تسعير بونتو 94

[nileeeeee]

السلام عليكم اعضاء المنتدى الكرام

انا نويت بأذن الله انى اشترى سيارة بونتو 94

العربية فابريكة جوة وتحتاج وش نظافة من برة وفيها 2 زجاج كهربا

ويها حتيتين صدا صغيرين فى السقف

باختصار فيها شغل يعنى

العربية دى تعمل كام ؟؟؟؟؟
أرجو الافادة

[MEDO84EG]

يا ريت حد يرد علي الاخ بس يكون فاهم مش اي رد و السلام انا عن نفسي معرفش بدقه علشان كده مش هفتي بس ربنا يوفقك

[DR.M]

without (ac ) around 26

[hanyalmasry]

انا كنت بدور على العربيه دى بس عرفت انها فيها مشاكل فى قطع الغيار غاليه ومش موجوده ميغركش انها فيات بس ده كلام كل الناس عنها واسئل بس انا لقيت حلات زيها كانت تخلص مستريح على 24000 وكانت حالته كويسه

[heshamzaky]

متابع باهتمام و ربنا يوفقك و اكتب كل حاجة لنستفيد و يا ريت الى معاة بونتو يفيدنا جميعا

[nileeeeee]

شكرا يا جماعة لكل الناس اللى اهتمت وردت عليا .
انا الناس اللى بشترى منهم العربية بيتكلموا فى 29000 ؟

[heshamzaky]

بص ادخل على www.contactcars.com ستأخذ فكرة عن الاسعار

[m000dy]

انا كنت بدور على العربيه دى بس عرفت انها فيها مشاكل فى قطع الغيار غاليه ومش موجوده ميغركش انها فيات بس ده كلام كل الناس عنها واسئل بس انا لقيت حلات زيها كانت تخلص مستريح على 24000 وكانت حالته كويسه

ياباشا مين قال كده العربيه حاجتها موجوده جديده عند الكيلانى واصلى ايطالى ومستعمله فى الوكاله والحرفيين وبورسعيد هاتلاقيها متقطعه وماليه الدنيا وقطع غيارها فيها حاجات بس اللى تعتبر غاليه ومقارنة بسعرها تقريبا هاتكون رخيصه جدا
اولا الاسطوانه والديسك عمرهم طويل قوى بيوصل اكتر من 3 سنين حاجه زى دراع النور ب 550 جنيه وعمره مابيتكسر لان دخلة العربيه عاليه جدا ده غير ان فى كمان مسافه كبيره يتحرك فيها الدركسيون وغالبا بيكون دايما فوق فمستحيل توصله بركبتك وانت داخل العربيه وبالتالى اهو بقاله عندى تقريبا 15 سنه ماتكسرش
العربيه دى ممتازه بمعنى الكلمه ونجاحها فى اوروبا ماجاش من فراغ وكفايه نجاح الموديلات اللى بعدها على صيتها واسمها
انا اللى باعلى البونتو اشترى عربيه جراند بونتو تانى من غير مايسأل عليها حد
العربيه واسعه
صاجها تقيل ومحمل
حمالة اسيه
تصميم شيك داخلى وخارجى وخامات جيده
اما بتتظبط بتبقى طياره واستهلاكها فى البنزين تحفه
انا راجع من القاهره للسويس على 120 - 140 وشغلت التكييف نص الطريق وعملت 5 لتر ونص بالفايظ اللى اتدلق بعد التفويله
كل المشكله انك تلاقى حد فاهم وبيعرف يشتغل فيها ومش هاتلاقى احسن من توكيلها القديم وهو عموما اسعاره كويسه وحنين واكتر واحد فى مصر بيفهم فيها لانه هو اللى نزلها زيرو وبيشتغل فيها من 15 سنه
البونتو قطع غيارها مشتركه مع التمبرا والتيبو والشاهين كمان فى حاجات كتير
بس الميزه ان البونتو اقلهم اعطالا عن شهادة ملاكها

[heshamzaky]

ياباشا مين قال كده العربيه حاجتها موجوده جديده عند الكيلانى واصلى ايطالى ومستعمله فى الوكاله والحرفيين وبورسعيد هاتلاقيها متقطعه وماليه الدنيا وقطع غيارها فيها حاجات بس اللى تعتبر غاليه ومقارنة بسعرها تقريبا هاتكون رخيصه جدا
اولا الاسطوانه والديسك عمرهم طويل قوى بيوصل اكتر من 3 سنين حاجه زى دراع النور ب 550 جنيه وعمره مابيتكسر لان دخلة العربيه عاليه جدا ده غير ان فى كمان مسافه كبيره يتحرك فيها الدركسيون وغالبا بيكون دايما فوق فمستحيل توصله بركبتك وانت داخل العربيه وبالتالى اهو بقاله عندى تقريبا 15 سنه ماتكسرش
العربيه دى ممتازه بمعنى الكلمه ونجاحها فى اوروبا ماجاش من فراغ وكفايه نجاح الموديلات اللى بعدها على صيتها واسمها
انا اللى باعلى البونتو اشترى عربيه جراند بونتو تانى من غير مايسأل عليها حد
العربيه واسعه
صاجها تقيل ومحمل
حمالة اسيه
تصميم شيك داخلى وخارجى وخامات جيده
اما بتتظبط بتبقى طياره واستهلاكها فى البنزين تحفه
انا راجع من القاهره للسويس على 120 - 140 وشغلت التكييف نص الطريق وعملت 5 لتر ونص بالفايظ اللى اتدلق بعد التفويله
كل المشكله انك تلاقى حد فاهم وبيعرف يشتغل فيها ومش هاتلاقى احسن من توكيلها القديم وهو عموما اسعاره كويسه وحنين واكتر واحد فى مصر بيفهم فيها لانه هو اللى نزلها زيرو وبيشتغل فيها من 15 سنه
البونتو قطع غيارها مشتركه مع التمبرا والتيبو والشاهين كمان فى حاجات كتير
بس الميزه ان البونتو اقلهم اعطالا عن شهادة ملاكها

ربنا يباركلك لو غيرت عربية المدام كان اختيارى الاول التيبو و الثانى بونتو ممكن صولر للعربية