نوبل ( الكتكوتة ) الحل الأمثل للشباب

[deyaaeldeen]

سيارة نوبل كتكوتة , النسخة الأصلية من السيارة سمارت الألمانية ,حجم مناسب لشوارع مصر ,صالون كبير ,جميع الكماليات ,سقف بانوراما زجاجي ,عزل حراري لزجاج السيارة بالكامل ,جنوط 15 ,موديل 2008 ,43000 كيلو , صيانة دورية بالتوكيل , حالة ممتازة كالزيرو ولا يوجد بها خدش واحد , أستعمال راقي جدا من الرحاب الي المطار يوميا"
م / ضياء الدين 0101402638

[3ateef]

ممكن صور ليها ؟؟؟!!!

[deyaaeldeen]

أخي عاطف ,حاولت احطلها صور بس الظاهر ان حجمها كبير شوية ,لو عاوز تشوفها راسلني علي ميلي eldeendeyaa@yahoo.com

[mxz911]

النسخة الأصلية من السيارة سمارت الألمانية

,صالون كبير

اعتقد دول مش صح !!!؟؟؟

[deyaaeldeen]

شوفها الأول وأحكم بعد كدة ,صالونها زي الفيرنا بالظبط

اعتقد دول مش صح !!!؟؟؟

[deyaaeldeen]

انا كنت حموت واشترى السمارت علشان حجمها فبلدنا ولكن أصحابي في توكيل مرسيدس حذروني من تهرب التوكيل من صيانتها ولما نزلت عينة النوبل بالمعرض ( البروتوتايب ) اللي المفروض يتحجز علي شكلها بعد كدة ,صممت اشتريها وفعلا جبتها ومبسوط بيها جدا ,بس مشكلتي اني لازم اغير عربية كل سنة او سنتين علي الاكثر

[crazylambada]

طب معلش حضرتك ممكن تقولي ايه عيوبها و ايه مزاياها و نظام قطع الغيار بتاعها و كده و الصيانات

[AMA]

أيوة طيب عشان الموضوع يكمل و الأستفسارات تتحل
ليه لازم تغير عربية كل سنه أو أتنين ؟
صور منها شكلها عامل أزاى ؟
السعر كام و دا أهم نقطة فى الموضوع

[mxz911]

شوفها الأول وأحكم بعد كدة ,صالونها زي الفيرنا بالظبط

صالون النوبل زى الفيرنا ؟

انا مش عارف ارد بصراحه اقول ايه

عموما الناس اللى كانت عاوزه صور لشكل النوبل اللى صالونها اد ا لفيرنا .. اهى الصور :






وده لينك مليان صور !

http://cn.autoblog.com/photos/shuanghuan-little-noble/

[deyaaeldeen]

عزيزي mxz , لا أعرف لماذا هذا العنف فالرد ,بالرغم من أن هذا المنتدي للنقاش الحر البسيط , من الواضح أنك لم تري هذة السيارة علي الواقع أبدا" , وأنت تحكم عليها فقط من الصور , وبالرغم من ذلك فأحب ان اوضح لك بأن البودي الذي تراة الأن في صورة السيارة كلة من الداخل صالون لأن السيارة لا يوجد بها شنطة زللعلم أنا املك هذة السيارة وأقول ما أراة وأعرفة عنها وليس ما أسمعة عنها ,وللعلم أيضا" أنا مهندس ميكانيكا منذ 15 عام .
وردا علي السيد كريزي لمبادا وama , فأن السيارة تتمتع بمحرك قوي سوزوكي 1100 ,وقدرة حوالي 70 حصان ,يعني زي موتور الأبيزا والبولو والبونتو والكورسا ,أستهلاك بنزين 350 كيلو فالصفيحة ,ثابتة عالأرض لقصر شاسيها وبها جميع الكماليات , والعيب الكبير اللي فيها هو عفشتها الرياضية مزودنيها حبتين يعني مش حتعرف تنام فيها كويس من الأهتزاز وأيضا الوكيل الغبي وليد توفيق الذي ضيع من يدة توكيل كيا من قبل بسبب قلة خبرتة الأدارية في أحتواء هذة الأعمال , أما لقطع الغيار فموجودة بالمركز وأسعارها معقولة ومعمرة جدا والشباب والمهندسين والفنيين هناك مثل العائلة الواحدة ,وزي الفل وكلهم حبايبي واصحابي

[deyaaeldeen]

انا بحب اغير عربيتي علشان مزهش منها واجرب كل جديد وكل الموديلات ودي هوايتي من زمان قوي , وسعر النوبل هو 51500 وللعلم عزل الزجاج الحراري فقط تكلفتة 2850جنيةوبيفرق قوي في رفع كفاءة التكييف وتقليل أستهلاك البنزين

[aliabutaleb]

مش النوبل دي اللي وكيلها وليد توفيق؟
فيه أكتر من موضوع عنها في أرشيف المنتدى
اللي مهتم بيها ياريت يراجع المواضيع دي الأول بالبحث عنها

[Hegazio]

و الله ماشي حالها .. بس المهم يبقي وكيلها محترم

[mxz911]

عزيزي mxz , لا أعرف لماذا هذا العنف فالرد ,بالرغم من أن هذا المنتدي للنقاش الحر البسيط , من الواضح أنك لم تري هذة السيارة علي الواقع أبدا" , وأنت تحكم عليها فقط من الصور , وبالرغم من ذلك فأحب ان اوضح لك بأن البودي الذي تراة الأن في صورة السيارة كلة من الداخل صالون لأن السيارة لا يوجد بها شنطة زللعلم أنا املك هذة السيارة وأقول ما أراة وأعرفة عنها وليس ما أسمعة عنها ,وللعلم أيضا" أنا مهندس ميكانيكا منذ 15 عام

لا اقصد عنف فى ردى انا شوفت العربيه على ارض الواقع وعارفها كويس والله ...

عموما ربنا يكرمك يا باشا ومتزعلش منى

[deyaaeldeen]

الأخ الفاضل mxz911 ,شكرا علي ذوقك وأدبك وأحترامك لمشاعر الأخريين , وأتمني أن تكون بداية تعارف جيدة بيننا