الى اهل الخبره مطلوب تسعير عربيه للاهميه وجزاكم الله خير

[hanyalmasry]

السلام عاليكم

عاوز اعرف سعر عربيه كيا بريد هتش بك موديل 1996 فاضيه من غير كماليات تحتاج الى سمكره ودوكو من الخارج لاكن من الداخل زيرو اكنها جديده هى رشه بره فقط ولاكن دواخل كلها فبريكا هو مطلوب 25000

انا عاوز اعرف سعرها كام علشان انا خلاص زهقت من كتر التدوير وعاوز اخلص ياريت يجماع تقولولى رائيكم ايه فى العربيه دى والسعر كده كويس ولا ايه هى 1100سى سى ياريت الردود يجماع علشان انا عاوز اشترى العربيه بس خاسس انها غاليه شويه على المديل والدهان الخارجى فقط

[A7MED_PHARMA]

العربية دي حجمها صغنون أوي
ياريت تصرف نظر عنها ...وممكن تزود حاجة بسيطة وتجيب أكسنت أو إكسيل


أو تزود شويتين وتجيب دايوووووو

[nedved]

انا من راى الاستاذ احمد زود الفلوس شويه وانت هتلاقى اكسيل ولاكسيل عربيه ممتازه

[tarekmomo]

انا شايف ان العربية شبابى وسعرها معقول ولو عايز عربية كبيرة زود الفين وهات اكسيل

[ahmdmagdy]

سيادتك بتقول محتاجه شغل من بره المفروض تخلص علي 22 او 23 ألف و انا في رأي لو عاوز حاجه صغيره و كويسه دور علي اونو

[srm]

الصراحه انا مجربتش الكيا عصفوره قبل كده بس اسمع من كلام الناس انها عربيه كويسه وقطع غيارها متوفره بس المشكله ان موتورها ضعيف .........والمفروض السعر ده ينزل شويه لان العربيه محتاجه شغل

[mr_sameh]

بلاش تشتري عربيه وتشتغل فيها