فابيا 2003 ولا استرا 2001

[eng.3tya]

ارجو الإفادة من اعضاء المنتدى .... عاوز اجيب عربية في حدود 40 - 45 الف وبحب العربيات الألماني
بس محتار في عربيتين سكودا فابيا 2003 ولا اوبل استرا 2000 او 2001 .. عاوز ردكم عليا بسرعة ...

[mexmarine]

بصفتى من ملاك الاوبل استرا 2000 انا شايف انها عربيه ممتازه 1200 سى سى موتور ايكو تك قوة جباره و موفر الى ابعد حدود , انجيكشن و مش شايف عيوب فيها ظاهره حتى الان ,, فقط حساس الاير ماس فلو بيضرب مع اهمال تغيير فلتر الهواء و العربيه داخله على الـ 80 ألف كيلو .. فده فى رأيى مش عيب !! انما بالنسبه لى العربيه داخله على سنتين و الحمد لله انا غيرته بعد الشراء مع خصم ثمنه من ثمن العربيه لأنى شكيت فيه .. انما اتزان انسى لو عربيه فى فئتها تملكه و صاج المانى و على فكره ال 2000 المانى و 2001 و 2002 اسبانى و الاسبانى حصان اعلى (حوالى 92 حصان و الالمانى 76 حصان (انما حصان المانى ) و بالنسبه للفابيا لا اعلم عنها شيئ و ربنا يوفقك

[mexmarine]

على فكره الـ 45 ممكن تلاقى استرا معقوله انما مش بحالة ممتازه و خللى بالك اهم حاجه حالة العربيه لو مش ممتازه ماتجيبهاش

[engahmedsamy]

انا عندي السكودا تبدئ من a4
الاوبل 100100

[eng.3tya]

بصفتى من ملاك الاوبل استرا 2000 انا شايف انها عربيه ممتازه 1200 سى سى موتور ايكو تك قوة جباره و موفر الى ابعد حدود , انجيكشن و مش شايف عيوب فيها ظاهره حتى الان ,, فقط حساس الاير ماس فلو بيضرب مع اهمال تغيير فلتر الهواء و العربيه داخله على الـ 80 ألف كيلو .. فده فى رأيى مش عيب !! انما بالنسبه لى العربيه داخله على سنتين و الحمد لله انا غيرته بعد الشراء مع خصم ثمنه من ثمن العربيه لأنى شكيت فيه .. انما اتزان انسى لو عربيه فى فئتها تملكه و صاج المانى و على فكره ال 2000 المانى و 2001 و 2002 اسبانى و الاسبانى حصان اعلى (حوالى 92 حصان و الالمانى 76 حصان (انما حصان المانى ) و بالنسبه للفابيا لا اعلم عنها شيئ و ربنا يوفقك

متشكر جدا ياباشا على ردك الجميل ده .... طب بالنسبة لقطع الغيار اسعارها ايه وعمل الصيانه للعربية هل هيا لازم عند التوكيل ولا ممكن تتعمل بره ؟

[eng.3tya]

انا عندي السكودا تبدئ من a4
الاوبل 100100

متشكر جدا على ردك .... بس من حيث انك عندك فكرة عن الإسكودا ...الفابيا 2001 - 2003 ايه معلوماتك عنها واسعارها وصيانتها وقطع الغيار بتاعتها ؟

[eng.3tya]

على فكره الـ 45 ممكن تلاقى استرا معقوله انما مش بحالة ممتازه و خللى بالك اهم حاجه حالة العربيه لو مش ممتازه ماتجيبهاش

الأسترا الكويسة دلوقتي تعملها كان ؟؟؟

[BrainStorm]

من 50 ~ 55 وده لو هي 1200 لكن ممكن تلاقي برده منها 1600 ecotec اوتوماتيك 2002 بس ده نادر يعني ودي هتبقى في رانج el-60

[eng.3tya]

معلش ياجماعة في استفسار انا سمعت ان تكييف الأسترا ضعيف ومش قوي وفي ناس مضايقة من كده ..هل الكلام ده صحصح ولا لأ ؟؟؟