عايزه نصيحتكم المخلصه - عشرين الف يجيبوا إإإإإإإإإإإإإإإإيه

[sky11]

بيجو 205

وعليكم السلام ورحمة الله

بيجو 205
دى غايبه عنى - وما فكرتش فيها قبل كده خالص - لكن لما قريت الردود لقيت اقتراح ب 205 بيجو - شوفت على النت موديلاتها لقيت كلها ثمانينات 84 غالبا - لو ممكن الآقى ب 18 الف موديل تسعينات ياريت . اكيد هتبقى احسن من 128
اللى اتعقدت منها من مجرد قرأة تحذيرات بعض الأعضاء منها - وناس كتير بتشكر فى 128
ففكرت فى الماروتى - قعدت أقرأ تعليقات الأعضاء عليها حسيت انها كويسه - وبعدين فى تعليقات تانيه أحس انى لو جبت سكوتر يبقى أحسن منها .

يعنى كده ميرا مفيهاش عيوب - وبيجو 205 كويسه والأتنين ممكن أسافر بيهم ؟؟؟؟؟؟ وموديل تسعينات .

[sky11]

عندك حق جولف ممتازه

وعليكم السلام ورحمة الله
شكرا على ردك ويارب الآقى عربيه جميله - جولف عربيه المانى وتحفه بس غاليه قوى عليه حتى 25 الف ما يجيبوش جولف - ولا الأسعار اللى بأشوفها على النت بتختلف عن السوق ؟

[Tito_Gabry]

وعليكم السلام ورحمة الله

بيجو 205
دى غايبه عنى - وما فكرتش فيها قبل كده خالص - لكن لما قريت الردود لقيت اقتراح ب 205 بيجو - شوفت على النت موديلاتها لقيت كلها ثمانينات 84 غالبا - لو ممكن الآقى ب 18 الف موديل تسعينات ياريت . اكيد هتبقى احسن من 128
اللى اتعقدت منها من مجرد قرأة تحذيرات بعض الأعضاء منها - وناس كتير بتشكر فى 128
ففكرت فى الماروتى - قعدت أقرأ تعليقات الأعضاء عليها حسيت انها كويسه - وبعدين فى تعليقات تانيه أحس انى لو جبت سكوتر يبقى أحسن منها .

يعنى كده ميرا مفيهاش عيوب - وبيجو 205 كويسه والأتنين ممكن أسافر بيهم ؟؟؟؟؟؟ وموديل تسعينات .

[mangere90]

وعليكم السلام ورحمة الله
شكرا على ردك ويارب الآقى عربيه جميله - جولف عربيه المانى وتحفه بس غاليه قوى عليه حتى 25 الف ما يجيبوش جولف - ولا الأسعار اللى بأشوفها على النت بتختلف عن السوق ؟

السلام عليكم ورحمة الله وبركاته

لأ طبعا 25000 او 20000 يجيبو عربيه جولف 2 , ده كان زمان العربيه مابتقلش عن 35000
لاكن دلوقتي خلاص ده الجولف 3 التي تلقب ب (الدبه) , اخرها 40000 ...
حضرتك العربيات الجديده كتر انواعها وكمان الضغط الصيني اللي استولا علي السوق المصري
خلا كل شخص بدل مايفكر يجيب عربيه زي الجولف يقولك لأ اشتري جديد احسن حتي لو صيني
انا واحد من الناس كنت هاموت واشتريها وكانت في وقتها بيتكلمو في 35000:30000 اما دلوقتي
كذا واحد يعرض عليا وممكن يقولك 30000 بس طبعا مابيلاقيش السعر ده وبتنزل 25000:20000
علي حسب الحاله , انا حبيت اوضح لحضرتك فقط مش قاصدي طبعا افراض الرأي علي حضرتك
وأنا اسف علي الأطاله ......................................

[noon_eg]

لو انتى جديده فى السواقه يبقى خليكى فى عربيه يكون فيها الاتى:

1- موديل حديث نوعا ما وده حيقلل الاعطال والذهاب للميكانيكيه (ماروتى - التو - بيجو 205 - لادا )
2- قطع غيار متوفره واسعارها مقبوله (ماروتى - لادا )
3- ميكانيكيه كتير يفهموا فيها ومش معقده (ماروتى - التو - لادا )
4- سهله فى البيع لو حبيتى تبيعيها (ماروتى - التو )
5- عربيه حريمى صغيره وقيادتها سهله ومش ناشفه (ماروتى - التو - بيجو 205 )
6- السعر فى حدود 20000 جنيه (ماروتى - بيجو 205 - لادا )

كل ده متوفر فى الماروتى اكتر شىء يلها الالتو ثم 205 ولا انصحك بالادا مطلقا

ملحوظه:
لى جار ماشى بالماروتى 230 الف كم بدون عمره وهى موديل 2000 ولسه حالتها كويسه
انا شخصيا جايب لمراتى التو تكييف مو 2009

وبالتوفيق

[sky11]

الف شكر لردودكم

أشكركم
mangere90 أنا عارفه طبعا ان حضرتك بتفهمنى - ربنا يكرمك ويجازيك خير .
noon_eg فعلا انا جديده فى السواقه ومش عايزه اتبهدل عند الميكانيكيه . رد حضرتك وافى جدااا وواضح
- ماروتى - التو - 205 - عند حضرتك حق - اللادا مش حريمى خالص -

بس أخر سؤال :
- قطع غيار بيجو 205 غاليه ؟؟ ولا ايه الأخبار

- الشاريد : مش شايفه حد بيرشحها كتير - مع ان شكلها شيك جدا - بس يمكن علشان قطع غيارها غاليه ومش متوفره - صح كده ؟؟

-الميرا : أضعها فى حسبانى ؟؟؟ ولا أيه

دايهاتسو ماتيز ؟؟؟؟؟ عيوبها ايه ومزاياها ؟؟
الف شكر لكل اللى فهمنى ورد عليه - وسامحونى لو كانت أسئلتى كتير .

[MEDO84EG]

كلام متزن جدا بس مش عارف مش مستريح للماروتي مستعمل

[sky11]

ربنا يستر - العربيات الوحيده اللى بتتباع وتتشترى ( مستعمله ) هى 128 وكمان حالتهم يعلم بيها ربنا
مأأأأأأأأأأأأأأأأساه - كأن مفيش غيرها فى مصر .
أكيد لما أخاطر وأرمى نفسى فى التهلكه وأنزل سوق العاشرهيبقى فيه فرصة للمقارنه بين الماروتى وغيرها .

[sound1]

اتفرج يمكن تعجبك

http://www.nilemotors.net/Nile/130731-1999.html

[noon_eg]

أشكركم
mangere90 أنا عارفه طبعا ان حضرتك بتفهمنى - ربنا يكرمك ويجازيك خير .
noon_eg فعلا انا جديده فى السواقه ومش عايزه اتبهدل عند الميكانيكيه . رد حضرتك وافى جدااا وواضح
- ماروتى - التو - 205 - عند حضرتك حق - اللادا مش حريمى خالص -

بس أخر سؤال :
- قطع غيار بيجو 205 غاليه ؟؟ ولا ايه الأخبار

- الشاريد : مش شايفه حد بيرشحها كتير - مع ان شكلها شيك جدا - بس يمكن علشان قطع غيارها غاليه ومش متوفره - صح كده ؟؟

-الميرا : أضعها فى حسبانى ؟؟؟ ولا أيه

دايهاتسو ماتيز ؟؟؟؟؟ عيوبها ايه ومزاياها ؟؟
الف شكر لكل اللى فهمنى ورد عليه - وسامحونى لو كانت أسئلتى كتير .

ال 205 بقت قديمه نسبيا واعتقد ان قطع غيارها مش منتشره ولا رخيصه زى الماروتى

المارروتى = احسن ارخص عربيه حريمى فى مصر

[manuel_jose]

اتكلى على الله وهاتى ماروتى وماتفكريش فى حاجه تانية وده لاسباب كتير العربية دى معايا انا مش بقولك كده عشان العربية معايا انا هقولك ليه تجيبى الماروتى فى السعر ده وماتفكريش فحاجه تانية :

1- احسن عربية تنفع فى الزحمه من حيث مساحتها وانتى كده كده جديدة فى السواقة فا كمساحه
هتساعدك جدا زائد الركن
2- اوسع من ال 127 وال128 من جوه مايغركيش منظرها من بره
3 - اقل عربية فى استهلاك البنزين من كل الموديلات اللى قولتيها واتعرضت عليكى بتشم بنزين زى ما بيقولوا
4- العربية الوحيده فاللى اتعرضوا عليكى هتبقى احدث موديل وقريبة يعنى الشاريد وال128 تمانينات او اوائل تسعينات واللادا تسعينات لكن الماروتى هتبقى الفينات يعنى حاجه فى القريب
5- انسب عربية تنفع لبنت او ست كسواقة العربية سواقتها سهله جدا انا سوقت عربيات كتير ماشفتش اسهل من كده
6- قطع غيارها ارخص قطع غيار كسعر ارخص من اللادا والشاريد والبيجو 205 اسعارها زى ال128 بالظبط
7- ارخص توكيل لو مش عايزة تروحى لميكانيكى وعايزه تتعاملى مع التوكيل ده غير ان توكيل العربيات اللى بتقارنى بيهم الله واعلم ايه نظامهم
8 - العربية محافظة على تمنها فى البيع يعنى لو عزتى تبيعى بعد سنتين تلاته هتلاقى تمنها عكس ال128 زى مانتى شفتى بعينك موديل 90 والبيجو عشان قطع غيارها وبتسحب بنزين والشاريد الى حد ما واللادا طبعا فى الواقع
9 - العربيه مجهزة تكييف يعنى لو حبيتى تركبيلها تكييف ينفع فيه عربيات تانية من اللى قولتى عليهم مش مجهزين لتكييف ده غير ان فيه اتوماتيك دلوقتى اخر تقاليع بيتركبلها اتوماتيك بس لسه مش متجرب فى التوكيل ده بره التوكيل
10- العربية بتسافر انتى كنتى مقلقلة من الحته دى لا بتسافر بس عيبها الوحيد ان شنطتها صغيرة بس ممكن يبقى فيه حل بديل لان الكنبة اللى ورا ليها طريقة بتتفتح بيها وفيه ناس بتركب شبكه بس اعتقد حل الكنبة الورانية احسن
اظن كده انا قارنتلك بينها وبين كل المعروض والامر فى الاول وفى الاخر يرجعلك ده

[sky11]

أشكركم على النصائح الغاليه دى -

انا مش عارفه اقرركل ما أثبت على عربيه معينه أرجع أغير رأيى تانى

- لما سألت على 205 قالوا لى هتبقى متعبه بالنسبه لى - وقطع غيارها مش رخيصة

-امبارح بقى قررت أشوف الشاريد - اللى انا فاهمه انى هأدوخ على قطع غيارها
فصرفت نظر .

- الماروتى دايما أقرأ هنا فى منتدانا ان صاجها ضعيف - باحس انها مش هتستحمل البهدله على الرغم من ان فيه أعضاء كتير بيشكروا فيها

بس ان شاء الله هاشوف يوم الجمعة - يارب الآقى حاجه كويسه

وان شاء الله هارجع لكم علشان أخد مشورتكم
ربنا يجازيكم بكل الخير.

[MEDO84EG]

انا ليا وجهه نظر
بلنسبه للشاريد قطع الغيار مش متوفره و هتدوخ الواحد علي ما يشتريها
لكن للبيجو 205 قطع غيارها صحيح غاليه شويه لكن معمره جدا
و متوفر منها جديد و استيراد (بشهاده اللي عندهم ) و مريحه من جوه سواقه سلسه
و بالنسبه انها قطع غيار غاليه هقولك شيء : ايهما افضل قطعه غيار تعيش سنه سعرها 20 جنيه و لا قطعه غيار تعيش 10 سنين و تمنها 70 جنيه ؟؟؟
في الظاهر تكون ال 70 جنيه اغلي
لكن السؤال غاليه و عمرها اد ايه و الرخيص عمره اد ايه
طب الفيات ماهي برخص التراب بس ركب و شهر و ارمي
لكن البيجو ركب و انسي
علي فكره انا معنديش بيجو 205 بس عن نفسي بجد بفكر اشتريها
لاني بحثت في كل العربيات اللي ممكن تتخيلها
ماروتي
مازدا
دايهاتسو
بيجو
ستروين
فولكس
و غيرهم و في الاخر لقيت ان افضل شيء في المستوي المادي ده بالمواصفات دي هي 205
و الاستخاره و سؤال الناس الخبره افضل شيء
اسف للاطاله

[sky11]

MEDO84EG
كلامك منطقى
- بس انا شايفه ان امكانياتى اقل من بيجو 205 - يعنى شوفت contact cars لقيت ان حدودى كده عربيه تمانينات - على الرغم ان ردود الأعضاء على موضوع حضرتك - ردود مطمئنه - بتقول ان قطع الغيار متوفره والسعر من 18-20 يعنى مفيش مشكله . بس مثلا فى سوق زى العاشر ده يبقى فى معروض منها ولا دى نادره ولا ايه - انا بأبص على العربيات فى الشارع مش لاقيه منها كتير - مش شيفاها منتشره يعنى .

الشاريد : دى انا متأكده انى هادوخ على قطع غيارها -فلازم استبعدها - بس شكلها شيك وعاجبنى اوى .

هو الفيصل انى اشوف المعروض من العربيات ويارب الآقى عربيه اقتنع بشرائها .

الف شكر على مساعدتك ورأيك اتمنى كل التوفيق .

[MEDO84EG]

اولا شكرا لرد حضرتك
ثانيا بالنسبه لموضوع الانتشار و قطع الغيار دي حلها بسيط علشان نتاكد موجوده و لا لا
ممكن نسال الناس اللي عندهم قطع غيار
يا جماعه يا بتوع قطع الغيار ال 205 متوفره و لا هندوخ عليها ؟؟ خلصت العمليه لاني انا سالت بنفسي
و لو الكلام كان عن 305 اه فعلا مش حلوه في قطع الغيار قليله شويه و في موضوع الميكانيكيه مش يعني كتير
لكن 205 حاجتها كتير و متوفره
و انا يوميا بشوف منها و لو حضرتك عندك وقت ادخل منتدي بيجو 205 و اعمل موضوع