مطلوب مساعدة : حيرة شراء المستعمل (+40 الف)

[Survival]

السلام عليكم ورحمة الله وبركاته

معظم اللى بيشترى مستعمل بيبقى فى حيرة كبيرة لان معاير سوق المستعمل عندنا فى مصر غريبة
ممكن تلاقى مثلا عربية تحفة و بسعر ممتاز لكن قطع غيارها قليلة و غالي و فى نفس الوقت تلاقى عربية ماتستهلش تمنها لكنها غالية لان قطع غيارها موجودة عند اى حد و فى كل حته

انا بقالى فترة عاوز اشترى عربية مستعملة كويسة و احتياجاتى هى
- موديل 1995 الى 2005 و السعر +40 الف
- تناسب ظروف عملى من حيث السفر لفترة شهريين ( موجود اللى هياخد باله من العربية فالفترة دى)
- قليلة الاعطال مهو انا مش ناقص اقضى اجازتى فى التصليح او عند الميكانيكية
- خبرتى فى الميكانيكا ضعيفة
- مش مهم الشكل او وجود شنطة. التكييف هو اهم حاجة عندى
- ناوى اغير بعد 5 - 7 سنيين
- مفييش سفر و اعلى استهلاك هيكون 70 كيلومتر فاليوم مرتين فالاسبوع باقى الايام بالكتير 20 كم او واقفه
- مش بقتنع بالدايو نفسيا ولا الصينى
- ساكن فى حدائق حلوان

الاختيارات المتاحة ليا

- هيونداى اكسيل
- هيونداى أكسنت
- كيا ريو
- ابيزا
- بيجو 405 ( حبيبة قلبى )
- مازدا فاميلى 99 (عربية تحفة بس قطع الغيار و الصيانة هتغلبنى وصعب ابيعها)
- ستروين اكسارا
- بيجو 206
- فورد مونديو
- نيو اكسنت 2007 اوتو تخلص على 53000 حالة ممتازة ( بس اعلى من المبلغ اللى انا حاطه)

انهى واحدة تعتتبر احسن اختيار ليا بفرض ان الحالة الجيدة وهل فى اختيارات تانية افضل لاحتياجاتى

مستنى رأيكم

وشكراً مقدما على النصيحة

[mahmoud_anwar]

عايز نصحتي بجد خليك في الالماني اي نعم قطع غيارها غاليه بس معمره جدآآآ وعربيات صجها قوي وعربيات امكنيتها اعلي من أمكنيات الموديلات الحديثه من الي ذكرتهم
عندك البي ام 316 موديل 90 تعمل من 45 الي 50
عندك المرسيدس 200 وانا ارشحهاك موديل 80 وعربيه بسم الله ماشاء الله عليها قطر صاج ايه وقوه عزم ايه وامكنيات ايه بس مش هحكيلك عليها العربيه دي تسوقها وانتا الي هتحكم بعد كده ابعد عن كل العربيات الي ذكرتها ودور في عربيتن فقط البي ام او المرسيدس ضيع فلوسك في حجات مفيده مش حجات منظر علي الفاضي دايو ايه ومتسوبيشي ايه وكلام فاضي من ده الالماني لا يعله عليه

[faron525]

دايو لانوس عربية روعة من حيث توافر قطع الغيار واستهلاك البنزين

[JAM]

دايو لانوس عربية روعة من حيث توافر قطع الغيار واستهلاك البنزين

+111111111111111111