بيجو405فرنسى نادرة جداً جداً

[mazdawy]

الماركة :- بيجو 405مواصفات خليجى .
موديل 1993 واردة من الدوحة -قطر مع مالكها البائع ما ممشيتش فى قطر .( أخى ).
الموتور 1600سى سى .
اللون : أحمر مارون كما هو مدون بالفاتورة .(موجود الفاتورة والكتالوج ).
حالة الدهان والصالون والكاوتش البطارية والموتور حالة الزيرو لم ترش برة أو جوة سوى مساحة 20سم2 فى الرفرف اليمين ورا بسبب حكة بسيطة !
الاستبن نزل العام الماضى فقط لتغييره بفردة جديدة .
عدد الكيلومترات أقل من 65ألف كم ( خمسة وستون ).
كل الصيانات بالتوكيل والكبالن والكاوتش بتتغير عند نهاية عمرها الافتراضى وليس عند تعطلها .
الكماليات : تكييف وباور فقط والكاسيت الاصلى. موتور كارباتير .
سبب البيع أنه اشترى العام الماضى بي ام دبليو اكس 3 ومش محتاج البيجو .
السعر النهائى 48500جم.بدون تفاوض وبناء على طلب مالك السيارة حيث قدرها له صديق مهندس فى وجيه أباظة وليس تقدير عشوائى. لأن السيار بجد تحفة والبائع يعمل بالخارج مابين الخليج وألمانيا مهندس ومدير اقليمى لشركة مقاولات كبرى بمعنى أنه لم يكن يستعمل السيارة سوى شهر فى السنة .
السيارة بجد تحفة بالنسبة لموديل93 وكأنها موديل 2008على الأقل.
مكان المعاينة مدينة 6أكتوبر بجراج فيلا البائع .
وعلى فكرة هو اليومين دول بييجى مصر أسبوع كل شهرين وهو موجود حتى الجمعه القادم باذن الله 7مايو2010.
طريقة التواصل على المنتدى وبرجاء ترك التليفون للجادين وبرجاء امتناع السادة الوسطاء تماما مع كامل الشكر والتقدير للجميع .و لو حصل وهو سافر قبل البيع أنا معايا توكيل عام منه بالتصرف بالبيع .
وعلى فكرة أنا كنت اتمنى اشتريها أياً كان السعر لكن لو باعها لحد من اخواته أو أقاربة الباقيين هايزعلوا بسبب حلاوة العربية واستعمالها الراقى .
وألف شكر لكل أعضاء وزوار منتدانا الجميل.

[mahmoudselim]

ممكن صور للعربية؟
وهل هي مانيوال ولا اوتو؟

[mmffor]

if it can be sold for 45000 i can go to check it

[mazdawy]

العربية مانيوال وبالنسبة للصور أنا آسف لأن العربية فى اكتوبر عند أخى وأنا فى وسط القاهرة .علاوة على أنى لاأعرف كيفية رفع الصور .وعامة العربية بحالة الزيرو تقريباً وبدون مبالغة .

[mazdawy]

if it can be sold for 45000 i can go to check it

شكراً على مشاركتك بس السعر نهائى ومحدده مالك السيارة .

[tamertamer]

انا مش من قلى بيدخلو يتكلم فى السعر لكن بدون مبلغة دة سعر خيالى جدا جدا جدا جدا جدا
العربية دية بتعمل فى السوق حاليا سكة ما بين 32 الى 35 طيب جميل وكمان موديل اعلى طيب جميل كمان انت طالب 48500 طيب جميل ازود على الحالة 5000 6000 لكن مذوتش 15 الف تقريبا وخلى بالك ان العربية مع الاستخدام ومن الركنة هتبوظ حجات كتير مع الاسف ودة حصل معاية قبل كدة ومش اى حد قال سعر يبقا هو دة السعر الحقيقى للسيارة وهو بيثمنها على اى مقياس الا يعلم ان هناك اهلاك السنين والموديل دول لوحدهم ينزل ثمن العربية فرق موديل 93 حتى 2010 يعنى 18 سنة ارجو مرجعة السعر لانة انا بعتبرة خرافى جدا دا حنا شفنا وحدة خليجى كانت مشى 100 الف كيلو وخليجى متور 1800 حاجة جمدة جدا كان طالب 40 الف نهائى على العموم كل واحد حر فى حجتة دة صحيح لكنى حر فى ابداء رئى فى الموضوع على اساس انك تضع الموضوع فى المنتدة واسف للاطالة ولاكنى لن اجيب عن اى مشركات اخرى اعتبر هذة المشركة من واحد معاة مجستير فى التسويق والتقيم وموفق فى البيع

[ahmdmagdy]

سعرها غير مناسب اطلاقا بالنسبه لموديلها مع وجود بدائل كتير للبيجو

[abadawy]

هل يصبح الحلم حقيقه

[mexmarine]

موديل 93 بـ 48500

[m_gewelly]

السعر عالى مع وجود بدائل اخرى بالسعر ده احسن منها بكتيررررررررررررررررررررررررررررررررر وبعدين هيا مش تحفه يعنى خليك فى المعقول سعرها 35000 لما تزود تبقى 38000

[mxz911]

كان نفسى ارد من زمان .. بس الاعضاء بصراحه قالو كل حاجه عاوز اقولها ...

راجع الدنيا من حواليك يا mazdawy واعرف ان احنا سنه 2010 !!

[mazdawy]

ياجماعة أنا مش مالك السيارة زى ما شرحت فى بداية موضوعى .وأنا عن نفسى بلاقى أسعار مبالغ فيها جداً لكل الاعلانات عن السيارات على مواقع البيع والشراء لأنلى بقالى 6شهور بادور على عربية للمدام فهل يعقل ان التويوتا العيون 98 يتطلب فيها 55500جم والكرستالة 98 57000جم والفيرنا اللى كانت مش مرغوبة لحد شهرين فاتوا مو2004 ب50000جم .
و يبدو أن من قام بتسعير السيارة البيجو موضوع الاعلان لصاحبها اللى هو أخى قال يركب موجة النت وأنا ماليش ذنب وبلغت رسالة الناس وهو عموماً صاحب العربية سافر من اسبوعين ومش راجع الا شهر 7 باذن الله .فما تزعقوليش أنا عشان أنا اللى قالووووله السعر ده مش أنا اللى طلبته
بالمناسبة أنا من هواة السيارات الكبيرة القديمة الحديد الفارهة بتاعة الثمانينات و النهاردة لقيت اعلان فى موقع عن هوندا أكورد 89 لاحظ السنة وان حتى الموديل ده شبه مالوش قطع غيار اتصلت بصاحبها أعرف السعر لانه مش كاتبه قال لى مطلوب 60000جم ستين ألف أيوة ،قلتله شكراً يا باشا وقفلت السكة وأنا أحيل هؤلاء على ردودكم وبالذات أننا كما قال الزميل وبحق فى 2010 وشكراً لكل من شارك فى الموضوع وأن هابلغ صاحب العربية البيجو يطلع على ردودكم ويحتفظ بالسيارة لو هى تعز عليه .
بالمناسبة لو فيه حد من الزملاء لديه سيارة فى حدود 40:45 ألف جم و موديل يراعى اننا فى 2010 يقولى عليها وله الشكر بشرط الحالة الممتازة .