ادوني رايكم فعربية قسط

[ayman_hamouda]

السلام عليكم
الشركة عندناواخدة عرض كويس عالعربيات بدون مقدم وبفايدة قليلة اوي انا معايا عربية تانية قديمة شوية بس قاضية المطلوب منها معايا ومش عايز غيرها دلوقتي لوجود التزامات كتير علية.هل ممكن اسحب عربية الانترا قسط وااجرها لشركة سياحة او بترول وتسدد نفسها؟ وهل موضوع التاجير ده سهل انك تلاقيه ولا صعب؟؟؟ ولا اايه رايكم انصحوني جزاكم الله خيرا

[postagy]

السلام عليكم
اولا موضوع الايجار مش سهل لكن مش مستحيل
ثانيا انا راى ان حضرتك تدور الاول على عقد ايجار يكون مدته طويله شويه وفى شركه بترول او ادويه زى محضرتك قلت وبعدين تبقى تخلص فى العربيه وتسد نفسها
والله الموفق

[Abdm]

علشان تعرف تأجر عربية كويس لازم تكون فول أوبشنز وأثنين أيرباجز وجميع الكماليات علشان تلاقى فرصة أيجار كويسة فى مكان كويس وموضوع الآيجار دة عايز تكتب عقد مشفى كامل من مجميعة يضمن لحضرتك الصيانة فى التوكيل ويكون مكان بقدر الآمكان العربية ما تستهلكش فية بسرعة يعنى مش كل يوم سفر ومش طول الوقت العربية تكون شغالة كأنها تاكسى أو ميكروباص يعنى لازم يكون مكان الآيجار يكون مكان محترم محترم محترم محترم محترم ونظيف ونظيف
علشان العربية ما تتبهدلش بسرعة ولما تلاقى مكان كويس قوى كدة أعمل معاهم عقد طويل الآمد بقدر الآمكان يعنى من سنتين الى ثلاث سنوات الى خمسة سنوات أو أكثر لو أمكن لكن مش أقل من كدة علشان العربية فى الآماكن المحترمة بتشترط أنها تكون زيرو يعنى لو شغلتها فى مكان مش محترم سنة مثلا ومجددش وبهدل العربية فى السنة دية أنت كدة هتشرب العربية فى باقى الآقساط لآن ما فيش مكان محترم هيرضى يأخذ عربية مستعملة . كل الآماكن المحترمة عايزة زيرو علشان كدة لما تلاقى مكان محترم حاول تعمل معاهم عقد طويل الآمد
والله الموفق والمستعان

[محمد بلال]

نصيحة واحد مجرب بلاشششششششششششششششششششش

[ayman_hamouda]

كلامكم صح بس طبيعي انك تبقي معاك العربية الاول وبعدين تدور ومش هيبقي سهل العكس فرايكم اسحبها وبعدين ادور وخصوصا ان الواحد بيشوف اعلانات كتير طالبة عربيات زيرو للايجار عالنت ولا لأ؟؟؟؟؟؟؟؟؟؟؟

[ayman_hamouda]

مشفتش ردك الا بعد مكتبت ليه بلاش قول لينا تجربتك

[ayman_hamouda]

ايه يا جماعه حد يدلني؟؟؟؟الوقت بيمر

[adhamsabry51]

نصيحه لوجه الله اوعي تاجر العربيه لشركه من واقع اللي انا بشوفه بيحصل في عربيات الأيجار هيعدي عليها سنه بس هتفتكر انك جايبها من 20 سنه و الله الكلام ده من واقع اللي انا شايفه

[د.محمود صلاح]

بلاش بسبب المشاكل المترتبة والتي انت في غنى عنها الآن

[ayman_hamouda]

شكرا لكل اللي شاركوا بالنصيحة انا صرفت نظر عن الموضوع

[elassar2010]

العربية هتتبهدل اخر بهدلة

[srm]

من الاخر العربيه بعد لما تيجى تستلمها مش هتبقى عربيه خاالص هتبقى كنبه

[mexmarine]

طالما مش محتاجها للشديد القوى بلاش لان المكاتب بيبهدلوها .. انا شغال فى شركة بترول و بتوصلنا احدث السيارات و مثلا لو السياره ملك المكتب بتسافر السفريات المريحه و لو بتاعة زبون زى ما بيقولوا بتسافر صحرا و مدقات و الزيت اللى بيتغير على 5000 بيتغير على 10000 و الخبطات بتتعالج فبركه و الله السواقين قالوا فضايح على اللى بيحصل و خوفونى انى اجيب حاجه كده ..مثلا عربيه اخدتنى فى يوم و كانت سيراتو 2010 هاى لاين من القاهره الى الجونه و من الجونه اخدتنى الى الاسكندريه و بعدين السواق هيرجع للقاهره تانى و قبلها بيوم كان فى رحله القاهره - مطروح - القاهره يعنى عامله لها فى يومين بس حوالى اكثر من 2000 كيلو .. و قالى لو فيه طلب تانى ياخدها سواق تانى فى الحال .. إفترا

[ayman_hamouda]

اه ه فعلا بس الفكرة بهدلة العربية ش هتفرق كتير لان العربية كده كده انا مش عايزها واو متخلص قسطها تتباع علي طول باي سعر وانا واخدها من غير مقدم فانا مش هاخسر فيها وطول اسنين اهي بتسدد تمنها