حملة وبلاغ للنائب العام ضد "النصب " على المواطن في جمارك السيارا

[misoalex]

ببساطه اووووووووووى

اى مسؤول حيوافق على الكلام الى انتم بتقولوه

مش حيقعد ساعه واحده على الكرسى الى قاعد عليه

كفايه علينا نحلم ده لو عرفنا اصلا

[shaddadfalcon1]

انا كنت عامل موضوع شبه ده قبل كده وكنت بتكلم علي السرقه اللي في الترخيص برده
كان نفسي يخلو ال 2% علي الحاجات العاليه قوي ويبقي فعلا تتقاس بمستوي الرفاهيه مش ييجي في الأخر يتساول اللي معاه باسات ولا سي 180 باللي معاه لانوس

[nimo.mimo]

الدولة الجمهورية زى مصر مقسمة إلى ثلاث سلطات مستقلة لا تتعارض مع بعضها البعض
السلطة التشريعية , مجلس الشعب
السلطة التنفيذية , الحكومة
السلطة القضائية , القضاء

و السلطة التشريعية فى سبيلها لإيجاد موارد "شرعية" للإنفاق على الأجهزة المختلفة للدولة ققرت فرض العديد من نماذج الضرائب من ضمنها الجمارك على السيارات باعتبارها سلعة قليلة المرونة على الطلب بمعنى أن زيادة السعر فيها إلى حد معين لن يؤدى لعزوف المشترى عنها تماما مثل الضرائب على الإتصالات و السجائر مهما زاد السعر لن يتغير الإستهلاك.

لذلك يا أخى العزيز فإن النائب العام مسئول السلطة القضائية لن يحرم "شرعا" شرعته السلطة التشريعية مهما حدث

إنتهى...

[m_elsabah]

ببساطه اووووووووووى

اى مسؤول حيوافق على الكلام الى انتم بتقولوه

مش حيقعد ساعه واحده على الكرسى الى قاعد عليه

كفايه علينا نحلم ده لو عرفنا اصلا

كلام مظبوط مية في المية
ده نظام دولة وعشان يتغير لازم كل حاجه تتغير من الأساس
كده هنبقي بنشتكي لشخص واحد والشخص ده هو
القاضي والجلاد في نفس الوقت

[TransParancy]

يعني احنا لازم نغير القانون ؟
أو الدستور كمان ؟
إذا كان البرادعي مش قادر يعمل كدا :s
طب ايه السبيل دلوقتي نشتكي لمين يعني غير النائب العام
أنهي جهة نقدر نشتكيها .. أو حتى نرفع عليهم قضية

[ahmed55244]

احنا بندن فى مالطه ومحدش سامعنا
انتا تكلم وانا اتكلم والحكومة تعمل اللى هية عيزاة
دة بى اسمو احرية فى الري وديمقرطية هى دى مصر تاحيا مصر ويموت الشعب وتعيش الحكومة

[AMA]

يعني احنا لازم نغير القانون ؟
أو الدستور كمان ؟
إذا كان البرادعي مش قادر يعمل كدا :s
طب ايه السبيل دلوقتي نشتكي لمين يعني غير النائب العام
أنهي جهة نقدر نشتكيها .. أو حتى نرفع عليهم قضية

معلش يا جماعة بعيدا عن الموضوع شوية
هوا البرادعى دة أية فى مصر !!؟
مع أحترامى الكامل لعلمه و ربنا يوصلنا لربع ماتوصل له فى العلم و مع عدم تحيزى لأى بنى أدم من المرشحين لأنهم لا يصلحوا بصراحه لإدارة كشك سجاير لكن البرادعى مالوش أى سلطة فى مصر إلا سلطة الطحينه

[human]

انا معاكوا

[TransParancy]

مش قصتنا دلوقتي البرادعي :)
وعلى فكرة انا مش مقتنع بيه زيك بس مش ضده بردو
يعني هو الراجل بيقول كلام كويس جداً بس مجرد كلام لحد دلوقتي وأي حد يقدر يقول أحسن منه كمان

انا بس قصدي بالتشبيه إن واحد كان ليه منصب دولي كبير وكل العالم يعرفه مش عارف يغير القانون والدستور هنيجي احنا نغيره عشان يبطلو سرقة في العربيات :(

[AMA]

مش قصتنا دلوقتي البرادعي :)
وعلى فكرة انا مش مقتنع بيه زيك بس مش ضده بردو
يعني هو الراجل بيقول كلام كويس جداً بس مجرد كلام لحد دلوقتي وأي حد يقدر يقول أحسن منه كمان

انا بس قصدي بالتشبيه إن واحد كان ليه منصب دولي كبير وكل العالم يعرفه مش عارف يغير القانون والدستور هنيجي احنا نغيره عشان يبطلو سرقة في العربيات :(

معاك حق بس لازم ميبقاش عندنا الروح الأنهزاميه دى
مفيش دولة فى العالم أتقدمت و كانت روحها أنهزاميه لأ أنتقدوا نفسهم و شافوا هما بيعملوا أية غلط و هاجموا حكوماتهم و هاجموا نظامهم و كل حاجة كانت غلط لحد ماوصلوا دولتهم لحاجة مكانوش يحلموا بيها كل دة عشان كانوا عايزين يبقوا حاجة و من غير أى أنهزام أو أحباط على الأقل عشان الجيل إلى جاى بتاع عيالنا و أحفادنا ميدعوش علينا و نبقى عملنا لهم خطوة أيجابيه بدل ماحنا بنرجع كل جيل بـ100 خطوه لورا أهم حاجة الحماس و المكافحه عشان نبقى دولة كويسة زى إلى عدوا من جمبنا و أحنا لسه بنتفرج عليهم
لكن إلى أنهزم و أحبط نزل فى دول العالم التالت زينا كدة و شوف دلوقتى السودان و شوف الصومال و أفغانستان و باكستان كل دول عندهم خير أصلا ممكن يخليهم دول متقدمه جدا حتى فى أرضهم لكن للأسف الأنهزام و الأحباط يخلى دول كتير الخير فيها زينا كدة تبقى دولة عالم تالت

[maged]

مش قصتنا دلوقتي البرادعي :)
وعلى فكرة انا مش مقتنع بيه زيك بس مش ضده بردو
يعني هو الراجل بيقول كلام كويس جداً بس مجرد كلام لحد دلوقتي وأي حد يقدر يقول أحسن منه كمان

انا بس قصدي بالتشبيه إن واحد كان ليه منصب دولي كبير وكل العالم يعرفه مش عارف يغير القانون والدستور هنيجي احنا نغيره عشان يبطلو سرقة في العربيات :(

البرادعى اكيد ميقدرش يعمل حاجه
انما الشعب المصرى كله ممكن

[behman]

ياريت نقدر نعمل حاجه .... مع ان ده صعب جدا بس المحاوله لوحدها ايجابيه
وفي نقطه مهمه جدا لو حد يعرف يعرفني تفاصيلها ايه ؟؟
هو ليه الجمارك عاليه اوي كده ... يعني ايه السبب او المبرر بتاع الحراميه دول ؟؟

[AMA]

ياريت نقدر نعمل حاجه .... مع ان ده صعب جدا بس المحاوله لوحدها ايجابيه
وفي نقطه مهمه جدا لو حد يعرف يعرفني تفاصيلها ايه ؟؟
هو ليه الجمارك عاليه اوي كده ... يعني ايه السبب او المبرر بتاع الحراميه دول ؟؟

مفيش أى سبب غير البلطجة و سرقة الشعب

[nimo.mimo]

طب ايه السبيل دلوقتي نشتكي لمين يعني غير النائب العام
أنهي جهة نقدر نشتكيها .. أو حتى نرفع عليهم قضية

الحل بسيط جدا:

1- حضرتك تذهب لمكتب عضو مجلس الشعب الذى ينوب عن أهل دائرتكم الموقرة فى المجلس الموقر
2- تقدم طلب للعضو الموقر موضح به رغبة سيادتكم بطرح مشروع تعديل قانونى الجمارك (بيانات القانون) و ضريبة المبيعات.
3- تقدم الصيغة القانونية المقترحة للمشروع الجديد و الهيكل الضريبى الجديد للجمارك.
4- يقوم العضو الموقر بإيداع طلب سيادتكم بلجنة المقترحات بمجلس الشعب.
5- تقيم لجنة المقترحات , و هى مشكلة من نخبة من أعضاء مجلس الشعب , أهمية القانون و تضع الجدول الزمنى لعرض المشروع على مجلس الشعب. و هنا يأتى دور عضو مجلس الشعب بعمل تكتل , لوبى , من أعضاء مجلس الشعب لتشكيل أغلبية كافية لدعم مشروع القانون بأغلبية الأعضاء بالترغيب بحب أبناء الدائرة تارة و الترهيب من رد فعلهم تارة أخرى .
6- بعد مناقشته فى مجلس الشعب و وضع الصيغة , يتم تحويله لمجلس الشورى للمشورة
7- بعد موافقة مجلس الشورى و إعداد القانون يعاد إلى مجلس الشعب
8- تكرر الخطوات 6 و 7 إلى أن يتم تنقيح القانون
9- يعرض على مجلس الشعب للموافقة.
10- يعتمد القانون و ينشر بالجريدة الرسمية للعمل به.

تقدر دلوقتى تنزل تشترى العربية بالسعر الجديد.

[MEDO84EG]

حتي و لو كانت هناك عقبات كتير مش مهم احنا نشتغل و نجتهد و نؤدي و حتي لو حتاخد 10 سنين مش مهم يبقي اسمنا عملنا شيء ايجابي
يا جماعه لو في محاميين هنا يا ريت يقولولنا علي الخطوات القانونيه
صدقوني احنا الاقوي لكن لو كلمتنا واحده
فيها ايه و ايه اللي هيسكتنا
حتي لو الموضوع موضوع مجلس الشعب
سهله
نوزع نفسنا و كل في مكانه يقدموا مجموعه مجموعه الي كل دائره و الي كل نائب علي الاقل هنوصل الي 50% من النواب و لو وصلوها مجلس الشعب و منهم اللي هيوافق و منهم لا و ال 50 % التانيين اكيد منهم ناس هتوافق
و طبعا النواب ممكن يوافقوا علشان ده شيء هيبانو بيه كانهم وطنيين و كويسين و خايفين علي اهل بلدهم