ايهما افضل ماروتي زيرو و لا دايو لانوس 1 مستعمل نضيفة

[motoxp]

انا عندى سيينا للبيع 1400 سى سى موديل 2001 فابريكة بالكامل ولا تحتاج مصاريف نهائى اعتقد انها افضل مليون مرة من الماروتى وزى اللانوس بالضبط لو ناوى فى الشراء كلمنى على الخاص وشكراا

م/محمد صلاح

[Mr.Lawyer]

فى فرق كبير بين العربيتين ، لان لانوس فئه و ماروتى فئه تانيه خالص

انا من وجهه رأيي ان اللانوس 1 حاله نضيفه احسن طبعا من الماروتى لانها فئه اعلى ، ولكن اللانوس تمتاز بمحرك تصميم جنرال موتورز وعمره طويل نسبيا ، عن الماروتى اللى ماتورها 800 سىسى ضعيف جدا ، يعنى فى التحميل ، او مثلا لو انت مسافر المصيف مع العائله ومعاك الشنط يبقى ربنا معاك ، وكمان الماروتى بدون اى كماليات ، ودى موجوده فى اللانوس زى التكييف والباور والزجاج الكهرباء ودول هيفدوك جدا ، خاصه انى مش هدفع اربعين الف فى تروسكيل على كبير مع احترامى طبعا لكل ملاك العربيه ، النقطه الوحيده التى تحسب للماروتى انها هتبقى زيرو ودى ميزه ولكن لو انت لقيت عربيه لانوس 1 حاجه نضيفه جدا يبقى دى افضل مليون مره من ماروتى زيرو وهتحس بفرق كبير جداااا ، بالنسبه لقطع الغيار والبنزين ودى مهما طبعا فاللانوس قطع غيارها متوفره ورخيصه وكمان مش حوت بنزين يعنى مش هتحس بفرق كبير ف الموضوع دا ، بس قدامه هتاخد اداء يفرق كتييييييير جدا عن الماروتى

طبعا القرار الاول والاخير ليك والمستعمل الشرط الحاله

تحياتى

[dr.hazem]

ميتقارنوش ببعض....
عموما بحب مبدا
قرد بصحته احسن من اسد عجوز...
تحياتي

Sent from my LT18i using Forum Runner

[mahmoudysf]

لانوس مستعملة

[ضى القمر]

هيه اللانوس بس خلى بالك كويس واكشف عليها اخسر 200 جنيه ومياكنيكى بش اضمن عربيه

[hugan]

فى فرق كبير بين العربيتين ، لان لانوس فئه و ماروتى فئه تانيه خالص

انا من وجهه رأيي ان اللانوس 1 حاله نضيفه احسن طبعا من الماروتى لانها فئه اعلى ، ولكن اللانوس تمتاز بمحرك تصميم جنرال موتورز وعمره طويل نسبيا ، عن الماروتى اللى ماتورها 800 سىسى ضعيف جدا ، يعنى فى التحميل ، او مثلا لو انت مسافر المصيف مع العائله ومعاك الشنط يبقى ربنا معاك ، وكمان الماروتى بدون اى كماليات ، ودى موجوده فى اللانوس زى التكييف والباور والزجاج الكهرباء ودول هيفدوك جدا ، خاصه انى مش هدفع اربعين الف فى تروسكيل على كبير مع احترامى طبعا لكل ملاك العربيه ، النقطه الوحيده التى تحسب للماروتى انها هتبقى زيرو ودى ميزه ولكن لو انت لقيت عربيه لانوس 1 حاجه نضيفه جدا يبقى دى افضل مليون مره من ماروتى زيرو وهتحس بفرق كبير جداااا ، بالنسبه لقطع الغيار والبنزين ودى مهما طبعا فاللانوس قطع غيارها متوفره ورخيصه وكمان مش حوت بنزين يعنى مش هتحس بفرق كبير ف الموضوع دا ، بس قدامه هتاخد اداء يفرق كتييييييير جدا عن الماروتى

طبعا القرار الاول والاخير ليك والمستعمل الشرط الحاله

تحياتى

+11111111111
كلام سليم جدا

[samyyousef]

ما تعانيه من حيرة عاناه الكثيرين قبلك و سيعانيه الكثير بعدك, و السبب في ذلك..هو عدم الامانة في بيع المستعمل
يعني اللانوس افضل طبعا ..لكن احتمالات أن يكون فيها عيب خفي تجعل الماروتي افضل...لذلك انصحك كما نصحك من قبلي تأكدت من حالة اللانوس و اسأل البائع عن العيوب الخفية و عما عسى الايكتشف في الكشف العادي
تحياتي

[Dr.Solom]

طبعا الاخوه جابو من الاخر ان مافيش مقارنه بين الاتنين
بس عايز ازود حاجه بسيطه
انت لو بتسافر كتير الماروتي هايكل منك بنزين اكتر من الانوس
وده عن تجربه
لأن ببساطه لو ماشي 120 بالاانوس فانت ماشي بسرعه معقوله والار بي ام هايكون بعد ال 3 بشويه
لكن الماروتي 120 انت كده جايب ال full capacity

Sent from my Sony Xperia™ Z smartphone

[تامر.محمد]

لانوس طبعا ,فيما عدا استهلاك البنزين مافيش مقارنة خالص بس دور على عربية حالتها كويسة

[hulkyehia]

اللهم صل على محمد وعلى آله وصحبه أجمعين
الجديد جديد

[YahiaAshraf]

الماروتى حاليا وصل سعرها ل 48 الف

انت بنفس التمن تعرف تجيب لانوس او فيرنا و انت مستريح على الاخر

[ahmedalaahosny]

الموضوع ده بقاله 3 سنين ده زمان الراجل اشترى وباع

[amrsameer]

ميتقارنوش ببعض....
عموما بحب مبدا
قرد بصحته احسن من اسد عجوز...
تحياتي

Sent from my LT18i using Forum Runner

فعلا والله

[إبراهيم المصرى]

اللانوس مفيش كلام لان الماروتى ممكن اوافقك لو عربية تانيه او تالته فى البيت لكن عربية اولى لا والف لا ومشتريهاش جديده وادفع فيها كل المبلغ ده ومش بقلل منها هى حلوه داخل المدينه يعنى مثلا من العباسيه للدقى او مدينة نصر للمهندسين فى الزحمة وعلى كوبرى اكتوبر مفيش فرق كبير بالعكس هى افضل فى الزحمه مع فرق التكييف لصالح اللانوس الماروتى مفيهاش ، فيبقى برضه اللانوس افضل وربنا يوفقك فى اللى فيه الصالح