اجيب جولف 3 ام دايهاتسو تريوس

[mamjob]

السلام عليكم اخوانى الاعزاء

انا بقالى شهر بدور على عربية كويسة

ادامى جولف 3 موديل 93 كامة مانيوال موتور 1800 سى سى مطلوب فيها 40 الف
وكمان ادامى دايهاتسو تريوس 4*4 كاملة مانيوال 1300 سى سى موديل 99 مطلوب فيها برده 40 الف


بصراحة انا محتار ومش عارف اجيب ايه

انا كان عندى جولف 1 1600 سى سى

يا ريت تساعدونى يا ترى اخد الجولف 3 ولا اخلص فى الدايهاتسو التريوس


معذرة لانى مش عارف اضع سؤالى فين بالظبط

[otefa]

طبعا ومن غير تفكير الجولف

[crazylambada]

الجولف طبعا بس تشيك عليها صح و ربنا يباركلك

[mostafa_aqsa]

جولف طبعا.
انا سوقت التريوس مش حلوة خالص .

[BAssAMAmR]

بص لو الجولف حالتها حلوة
يبقى طبعااااااااا الــجـــولـــف ومن غير تفكير

[srm]

اكيد الجولف وتوكل على الله كفايه انها الماااااااانى

[a7madramadan]

جولف و توكل على الله عموما الحاله و الراحة هي الي ليها الكلمة الأخيرة اركب الاتنين و الي ترتاحلها خودها

[AmatoALLAH]

الجولف اكيد طبعا احسن بس المهم ان حالتها تكون كويسه

[mexmarine]

شوف كده الجولف متسقط لها موتور .. اعتقد الاصليه 1400 سى سى و طبعا مفيش مقارنه بينها و بين التريوس الفاشله دى

[ahmedbasto]

اولا التريوس مش وحشة عن تجربة بس هو لو الراجل بيسافر قرى كتير ومدقات وقرف يبقى تريوس
لو غاوى جرى وبيسافر كتير على طرق سريعة وكدة يبقى جولف طبعا

[MemetO]

الجولف بلا منازع

[misoalex]

حضرتك ركبت جولف 1 1600 وعاوز تركب تريوس تريوس
لا وجه للمقارنه


انا مش بعيب فى التريوس بس دى ليها ناسها و انا بحبها بس انت حاطط وحش المانى ادام عصفوره يابانى

[ahmed55244]

جولف طبعا مفيش واجة مقارنة اصلا بين التنين

[behman]

يا راجل انت كنت راكب رابيت ..... تجيب تريوس قديمه .... التريوس هالجدسد2009/2010 فتيسها الاوتو بيبوظ بسرعه 50 الف كيلو بالكتير و عربيه تقيله و مابتجمعش و صالونها ضيق من الاخر عربيه خساره فيها فلوسها
هات الدبه يا معلم و في بينزل 1800 اصلي علي فكره ... بس اكيد كانت هاتكون ب 45 علي الاقل عشان المواصفات بتكون جامده جدا