مطلوب بسرعة و الدفع كاش ان شاءالله!!

[Thebutcherr]

مطلوب و السعر يكون مناسب و غير مبالغ فيه
هيونداى 2008الانترا
اوتوماتيك
عداد اقل من 30000 ,
يفضل تكييف تتش,
فابريقة بالكامل,
استعمال راقى و الكشف فى التوكيل

ومطلوب مازدا 3 2008
V1 أو V2 و ليست Aero
اوتوماتيك
عداد اقل من 30000 ,
فابريقة بالكامل,
استعمال راقى و الكشف فى التوكيل
و جزاكم الله خيرا
شادى الجزار
010 9696 010

[amir_ezzat]

بص يا باشا
انا معايا النترا ترخيص شهر 12 /2008
العربيه عامله 40000 بالظبط علشان انا لسه عامل الصيانه اول امبارح فى التوكيل
اتوماتيك - مكن رفع اصلى -زنيون ضمان سنه من عند ادريان - اللون كادبورى
فابريقه بالكامل من الاكصدام الى الاكصدام - تكيف مش تاتش - والكشف فى اى حته فى الدنيا كلها
السياره بشرم الشيخ

[hardman20060]

طالب فيها كام يا امير؟

[amir_ezzat]

بص يا باشا انا بعيد عن السوق خالص وبجد والله مش عارف تعمل كام علشان كده مش عارف اقول سعر حاولت اعرف الاسعار من بعض المواقع لكن لاقيت اختلافات كبيره قوى قول انت السعر العادل كام واللى فيه الخير يقدمه ربنا
ولو ليك اى استفسار عن حاله العربيه قولى وانا ها جوبك بكل صراحه

[Thebutcherr]

how much Hardman?!!

[hardman20060]

اعتقد تقريبا 78

[amir_ezzat]

بص يا باشا انا بصيت على اسعار كتير على النت وبصراحه مش لاقيت السعر اللى انت بتتكلم فيه ده خالص
انا مش بشكك فى كلامك ولكن انا بتكلم على حاله العربيه
بجد والله انا مش بتاع كلام انى اقعد اقول حاله شاذه وكلام من ده
لكن بجد العربيه بنفس حاله المصنع - دا والله العظيم فى حاجت كتير قوى فى العربيه اللى هى مش عليها استخدام لسه عليها الاكياس بتاع المصنع - زى اوكر الابواب - الكاسيت - الساعه
وانا شيلت الاكياس اللى على الكنبه بس لما حبيت اركب فرش علشان احافظ على الفرش الاصلى
اعتقد ان السعر ده صعب شويه

[amir_ezzat]

شوف دى مثلا
Hyundai Elentra

ودى كمان ولا فيها زنون ولا فيها مريات كهرباء ولا مكن رفع اصلى والسعر اعلى بكتير
وكمان لون الفرش اللون الرمادى مش البيج
ونسيت اقولك العربيه لسه فيها رخصه سنيتين

[hardman20060]

طيب انت طالب فيها كام يا امير؟؟

[hardman20060]

عايز اقولك الاعلان اللي في الالنترا دي ب84 ده كلام وكل واحد يطلب السعر اللي هو عايزه المهم سعرها في السوق كام وهتتباع بكام ؟؟؟؟ وعموما يا امير لو عربيتك حالتها زي ما انت بتقول قولي انت طالب كام وممكن نقرب من بعض واشتريها ان شاء الله

[hardman20060]

كنت عايز اصلحلك معلومه صغيره ان كل الالنترا غبور بينزل بمكن رفع اصلي ومرايات كهربا

[amir_ezzat]

اولا يا باشا انا اللى عايز اصلح ليك معلومه
انا اخويا معاه نفس عربيتى ونفس اللون الفرق بس ان الموديل 2010 من غير مكن رفع ولما روحنا التوكيل علشان نوريهم الفرق قالوا ان مكن الرفع نزل بس فى اواخر 2008 وبعد كده مش نزل تانى ---- يا اما بقى التوكيل بيشتغلنى وبصراحه ده مش بعيد
باشا انا ممكن اخلص فى العربيه دى ب 83 بس ده سعر نهائى ولو من غير زنون يبقى 82 علشان بصراحه انا تعبت قوى على ما جبت الزنون ده ابيض تلجى نفس اللى فى البى ام والمرسيدى مفهوش اى درجه من الازرق

[Thebutcherr]

فعلا يا باشا سيبك من الاسعار اللى بتشوفها اعرض حضرتك عربيتك و سيبك منى
هتلاقى هو دة السعر السوق 77-78 دة لو حالة مصنع و تكييف تاتش و جراب نضارة و مخدع و مسند كونسول امامى و خلفى
البايع فعلا دايما خسران

[amir_ezzat]

ساعه اما الواحد بيجى يبيع يقولك البايع ديما خسران
ولما اجى اشترى يقولك مش هتلاقى عربيه فى الحاله دى
عموما يا باشا انا مفيش اى سبب يخلنى اخسر وانا ببيع
وبجد فرصه سعيده معرفه حضرتك
وعايز اقولك انا بغير علشان مجرد التغير وعايز اركب حاجه المانى انما الحمد لله مفيش اى سبب يخلنى اوافق على الخساره وربنا يوفقك فى عربيه حالتها احسن منها وسعرها ارخض منها

[hardman20060]

ممكن يا امير تكتبلي رقم تليفونك؟؟؟