ارجو افادتي من اهل الخبرة

[sansan]

[B]اولا السلام عليكم كل اخواتنا في المنتدي انا اخوكم احمد من الصعيد من نجع حمادي معايا عربية فيات 131 بصراحة هي عربية اصيلة جدا العربية موديل 77 عرليها موتور في الثمانينات 1600 سي سي انا بيني وبين القاهرة حوالي 500 كيلو وشوية انا متزوج من القاهرو وبسافر كل ثلاث شهور مرة سافرت بالعربية مرتين قبل كده بس الحمد لله العربية مشيت تمام التمام بس الموتور بيبخر شوية وكلهم قاله دي عايزة شنبر للمتوتور العربية لما ربنا يكرمها وتشد اخرها خالص سرعة 110 كيلو متر ومفيش اي سرعة عن كده تاني وهي محتاجة طبعا الشنبر ودوكو وشوية سمكرة يعني تكلف كله علي بعضه حوالي 2000 جنيه وتكون مية مية انا بصراحة في واحد عندي عايز يبادلني بعربية مازدا 323 وانا اعرف اني المازدا ناعمة لكونها ياباني بس بصراحة خايف من قطع الغيار بتاعتها وخايف برضة من بيعها علشان انا اعرف انها بيعها ثقيل شوية لو حبيت اغير العربية ولو رجعنا للفيات هيا موديل 77 وانا علشان اغير واجيب حديث شوية قدامي ما يقلش عن اربع او خمس سنوات هيكون الموديل بتاعها مات خالص ومش هتجيب فلوس والمازدا طبعا في الثمانينات فما راي اخواني اغير بالمازدا علشان السفر والمازدا في السفر احسن من الفيات ولا اظبط الفيات واخليها لحد اما ابيعها خالص للحديث وربنا يسترها في بيعها ولا اعمل ايه انا بصراحة حاسس اني المازدا في السفر افضل فهل في احد من اخواني جرب الاثنين في مسافات طويلة يفيدني اعمل ايه بصراحة انا محتار خالص وارجو منكم الافادة واسف للتطويل عليكم والسلام عليكم اخوكم احمد الخطيب

[hugan]

ومين قال ان 31 ما تسا فرش العربيه من العربيات المحبوبه جدا في مصر وليها سمعه طيبه طالما مش ها تغير قبل 4 او 5 سنين يبقي اصرف علي الغربيه وظبطهاومش مكلفه الموضوع زي ما قولت 2000 جنيه انما المازدا عربيه معقوله ويا باني لكن في رائيي ال 31 افضل من المازدا قطع غيارها متوفره جدا رخيصه نجاحها كتاكسي علي مدي 35 سنه وتصنف بعد البيجو 504 مباشره ايام ماكان الا تنين مطلوبين في السوق المصري اعاده البيع بعد 4او5 سنين الاتنين يتساوي لان المازدا 323 قديمه اخرها تقريبا 84 مهياش عربيه حديثه اللي ها يكون علي ال31 ها يكون علي المازدا وبعدين ال31 ارتفاعها عالي عن الارض في مطبات مصر المحروسه الاستخدام العا ئلي طبعا افضل 31 وطبعا في الاخير لك حريه الاختيار

[ahmdmagdy]

طبعا تظبط 131 و تسيبك من المازدا

[ahmedelzeeny]

ال 131 اليومين دول زاد الطلب عليها بعد ال504 ما رخصت بسبب الضريبه فكل اللى بيدور على عربيه تستحمل تبقى ال 131 وهى عربيه قويه ومتقلقش ال131 مارحتش عليها ولا حاجه وتستحمل السفر بس زبط الماتور ولو مش عاوز تصرف عليها ممكن تغيرها ب 131 سوبر تكون تمانينات خمسه غيار ده لو مدايقك انها مو 77

[Ahmed Galal]

ال 131 جميلة و اصرف عليها احسن

[sansan]

بارك الله في كل من اسدي الي النصيحة بس معلش استحملوني شوية انا بصراحة معروضة عليا اليومين دول عربية بيجو 106 هاتش باك موديل 1994 فرايكم ايه وهل في احد كانت معاه العربية دي ولا ايه

[Ahmed Galal]

بارك الله في كل من اسدي الي النصيحة بس معلش استحملوني شوية انا بصراحة معروضة عليا اليومين دول عربية بيجو 106 هاتش باك موديل 1994 فرايكم ايه وهل في احد كانت معاه العربية دي ولا ايه

هيا عربية نادرة شوية فاكيد لو احتجت ليها حاجة هاتتعبك فبلاش منها احسن