ال E36, لكن اول ما تقول له على السعر المطلوب يقول لك بس ده الشكل القديم. انا مش فاهم يعنى ايه الشكل, نفس الموتور فى ال M40 موجود فى ال E36. هتلاقى انواع مواتير زى ال M42, M43, M44 شكلها الخارجى مختلف لكن نفس المكونات من الداخل واحده مما يعنى انك ممكن تفك واحد و تأخد حاجه منه وللعلم إن ال M44 محرك ال E46 يوجد موضوع بأسم M3 engine prices حضرتك ممكن تدخل و تشوف موضوع المحركات ده بنفسك. العربيه مش مجرد شكل أنا ممكن ابيع لك عربية batman من بره و اساسها من جوه زيستافا. على العموم ردك عادى جدا و ده حرية رأى لكن الأسعار بتثبت صحة كلامى أنا و إذا كان كل شخص يتصل بى او يرد بنفس الكلام و منهم من يرد ب هات 60000 جنيه و اجيب لك واحده E36 موديل 1993 امال الأسعار اللى مكتوبه فوق ده أسعار واللى أنا بتصل بيهم أسعارهم مش كده ليه؟ ليه كله بأسعار اقلها 65000 جنيه. اعتقد ان ال E36 اللى الشخص ده يقصدها E36 تانيه بقى . أسف على الأطاله.