إعـــــــلان

Collapse

.

,
See more
See less

مغامرتى للحصول على سيارة

Collapse
X
 
  • Filter
  • الوقت
  • Show
Clear All
new posts

  • مغامرتى للحصول على سيارة

    السلام عليكم و رحمة الله و بركاته
    مساء الخير
    أنا خالد 25 سنة طالب بالفرقة السادسة كلية الطب جامعة المنصورة
    و كل يوم بضطر أروح الكلية من منزلى فى منية النصر لكليتى فى المنصورة عبر طريق المنزلة المنصورة لمسافة حوالى 35 كيلو و لداخل مدينة المنصورة حوالى 5 كيلو
    و لأنى مش بحب أروح الموقف من الفجر علشان أركب بصورة آدمية و أو أتزاحم مع زملائى علشان أتحشر فى العربية ولا أتخانق كل يوم أو أتوسل إلى التاكسيات ..و بطلت حتى أروح الكلية ..
    فقررت أشترى عربية
    و لأن مفيش عندى أى فكرة عن العربيات و عندى معرفة محدودة بالانترنت فتعرفت على المنتديين اللى هكتب فيهم المشاركة دى..
    و بدأت أقرأ كتير و استفدت كتير و بقيت عارف إن الكارتير مش بينقط كهربا و لا حاجة ..
    و لأن مفيش معايا غير 40 ألف جنيه
    حددت احتياجاتى و لأنى معرفش حد أثق فيه قد كده واحد قريبى ذو ثقة دورلى على عربية لانوس 2001 و اشتريتها من خلاله على 36 ألف جنيه على خلفية انها فابريكة من جوة و رشة برة
    و قاللى كمان انها محتاجة تظبيطات و هخليها عنده يظبطها لأنه محل ثقة و هيحاسبنى على أى زيادة و أنا دفعت الفلوس و ركبت العربية لفتين و أنا مش سواق أساسا بس سقت كذا مرة قبل كده ..و مفتحتش حتى الكبوت ..
    و قاللى على ما أخلص الورق و الاجراءات و لأن فى مفضلش فى رخصتها إلا أقل من شهر ..
    و دفعت فوق الألف جنيه فى الورق و الشهر العقارى و المرور و الضريبة و التأمين والاكراميات ولسه رايح أرفع البصمة علشان أنقل العربية لمرور محافظتى, مهندس الفحص أصر على حرق صدر الحوض ليتأكد من الرقم المحفور هناك .. و يردد أن العربية راشة حوض و قريبى بجوراى لا يعترض رغم زعمه الدائم أنها فابريقة و زى الدهب من جوة و زى الزيرو و ما إلى ذلك .. و عرض على استرجاع أموالى .. و لم نحدد موقف الأموال المنفقة فى قطع الغيار من جهته و فى الاجراءات من جهتى ..
    فأنا محتاج عربية محترمة و مش بتاعة مقالب و موفرة فى البنزين و فى حدود 36 إلى 40 ألف جنيه و طبعا مش شرط لانوس لو فى اقتراحات أحسن يا ريت طبعا تبقى أول يد استعمال بيت يعنى ..
    شكرا جزيلا لاهتمامكم

  • #2
    انا فعلا زعلان علشان انت حطيت ثقتك المفرطه في قريبك اللي خان ثقتك فيه حتى و لو عرض عليك استرجاع نقودك بعد كده لأنك بدون خبره و اعتمدت على قريب و عمل كده فده يخليك منعدم الثقه في اي حد تاني و حتتعب على متجيب عربيه لأنك فقدت الثقه و مش حتصدق اي حد من البياع او حتى من طرفك و انت بتشتري. عموما انا ارشحلك فيات بونتو 2001 او 2002 او فولكس بولو 2001 او فيرنا 2005 ده على انك عاوز عربيه نظيفه و عمليه و رخيصه. ممكن تفكر في الدايهاتسو تيريوس 1999 او 2000 و لو عاوز تركب صح دور على الفيتارا 1600 من اول 1991 لحد 1997 حتلاقيها في الفئه السعريه بتاعتك. برضه اوعى اوعى تجيب صيني مستعمل حتى لو ببلاش لان بيكون عمره الافتراضي انتهى و مصاريف صيانته فعلا غاليه و غير متوفره قطع غياره و برضه خللي الكوري اخر اختياراتك بعد الياباني و الاوروبي
    :policeman: الحل السحري للتخلص من الازمة المرورية [URL]http://www.nilemotors.net/Nile/120871-a.html[/URL]

    Comment


    • #3
      طيب بما انك اول مرة تسوق والعربية هتكون استعمل شخصي ليك. ممكن تجيب عربية صغيرة يعني مثلا ابيزا 94 او 98 وعندك كمان البونتو وفي كمان كيا بكانتو (ودي كان واحد صحبي عارضها عليا من يومين ب 38000 اوتوماتيك) بس انا بدور علي عربية عائلية. وعندك كمان اسكودا فيلشيا 97 تعملها 28000 وكانت مع واحد صحبي برضو وماشتكاش من موضوع السخونية وكدا. لاكن لو انتا عاوز عربية سيدان عندك فيكترا 94 بس لازم تكون حالتها نظيفة جدا . وفي الكيا برايد وعندك اكسنت 99 وفي عربيات تانية كتير بس انا مش متذكرهم كلهم دلوقتي الصراحة ممكن رضو رينو كليو يعني في اكتر من حاجة وبالسعر ال معاك هتجيب اغلب الماركات دي حالة نظيفة جدا وهيتبقي معاك كمان من 5000 ل 10000 دا في حالة ان المبلغ 40000 وكلهم كمان موفرين في البنزين معادا الفيكترا طبعا وقطع غيار موجودة واعادة بيع ممتازة. فكر كويس ومتنساش تصلي صلاة استخارة
      [CENTER][B][SIZE=4][COLOR=Blue]اللهم صلى على محمد وعلى آله وصحبه أجمعين
      [/COLOR][/SIZE][/B][/CENTER]

      Comment


      • #4
        سيفك 95
        اوبل 96
        فابيا 2003
        تويوتا كورولا 97

        ابيزا 2001

        [CENTER][mtohg=null]http://upload.wikimedia.org/wikipedia/ms/f/f9/Ayat_kursi.png[/mtohg]
        [/CENTER]
        [SIZE=4][COLOR=RoyalBlue][B] [URL]http://www.mp3quran.net/basit_mjwd.html[/URL]
        القران الكريم بصوت الشيخ عبد الباسط عبد الصمد

        [/B][/COLOR][/SIZE][CENTER][SIZE=6][COLOR=RoyalBlue][B]143[/B][/COLOR][/SIZE]
        [/CENTER]

        Comment


        • #5
          ممكن تشوف أكسنت مو 2001...او 2002
          لانسر 98
          ممكن تلاقى بجد لانوس 2000 او 2001 وتكون حالتها حلوة بالسعر اللى حدته....لكن انا عارف انه صعب عشان انا متأكد انك كرهت اللانوس
          :Y_hi_3[1]:
          [CENTER] [/CENTER]
          Eng. Fahmy

          Comment


          • #6
            فيات بونتو 2003 موفرة جدا جدا جدا فـال بنزين واداها مرضي جدا

            Comment


            • #7
              طب ألاقى عربيات من المقترحة دى فين ؟ و تكون ثقة ؟

              Comment


              • #8
                المشاركة الأصلية كتبت بواسطة smartghost911 مشاهدة المشاركة
                طب ألاقى عربيات من المقترحة دى فين ؟ و تكون ثقة ؟
                دور حواليك. متستعجلش في المستعمل خالص ز لو عجنتك عربيه هات اكتر من واحد يبصلك عليها و لو كلهم اجمعوا انها تمام خلص. ممكن تنزل سوق الجمعه و تاخد فكره في عاشر مدينة نصر. يوم الجمعه و الاحد و لو عجبتك حاجه موت برضه متعربنش. يعني متدفعش فلوس بس خد رقم السواق و بعدين روحله تاني يوم مع سمكري و ميكانيكي او سواق صاحبك و ميكانيكي بص و عاين و فاصل. بس طبعا تاخد نمرة كزا عربيه علشان لو واحده اتباعت تخلص في غيرها او لو معجبتكش واحده تلاقي غيرها. برضه المنتدى هنا بيعمل اعلانات سيارات و ممكن موقع مصراوي او كونتاكت كار او كار 100/100
                :policeman: الحل السحري للتخلص من الازمة المرورية [URL]http://www.nilemotors.net/Nile/120871-a.html[/URL]

                Comment

                Working...
                X