جولف او ابيزا

[dragon_devil]

ياشباب الى عندة جولف 2 حالة نضيفة او ابيزا 98 حالة نضيفة ياريت يقولى وياريت اسمع اسعار بيع مش اسعار وخلاص عشان اصلى بسمع فى الجولف رقم 30 الف ومش طلبة كلام من دة خالص لائنى عارف الاسعار كويس وفاهم السوق عامل ازاى دلوقتى كويس جدا فياريت نساعد بعض والف شكر ليكم جميعا وربنا يكرمك وبجد الشباب الى هنا شباب زى الفل وبيجبوا يسعدوا بعضهم لوجة الله وعقبال مصر كلها لما تتعامل مع بعضها بحب كدة زى الى شوفتة فى المنتدى هنا ان شاء الله سلاموا عليكوا

[marshal]

انتا من القاهرة ولا أسكندرية ؟

[Abody1985]

معلش يا مستر دراجوون فاهمني رقم 30 بيزعلك ولا بيبسطك يعني قصدك 30 الف غالي على جوولف 2 نظيفة وكامله ؟ اظن مفيش جوولف نظيف وكامل بالسعر ده وربنا يكرمك وتلاقي

[dragon_devil]

انتا من القاهرة ولا أسكندرية ؟

انا من القاهرة ياحبى

[dragon_devil]

معلش يا مستر دراجوون فاهمني رقم 30 بيزعلك ولا بيبسطك يعني قصدك 30 الف غالي على جوولف 2 نظيفة وكامله ؟ اظن مفيش جوولف نظيف وكامل بالسعر ده وربنا يكرمك وتلاقي

ياحبيبى انا الى بيزعلنى الاستهبال عشان بلاقى ناس عربية مصفة كدة ومتتركبش ويقولك 35 الف وفى حين انى لسة جايب لوحد صحبى عربية جولف 2 كاملة ومفهاش غلطة على 26 بنقل الملكية بكل حاجة فعشان كدة كتبت كدة لائن التجار هنا مفيش عندهم اسهل من الاستهبال والمغالاه فى الاسعار وخلاص وللاسف بينسوا ان فى ربنا وبيسرقوا الناس

[dragon_devil]

وبعدين ونسيت اقولك انى لسة برضة جايب ابيزا 98 لواحد صحبى برضة وعليها مكنة 1600 بتاعت جولف وخلصنا فيها على 27 الف وعربية مجنطة وازاز كهرباء وحالة كويسة جدا جدا وربنا شاهد على كلامى دة انة حقيقة فعشان كدة مش بحب الاستهبال وبحب الكلام يكون كلام ناس نزلت السوق وعارفة اسعار العربيات دلوقتى عاملة كام وبتتباع بكام وبتتجاب بكام ااقولك من كام شهر الجولف لو حد جبهالى ب 36 يبقى عمل معايا الصح لاكن دلوقتى لاء وبعدين ربنا مايجيب زعل من رقم 30 دة حتى جميل ومش حدفعوا

[Abody1985]

طيب بالله عليك يا مستر دراجوون لوو لاقيت عربية جولف نظيفة وكامله موديل 90 او 91او 92 ياريت تقولي وبجد هاخدهااا حتى لوو فوق رقم 30 اللي مش بيزعلك بجد متنسااش وانت وشطاارتك عشان واضح انك بتفهم في العربيات اووي وده واضح من الاسعار اللي انت اشتريت بيهاا انا معاك لغاية 37 بس تكووون فعلا نظيفة لو في اي اخبار ابعتلي ع الخاص وشكررا الف شكر ليك يا باشا
ملحووظه انا جاد في الشراء لان العربية اللي بدوور عليها دي لابن عمي مش مسألة تحدي

[dragon_devil]

طيب بالله عليك يا مستر دراجوون لوو لاقيت عربية جولف نظيفة وكامله موديل 90 او 91او 92 ياريت تقولي وبجد هاخدهااا حتى لوو فوق رقم 30 اللي مش بيزعلك بجد متنسااش وانت وشطاارتك عشان واضح انك بتفهم في العربيات اووي وده واضح من الاسعار اللي انت اشتريت بيهاا انا معاك لغاية 37 بس تكووون فعلا نظيفة لو في اي اخبار ابعتلي ع الخاص وشكررا الف شكر ليك يا باشا
ملحووظه انا جاد في الشراء لان العربية اللي بدوور عليها دي لابن عمي مش مسألة تحدي

لاء لاء تحدى مين ياعم بس احنا كلنا هنا اخوات واصحاب ومفيش فرق خالص منا عشان كدة انا كاتب الكلام دة عشان نساعد بعضينا وعشان الناس الى بتدخل تفتى وتتكلم وخلاص وهية ولا تعرف حاجة ولا فاهمة حاجة ومجرد سمعوا من حد كان بيقول من كام سنة ان العربية دية سعرها كدا فخلاص بقى ركبت فى دماغوا ان سعر العربية دية مش بيتغير طول العمر هههههههههههههههه وللعلم والله وقت مكانت بتقع قدمنا العربيات دية انا مكنش فى دماغى اشترى لائنى اكيد لو كانت فى نيتى الشراء فى الوقت دة مكونتش فوت فرصة حلوة زى الفرص دية بس متقلقش الجيات جاية كتير وللعلم احنا مش بننزل سوق ولا كلام فارغ من دة الفكرة انك بتشترى عربية بيتى يعنى من واحد جارك واحد قريبك واحد قريب صحبك عاوز يبيع بتيجى كدة طريقة البحث عن العربيات وياريت تشركونى فى قسم المقارنة عامل موضوع اسمة جولف 2 ولا ابيزا 94 او 98 عاوز اشوفكم جميعا هناك ان شاء الله وناخود رئيكم برضة ونستفيد كلنا من بعض ومتقلقش ياحبى لو وقتع قدامى حاجة مش حتاخر وحقولك والله وانتة برضة نفس الشىء ان شاء الله

[Abody1985]

مليوووووووون شكر ليك يا باشاااا

[dragon_devil]

بص يا سيدي انا قدامي 3 عربيات جولف و ال 3 بيتي و احسن من بعض.
1- جولف 2 موديل 1990 4 فانوس موتور 1400 فاضيه راشه بره و كارتيره شمال و الدواخل فابريكه بالكامل مطلوب 30500
2- جولف 2 موديل 1990 2 فانوس رشه بره برضه بس مشوفتش رشه جوه واللا لأ لسه شكلها حلو و فيها كماليات موتور 1600 مطلوب 30000 ممكن 28000
3- دي بقى الوحش جولف 1984 كوبيه الاكصدامات العريضه راكبلها جنوط 16" روعه و عليها موتور جولف 4 ال 1400 انجيكشن بوحدة الكمبيوتر بالتكييف بالباور ب فرامل abs ب طنابير عريضه بكراسي ريكارو الماني اصلي بطقم ساوند سيستم بشكمان ديفيل الماني اصلي جديد راكب من شهر و ازاز كهرباء 4 فانوس الماني اصلي اعتقد زينون. العربيه لونها ازرق ميتاليك. انا وديتها لميكانيكي و لكهربائي و رفعتها فحص الشاسيه مفيهوش خربوشه و البودي مفيهوش غلطه و تاره سبور جولف 5 !!! صاحبها طالب فيها 33000 بس انا ممكن اكسر معاه لحد 31000 او اقل لأنه بيصلح عربيته المازدا 3 التانيه علشان مراته عملت بيها حادثه و عايز فلوس.

[dragon_devil]

دة مش كلامى ياووااد دة واحد كان بيعرض عليا الكلام دة فى موضوع تانى كونت عاملوا فى فولكس تقريبا اسمة جولف ولا ابيزا برضة ادخل وخود اسم الراجل دة بس انا مرتحتلوش مش عارف لية وانتة حر

[dragon_devil]

دة مش كلامى ياووااد دة واحد كان بيعرض عليا الكلام دة فى موضوع تانى كونت عاملوا فى فولكس او قسم البيع والشراء تقريبا اسمة جولف ولا ابيزا برضة ادخل وخود اسم الراجل دة بس انا مرتحتلوش مش عارف لية وانتة حر لو حتتعامل معاة خليك حريص وغربل العربية فحص وتشقلبها كدة ومشى ايدك من تحت العتب كدة لو لقيت كلاكيع فى الصاج قولة معطلكش ويتربوا فى عزك

[Abody1985]

العربية اللي انا بدور عليها زي ماقولتلك كاملة يعني على الاقل تكيف وسنتر وبااور وتكوون فابريكة جووه وتكوون سليمة بجد وموديلها اعلى من 89 ومش كووبيه تكون 4 باب بس كده

[dragon_devil]

ياعم عبودى والله انا اول لما انتة سئلتنى فى عربية اول لما لقيت حد عرض عليا حاجة قولت اعرضها عليك انتة كمان ياحبيبى وربنا ان شاء الله حيعترنا فى عربية حلوة

[Abody1985]

شكرااا يا مستر دراجوون