M3 engine prices

[TheBuccaneer]

اولا يا جماعه نظرا لعدم معرفة الناس بأسعار ال M3 engine أنا قررت انى اكتب الموضوع ده للمعرفه
أولا ال M3 engine بتكون من الفئه S ال BMW engine و بالأسفل صور لها بأنواعها:


S50



S52



European Specfication: 321 Horse power
American Specification: 286 Horse power

S54



European Specfication: 343 Horse power
American Specification: 320 Horse power

اما بالنسبة للأسعار فهى بتترواح ما بين 30000 الى 40000 جنيه مصرى

طبعا هناك شبه بين ال S50, S52 وما بين ال M engine والمقصود بال M هى الفئه M من ال BMW engine وده شكلها



وده سعرها بيكون 6000 للموتور ال 2000CC و 8000 للموتور ال 2500CC

ارجو ان يكون الموضوع مفيد. من يريد التأكد من صحة كلامى يزرو بورسعيد ويسأل, او عنده حل أسهل يدخل على الأنترنت ويبحث عن أسعار النوع ده من المواتير الفئه S وللعلم ده اوزان المواتير S50 158KG, S52 152KG, S54 148KGز السعر فى الغالب هيكون على المواصفات الأمريكية 2500$ + مصاريف الشحن + مصاريف الجمركه

[momo100010]

شكرا عالموضوع المفيد

[Sameh]

ده السعر الموتور جديد ؟؟ وهل ال m راكب عليه تربو ولا لأ ؟ يعنى يفرق عن موتور بى إم 2000 أو 2500 عادى ؟

[ahmad--ezzat]

وسعر ال 1800 سى سى كام؟

[TheBuccaneer]

طبعا يفرق عن موتورBMW 2000CC, 2500CC فى القدرة الحصانية وفى العزم وعدد لفات الموتور. كل المواتير اللى تحت ده بتكون Twin Turbo

2.0 M52 6 cylinder 150 HP
2.2 M54 6 cylinder 170 HP
2.5 M52 & M54 6 cylinder 184 HP
2.8 M52 6 cylinder 193 HP
3.0 M54 6 cylinder 231 HP
3.2 S50 6 cylinder 250 HP
3.2 S52 6 cylinder 321 HP
3.2 S54 6 cylinder 343 HP

اية موتور BMW بيكون فيه Turbo من ال 1600CC إلى 5000CC وده بيكون موجود فى ال 750il وده مش عارف انها موجوده فى مصر ولا لأ. بالنسبه لسعر ال 1800 فموجود انواع كتيره وكل واحد لها قدره حصانية مختلفة لكن سعرها هيكون بداية من 3000 جنيه إلى 5000 جنيه.

[mgasser]

ما شاء الله ... انت جربت تسقط موتور عندك و جربته , و يا ريت لو تقولنا نوع العربيه اللي سقطلها الموتور ده ؟

[Mzeid]

شكرا على المعلومات

[TheBuccaneer]

لأ أنا منزلتش موتور على العربيه, انا معايا BMW M40 معروضه للبيع هنا فى نفس القسم من المنتدى. تسقيط الموتورعلى عربيتى يتطلب تغيير كذا حاجه. أولا الموتور ده بيكون 6 cylinder يعنى لازم يتم تغيير عفشه من 4 الى 6. و بالتالى تغيير الجنوط ل 5 مسمار بدل من 4 مسمار. على الرغم من وجود عفشه 6 سليندر 4 مسمار. عالعموم هو موضوع تسقيط الموتور ده موضوع عادى لا فيه ضرر ولا اية شىء مادام كل شىء ضبط عشان يتم التغيير. اما بالنسبه لتغيير الجنوط الأصليه بأخرى اكبر حجم فهو من اكبر الأخطاء اللى بتم لأن الأكبر حجما بتكون اكثر وزنا و بالتالى بتأثر على شيئين, أولا, العفشه لانها بتكون ثقيله عليها مما يسبب هلاك للعفشه سريع وخصوصا اذا كان صاحب السيارة غاوى Drifts و امريكانى, ثانيا, بيقلل من كفاءة الموتور بنسبة بسيطه بسبب زيادة الوزن الذى تسبب به الجنط الأكبر. ارجو أن يكون الموضوع مفيد.

[pro_samir]

"المكنة السودا"

دة الأسم الشائع للمواتير دي في الحرفيين وعند التجار

يا ريت الموضوع يتنقل قسم bmw

شكرا للمعلومات

[taswos]

طيب بعد إذنك ايه احسن موتور للبى ام 316 1982 انا الموتور اللى عندى يعنى تديله75% بس ميبقاش اكتر من 1800
شكرا جزيلا

[TheBuccaneer]

ده أنواع المواتير ال 1800CC أنا وضعت لك كل واحد ومواصفاته مع العلم إن الأجزاء الداخلية للمحركات ده كلها واحده بس بيكون الفرق فى عزم الموتور و قدرته الحصانيه و الشكل الخارجى

M40

4 سليندر, 8 صباب, وزنه تقريبا 81 كيلو
استخدم من سنة 1987 إلى 1993
استخدم فى ال E30 316i/318i 1987, وفى ال E34 518i, وفى ال E36 حتى سنة 1993
ال 1600 بيكون 102 حصان, ال 1800 بيكون 122 حصان

M42

4 سليندر, 16 صباب, وزنه تقريبا 100 كيلو
استخدم من سنة 1989 إلى 1996
استخدم فى ال E30 وال E36 ال 318is فقط. استخدم فى ال Z3
1800 قدرة الحصانية مختلفه على حسب وزن العربيه بيبدأ من 138 حصان إلى 142 حصان

M43

4 سليندر, 8 صباب, وزنه تقريبا 83 كيلو
استخدم من سنة 1993 إلى 1996
استخدم فى ال E36 316i/318i, وفى ال E34/39 518i
ال 1600 بيكون 102 حصان, ال 1800 بيكون 115 حصان

M43TU
4 سليندر, 8 صباب, 83 كيلو
استخدم فى ال E46 318i
1900CC بيكون 118 حصان

M44

4 سليندر, 8 صباب, وزنه تقريبا 102 كيلو
استخدم فى ال E36 318is, Z3
1900CC بيكون من 142 حصان إلى 150 حصان

كل أنواع المحركات اللى فوق ده ممكن وضعها فى العربية عندك, طبعا هو أحسن واحد فيهم ال M44 ده حضرتك هتلاقيه موجود فى ال E46 هو طبعا فيه منه فى ال E36 بس مش كتير. لكن هو الأساس بتاع ال E46. حضرتك هتلاحظ فرق بين ال M42 وال M43 فى ال Block هتلاقي فيه واحد لونه أسود و الثانى لأ فى الجزء اللى مكتوب عليه كلمة BMW. كمان حضرتك هتلاقى كل من M42, M43, M44 كلهم نفس الشكل لكن هتلاقى إن ال M44 الغطاء اللى فوق الموتور بيكون Fiber.
ارجو أن يكون الموضوع مفيد لحضرتك.

[ahmad--ezzat]

اخبار استهلاك البنزين ايه يا جماعه مع المواتير دى هل حوت ولا معقوله

[TheBuccaneer]

بالنسبه لل M40 بيكون تقريبا 1 لتر لكل 10 كيلو. يعنى مش كتير بالدرجة, ثانيا كل أنواع المحركات ده injection يعنى مش بتسحب بنزين جامد, كمان كل ما يكون موديل المحرك اعلى بيكون استهلاكه للبنزين أقل تقريبا.

[ahmadelkholy]

اسعار قطع الغيار من فضلكمل 316 و 318 من 92-94 عشان خاطرى