استفسار ارجو الرد

[cool7555]

معروض عليا عربيه نيفا 1983 ايه رائيكم في العربيه دي
بصراحه صاحبها شكله كويس اول ما كلمته وسألته عن حالتها قالي فيها كارونه وقالي انا هاشيل تمنها من المطلوب و المطلوب فيها قبل الكارونه 13000 انا شوفت العربيه شكلها من بره تمام اوي يعني مفيهاش خربوش لكن السؤال هنا
هل موضوع الكارونه ده سهل نلاقيه ولو هنزل تمن الكارونه انزل كام ؟
في العموم ايه رئيكم في العربيه (النيفا يعني) و سعرها كمان ؟؟ ارجو الرد عشان دي اول مره اجيب عربيه اساسا واخد بالي من ايه تاني انا لسه مفحصتش العربيه خالص كل دا كان كلام تيليفون لكن العربيه في الشارع انا شوفتها افيدوني افادكم الله؟؟؟

[M.Al-Hefnawy]

فكّر في 128 أفضل وخصوصا إنك لسه أول مرة تسوق عربية...

[cool7555]

بس دي اللي قدامي دلوقت نفس حد يؤد عليا في العربيه دي

[mexmarine]

بص يا باشا , العربيه دى لو حالتها كويسه يبقى لا 28 و لا اى عربيه فى الفئه السعريه دى هتبقى احسن منها ,, العربيه دى انا ركبتها 3 سنين .. حديد بمعنى الكلمه العفشه حديد و لو موتورها كويس هتريحك قوى و حاجتها كتير قوى قوى و اعتقد انه من السهل تلاقى الكورونا بس شوف السعر عند كذا واحد لانى مش عارف السعر بتاعها .. اى حاجه فيها مش غاليه و كويسه و بتعيش و عيبها انها بتسخن بسرعه و ده ممكن تعوضه بمروحه 8 ريشه بدل السته ريشه اللى فيها او تغير الردياتير باكبر (بعد استشارة ميكانيكى) لان صاحبها ممكن يكون مغير الحاجات دى , أى ميكانيكى بيفهم فيها على فكره ..
شوف اهم حاجه ورقها يكون سليم و ترفعها تشوف اخبارها من تحت ( الارضيه و الصاج و البارومه)و يستحسن تاخد معاك سمكرى للكشف على البدن و لا تتهاون و بلاش منها لو الموتور خفيف علشان هتتعب مع الميكانيكيه و هيصطادوك .. و اى استفسار انا تحت امرك
انا اشتريت واحد منتهيه لكن كانت الماكينه ممتازه و بنيتها ب3000 جنيه (سمكره و بويه)و جيبت لها جنوط لاند روفر و اكصدام و ستاند للإستبن بحوالى 2500 جنيه و ركبتها 3 سنين و بيعتها و مخسرتش فيها ولا صاغ ..

[abobelal]

النيفا حلوه بس لو عندك اسره هايضيقك عشان هى 2باب بس هى حلوه وحاجتها كتير وثمنها حلو لو مافيهاش حاجه غير الكارونه زى ما بتقول واحسن حاجه فيها انها مرفوعه عن الارض عشان المطبات فى مصر (ناطحات سحاب )مش مطبات

[cool7555]

مشكور اخي الكريم علي التوضيح