سيارات الحوادث

[grnada]

ايه رأيكم يا رجاله في شراء سيارات الحوادث يعني فيه ناس بتشتري سيارات الحوادث و تعيد إصلاحها
و تبيعها بسعر منخفض
ايه رايكم في الموضوع ده ؟؟؟

[A7MED_PHARMA]

يعني إنت عاوز عربية حوادث ..تظبطها وتركبها
ولا تتاجر فيهم؟؟؟

[2faster]

متاااااااااااابع
وبالنسبة للاسعار حتبقي كام؟؟؟؟؟؟؟

[moon47777]

اخي الكريم
من واقع خبرتي في مجال السيارات الموضوع ده حلو جدا جدا سواء للتجارة او الاستعمال
بس واه من بس دي

مش اي حد يعرف السكه دي وكمان ليها ناسها اللي قاعدين للساقطه واللاقطه زي ما بيقولو يعني ايه

انت عشان تاخد عربيه حادثه احسن سكه تاخدها عن طريق شركات التامين يعني يكون ليك معرفه في شركة تامين محترمه وهياخد طبعا منك عموله على كل عربيه مبلغ وقدره وهو بيجيبلك العربيات اللي رفض التامين انو يغطيها ويديلك نمرة صاحبها اللي يعيني هيكون في ورطه كبيره عشان التأمين رفض الاصلاح وهو دافع تمنها مبلغ وقدره التجار بقى وعماليلهم بيستغلو الموقف ده ويعرضو على الغلبان صاحب العربيه مبلغ برخص التراب بعد ما يقنعوه انها مش هاتجيب اكتر من كده لو اتنطط وطبعا صاحبنا هايفكر كتير وفي الاخر يوافق

هما بقى (التجار يعني) ياخدو العربيه دي برخص التراب ويصرفوا عليها كم الف وكلها قطع غيار استيراد طبعا وليهم سكتهم في نوضوع الاستيراد ده وبعد ما العروسه تقف على رجليها ينزلو ع السوق وكلمتين حلوين على كم حلفان ان العربيه دي بحالة الزيرو ومافهاش الهوى لحد ما يبيعو والمكاسب بالهبل

انا شخصيا اعرف واحد اشترى عربيه موديل 2009 تمنها جديد ب 137 الف خدها ب 40 الف وصرف عليها 15 الف وجالو فيها 80 الف ومش راضي يبيع

سبحان الله

[TheBuccaneer]

اخي الكريم
من واقع خبرتي في مجال السيارات الموضوع ده حلو جدا جدا سواء للتجارة او الاستعمال
بس واه من بس دي

مش اي حد يعرف السكه دي وكمان ليها ناسها اللي قاعدين للساقطه واللاقطه زي ما بيقولو يعني ايه

انت عشان تاخد عربيه حادثه احسن سكه تاخدها عن طريق شركات التامين يعني يكون ليك معرفه في شركة تامين محترمه وهياخد طبعا منك عموله على كل عربيه مبلغ وقدره وهو بيجيبلك العربيات اللي رفض التامين انو يغطيها ويديلك نمرة صاحبها اللي يعيني هيكون في ورطه كبيره عشان التأمين رفض الاصلاح وهو دافع تمنها مبلغ وقدره التجار بقى وعماليلهم بيستغلو الموقف ده ويعرضو على الغلبان صاحب العربيه مبلغ برخص التراب بعد ما يقنعوه انها مش هاتجيب اكتر من كده لو اتنطط وطبعا صاحبنا هايفكر كتير وفي الاخر يوافق

هما بقى (التجار يعني) ياخدو العربيه دي برخص التراب ويصرفوا عليها كم الف وكلها قطع غيار استيراد طبعا وليهم سكتهم في نوضوع الاستيراد ده وبعد ما العروسه تقف على رجليها ينزلو ع السوق وكلمتين حلوين على كم حلفان ان العربيه دي بحالة الزيرو ومافهاش الهوى لحد ما يبيعو والمكاسب بالهبل

انا شخصيا اعرف واحد اشترى عربيه موديل 2009 تمنها جديد ب 137 الف خدها ب 40 الف وصرف عليها 15 الف وجالو فيها 80 الف ومش راضي يبيع

سبحان الله

جزاك الله خيرا, أنت معايا فى تأكيد وجهة نظرى فى سوق السيارات وفى الأسعار و فى السيارات الموجودة بسوق السيارات الله لا يكسبهم التجار و قفوا حال السيارات النظيفة بسبب أسعاره الميته.

[Ahmed206]

عزيزي granda
انا مستعد معاك للمشاركة
و شكرا

[x100]

من وجهة نظرى وعن تجربة
عمر عبيات الحوادث ما تكون عربية طبيعية ابدا علشان العربيات مقاستها بتبقى بالملى واى اختلاف هيأثر على العربية واستهلاكها فى قطع الغيار

انا اعرف واحد صاحبى اشترى جولف 2004 وكل شهرين يغير كبالن
لحد موداها التوكيل قالولو ان العربية مغيرة ربع ومش راكب صح بفرق اقل من 1 سم من ناحية 1.75 من ناحية تانية ودة بأثر على وضعية الكبلن ودة سبب تاكلة بسرعه