سعر سياره بيكانتو 2006 ؟؟

[m4th]

السلام عليكم

عربيه كيا بيكانتوا موديل 2006
العربيه باور و سنتر و تكييف مانوال
عامله 30 الف كيلو و حالتها كويسه جدا
العربيه بجنط
كل الصيانات فى التوكيل و بأنتظام
العربيه دى تعمل كام ؟
العربيه مش محتاجه اى مصاريف
شكرا مقدما

[hardman20060]

لو فابريكه بالكامل بره وجوه وحاله ممتازه هتعمل في حدود 45

[m4th]

لو مغيره شنطه ؟ :)

[hardman20060]

يبقي لازم حد كويس يفحصها الاول

[m4th]

و الله هى العربيه مفهاش الهوا غير انها اتخبطت خبطتين صغنين كده فى الكبوت و الشنطه و صاحبها موسوس جدا
راح التوكيل غيرهم
لكن العربيه زى ما انت شايف عامله 30 الف كيلو , موتورها زيرو و كل حاجه فيها زى الجديد بالظبط و يمكن انضف كمان

[Dejavu_exara]

باشا مفيش حاجة اسمها موسوس دى فى حاجة اسمها ان انت تكشف على العربية كويس اوى وياريت لو تروح بيها التوكيل علشان انت هتدفع فيها فلوس وربنا معاك

[m4th]

لا لا العربيه دى بتاعه صاحبى , و العربيه على ايدى كل حاجتها معموله فى التوكيل , من اكبر حاجه لاصغر حاجه
ده ولاعه العربيه باظت راح جابها من التوكيل فى القاهره
هو بيفكر يبعها و عايز اعرف تمنها عشان محدش يخسف له بيها الارض بس ..
و شكرا جزيلا على الرد