إعـــــــلان

Collapse

.

,
See more
See less

ايه اجراءات من اول نقل الملكيه لغايه نقل الرخصه باسمى لو سمحتم

Collapse
X
Collapse
 
  • Page of 1
  • Filter
  • الوقت
  • Show
Clear All
new posts
السابق template التالي
  • #1

    ايه اجراءات من اول نقل الملكيه لغايه نقل الرخصه باسمى لو سمحتم

    السلام عليكم
    انا اشتريت عربيه ميرا 91 من اول السنه وان شاء الله الرخصه هتخلص الشهر الجاى واللى باعلى العربيه عاملى توكيل بالبيع وهى مرور العجوزه وانا مرور شبرا
    كنت عاوز اعرف ايه كل الاجراءات اللى هعملها عشان فى الاخر تبقى الرخصه باسمى
    انا سمعت انى لازم اروح مرور العجوزه وانقل ملف العربيه للمرور اللى انا تبعه هل دا صحيح فعلا والنقل دا بيتعمل امتى بالظبط
    انا لحد دلوقتى معملتش اى حاجه وكمان بضيف ان الموضوع مش نقل الرخصه بس دا كمان هيكون فى فحص
    فى انتظار المساعده
    [CENTER][SIZE=5][COLOR=#005916][FONT=Tahoma][COLOR=#dbd009]سبحان الله وبحمده[/COLOR] [COLOR=#24ad09]سبحان الله العظيم[/COLOR][/FONT][/COLOR][/SIZE]
    [FONT=Tahoma] <!--[if !supportLineBreakNewLine]-->[/FONT][/CENTER]
    الكلمات الدلالية (Tags): اجراءات, الرخصه, الملكيه, اول, ايه, باسمى, سمحتم, معايه, نقل
  • #2
    بص ياباشا اول حاجه لازم تروح الشهر العقارى و تسجل العربيه باسمك لان لو الرخصه انتهت حيطلب منك شهاده بيانات.

    انا عن نفسى بريح دماغى من قرف المرور و الكلام ده و احسن حاجه بعد متسجل باسمك تعمل توكيل اداره لواحد انت واثق فيه كويس و تشطب من التوكيل امكانيه البيع لنفسه وللغير و توكيل للغير يعنى التوكيل للتعامل مع المرور فقط و تراعى ان الشخص ده له تعاملات مع المرور و تراضيه فى الاخر ... وهو حيخلصلك كل حاجه من شهاده مخالفات حتى الفحص و حيجيبلك العربيه مرخصه باسمك و انت ريح دماغك احسن .
    الحمد لله كما ينبغى لجلال وجهك و عظيم سلطانك

    Comment

    • #3
      التوكيل اللى معاك تسجله فى الشهر العقارى تدفع مصروفات التسجيل بإسمك و كده تبقى العربيه بإسمك

      تروح المرور التابع له صاحبها الاول و تتبع إجراءات الاوراق أظن هتعمل شهادة مخالفات و مطابقه لرقم الموتور و الشاسيه لانهم هيطلبوه فى المرور عندك

      تكشف على العربيه فى المرور بتاعكو هيتعمل لها دوسيه مؤقت و هتطلع لك شهاده مؤقته بإسمك حوالى 6 الى 9 شهور لحين نقل الملف و لما تجدد الشهاده المؤقته تسأل عليه و لو جه هتطلع لك رخصه .
      [COLOR="Blue"][CENTER]ربى لا إله إلا أنت سبحانك إنى كُنت مِن الظالمين[/CENTER][/COLOR][CENTER]أخوكم / محمد عبد السلام[/CENTER]

      Comment

      • #4
        المشاركة الأصلية كتبت بواسطة mexmarine مشاهدة المشاركة
        التوكيل اللى معاك تسجله فى الشهر العقارى تدفع مصروفات التسجيل بإسمك و كده تبقى العربيه بإسمك

        تروح المرور التابع له صاحبها الاول و تتبع إجراءات الاوراق أظن هتعمل شهادة مخالفات و مطابقه لرقم الموتور و الشاسيه لانهم هيطلبوه فى المرور عندك

        تكشف على العربيه فى المرور بتاعكو هيتعمل لها دوسيه مؤقت و هتطلع لك شهاده مؤقته بإسمك حوالى 6 الى 9 شهور لحين نقل الملف و لما تجدد الشهاده المؤقته تسأل عليه و لو جه هتطلع لك رخصه .
        تمام ياباشا الله ينور عليك

        Comment

        • #5
          شكرا يارجاله بس ليا استفسارات
          انقل الملكيه من انهى شهر عقارى بالظبط ؟
          وموضوع شهاده مؤقته دا مياثرش لو انا مثلا عاوز ابيع العربيه بعد الترخيص على طول ؟
          وحاجه تالته موضوع شهاده المخالفات دا كان واحد بيقولى انه بيتعمل فى مرور الدراسه بس هل الكلام دا صح ولا غلط
          وشكرا
          [CENTER][SIZE=5][COLOR=#005916][FONT=Tahoma][COLOR=#dbd009]سبحان الله وبحمده[/COLOR] [COLOR=#24ad09]سبحان الله العظيم[/COLOR][/FONT][/COLOR][/SIZE]
          [FONT=Tahoma] <!--[if !supportLineBreakNewLine]-->[/FONT][/CENTER]

          Comment

          • #6
            بص يا معلم
            بعد ما تسجل التوكيل باسمك يعنى تبيع لنفسك فى اى شهر عقارى عادى
            تروح مرورك الى انت تبعه .... تجيب ورق فحص هيرافعوا البصمات عليه ( الموتور والشاسية ) .... وهتروح تعمل مطابقة بصمة فى مرورها وتجيب شهادة مخالفات وتسلمها فى مرورها ... وتسلم لوحاتها فى مرورها ..... وتسلم رخصتها فى مرورها ....هيدولك شهادة بيانات لمرورك الى انت تابع ليه فى مايفيد انك سلمت الرخصة واللوحات وشهادة المخالفات فى مرور السيارة ..هترجع بعد كدة لمرورك تفحص وتسلم شهادة البيانات والعقد المسجل وتدفع الضريبة والتامين وتشترى الطفاية وهتاخد رخصة على طول واى خدمة

            Comment

            السابق template التالي
            Working...
            X