تسعيرلانسر كريستاله موديل 98

[meteosat101]

السلام عليكم أعضاء المنتدى
مطلوب تسعير لانسر كريستاله موديل 98 :
موتور 1600 cc
فابريكه جوه ورشه جنبين بره
طقم جنوط سبور وتغيير عفشه بااكامل

الحاله المبدأيه جيده بس انا عايز اروح بيها التوكيل فهل ممكن التوكيل يفيدنى فى موديل 98 ولا دا بره التوكيل خلاص بحيث اعرف العداد بالظبط عامل كام من غير لعب وايه تانى خبايا فى العربيه

[kar!m]

الموتور ال1600 ده بتاعها ولا متسقط لها؟

[meteosat101]

مش عارف :) ليه هوا مفيش 1300 فيها ولا ايه

اسف بس بجد مش فاكر هوا الموتور ايه بس انا بتكلم على اساس انها ذى البوما ياريت لو توضحلى الموضوع دا ضررورى

[Memo_Lancer]

الموتور عادي او متسقط
و مفيش مشاكل من التسقيط
بس التوكيل مش بيشتغل في موتير متسقطه
بس انا مسقط 1500
و حتي لو بعتها هاجيب لانسر برده او سيفيك و اسقط
الموضوع سهل و فيه متعه

[wasta]

السعر المناسب لها

من 40 الى 48 آخرها حسب الحاله

[Memo_Lancer]

من 52 ل 55
لو نضيفه

[meteosat101]

كده فى اختلاف اسعار بس هيا فعلا صاحبها بيتكلم فى 48 فى حين انى وانا بدور شفت عربيه 99 اوتوماتيك وكانت متظبطه وكانت عامله 52 وكمان كانت فابريكه بس للاسف مكنشى فى فلوس ساعتها .

ياريت تساعدونى عشان لاأظلم صاحبها ولا هوا يغشنى

وكمان موضوع التوكيل اخدها واروح بيها فيه عشان يكشف عليها ؟؟

[HeMa_LanCeR]

أولا موضوع الموتور ده أتأكد منه اذا كان 1600 ولا 1300 ومتسقط ولا بتاعها
بس عموما قولي كماليتها ايه
وبالنسبه للتوكيل مش هيفيدك بحاجه بخصوص العداد
وانت كمان اوعي تشتري عربيه علي اساس العداد
اشتريها علي اساس حالتها العامه انت كل اللي ممكن تعمله تروح تكشف عليها في اي بنزينه كويسه وتشوف كبس الموتور كام

[mohamedrefaay]

الاوتوماتيك سحبها ضعيف

[dr-mohamed]

أولا موضوع الموتور ده أتأكد منه اذا كان 1600 ولا 1300 ومتسقط ولا بتاعها
بس عموما قولي كماليتها ايه
وبالنسبه للتوكيل مش هيفيدك بحاجه بخصوص العداد
وانت كمان اوعي تشتري عربيه علي اساس العداد
اشتريها علي اساس حالتها العامه انت كل اللي ممكن تعمله تروح تكشف عليها في اي بنزينه كويسه وتشوف كبس الموتور كام

هههههههههههههههههههههههههه
الله يسامحك يا هيما
كان لازم تعرفني اللى بيعملوه في العدادات
على فكرة انا ناوي ابيع العربية ناا كمان قريب اوي واجيب حاجة اعلى شوية بسيطة

الاوتوماتيك سحبها ضعيف

مش لدرجة كبيرة
هي مريحة جدا جوة البلد وعلى الطريق كل ما في الامر انها بتاخد وقت شوية في التجميع عن المانيوال

انما جوة القاهرة ال1300 زيها زي ال4700 كله مزنوق في الاشارة بس ال 1300 بياكل بنزين اقل

[kar!m]

انت لو بتدور على لانسر فى واحد صاحبى لسه شارى كورولا من يومين و بيبيع اللانسر بتاعته .. كريستاله 99 كحلى ..جميع الكماليات ..مانيوال .. نضيفه جداااا .. رشه بره ما عدا السقف .. و دواخل فابريكه طبعا كلها .. و فيها جنوط اسبور شيك مش عفشه .. و هو من النوع اللى بيعامل العربيه زى بنته بالضبط.
لو interested قل لى وانا اخليك تكلمه.

[mustafaibrahim]

من 40 الى 48 آخرها حسب الحاله

+11111111111111

[meteosat101]

شكرا على ردكم وربنا يسهل انا هاشوف بس فى الويك اند ايه الكماليات والحاله العامه لان كل دا فى التليفون وهارجع استشيركم تانى انشاء الله