تسعيير السيارات المستعملة هدية لاعضاء نايل موتورز (الجزء الثالث)

[sherifowahba]

استاذ شريف
جزاك الله خيراً على الاهتمام وسرعة الرد
و لكن للاسف السيارة الكورولا 1997 اتباعت و ملحقتهاش
بعد اذن حضرتك امامي الان سياراتين
الاولى:
لانوس 1 1999
250000 كم
مانيوال
فبريكة بره و جوه ماعدا رفرف امامي و اكصدامين
اللون احمر
بها بعض الخرابيش
حالة الماتور و العفشة جيدة
تكييف و بارو و كاسيت فقط
مطلوب 39000ج

و الثانية:
لانسر كريستالة 1998
اتوماتيك رياضية
فتحة سقف كهرباء
جنوط اسبور
فبريكة جوه و سقف
146000كم
مطلوب 50000 ج

ايه راي حضرتك في السعر و ترشحلى اشتري حاجه منهم ولا استنى

لا شكر علي واجب وجزاك الله الخير كله
العربيتين سعرهم كويس لا غالي ولا رخيص
وانا من رأيي توكل علي الله في الجامبو مادامت بحالة ممتازة وبدون مصاريف

[sherifowahba]

استاذ شريف
كل سنة و انت طيب و اتمنى تكون بخير فى قدامى
سكودا فيليشيا 1995 1300 | 126000كم
اللون كحلى + الصالون الاصلى وبحالة جيدة جدا+فبريكة دواخل + جنوط سبور+بطارية جديدة بالضمان+ مرفوعة 5سنوات +نمر جديدة وباسم المالك رخصة سنة
تعمل كام تقريبا عشان بفكر اشتريها

كل عام وحضرتك بخير
تعمل 26 الف

[sherifowahba]

كيا سبكترا 2005

1600cc

50 الف كيلو

مانيوال ولا اوتوماتيك وحالة الدهان برة وجوة شركة ام لا وهل محتاجة مصاريف

[sherifowahba]

ممكن تسعر لانسر 2006 1600سي سي اوتوماتيك ، 5 جنوط اصلي ، كاسيت اصلي ، 120000 كم نبيتي ، دواخل فابريقه و راشه اكصدام خلفي و باب سائق فقط ، صيانه بالتوكيل ، كاوتش جديد، ايرباج للسائق و abs

تعمل 69 الف

[salmabash]

شكرا جزيلا ، طيب بعد ا1نك لو صبرت سنه و بعتها ممكن تبقي بكام ، حتكون عامله حوالي 140-150 الف كيلو دي اللانسر ال1600 الاوتوماتيك اللي حضرتك قلت تعمل 69000

[sherifowahba]

شكرا جزيلا ، طيب بعد ا1نك لو صبرت سنه و بعتها ممكن تبقي بكام ، حتكون عامله حوالي 140-150 الف كيلو دي اللانسر ال1600 الاوتوماتيك اللي حضرتك قلت تعمل 69000

يعني لو فضلت ظروف السوق زي ما هي من غير تخفيضات او زيادات وكنا علي وشك نزول موديلات 2012هتعمل في رينج ال 65 الف باعتبارها علي نفس حالة الدهان وربنا يحمهالك

[salmabash]

الف الف شكر و ربنا يباركلك :-))

[sherifowahba]

الف الف شكر و ربنا يباركلك :-))

لا شكر علي واجب وانا تحت امرك في اي وقت

[salmabash]

طيب بعد اذنك انا بافكر اشتري BMW 318I او 320I أو Mercedes C180 و من ضمن الحاجات اللي حتحكمني في الاختيار سعر اعادة البيع بعد 5 سنين ، يعني العربيات دي زيرو بالاتي : bmw 318 i -idrive 298000 , bmw 320 i 360000 , mercedes c180 =295000 يا تري سعر كل منهم في الظروف العاديه حيبقي كام و جزاك الله خيرا

[agnet]

تعمل 39 الف و لاتزيد عن 40 الف لسببين
الاول ان الفتيس الاوتوماتيك يبدو ان فيه مشكلة ممكن تستدعي التغيير
الثاني شرخ الكرتيرة الخلفية ستستدعي لحام ورش في الكرتيرة من الدواخل

جزاكم الله خيرا يا استاذ شريف
كنت على وشك اني اشتري العربية بس ربنا ستر.

[galilioglal]

مانيوال ولا اوتوماتيك وحالة الدهان برة وجوة شركة ام لا وهل محتاجة مصاريف

فابريكة جوة و برة و مش محتاجة مصاريف خالص
ما سعرها؟

[sherifowahba]

طيب بعد اذنك انا بافكر اشتري bmw 318i او 320i أو mercedes c180 و من ضمن الحاجات اللي حتحكمني في الاختيار سعر اعادة البيع بعد 5 سنين ، يعني العربيات دي زيرو بالاتي : Bmw 318 i -idrive 298000 , bmw 320 i 360000 , mercedes c180 =295000 يا تري سعر كل منهم في الظروف العاديه حيبقي كام و جزاك الله خيرا

انا مش فاهم سؤال حضرتك قوي لاني مطلوب مني سعر كل عربية في الظروف العادية يعني قصد حضرتك سعرهم زيرو ولا مستعمل
اما من ناحية سعر اعادة البيع المرسيدس افضل من البي ام في هذه الجزئية فلو امكانيات حضرتك تسمح بالسي 180 هتكون الافضل لان عند اعادة بيعها مش بتخسر قوي زي البي ام

[sherifowahba]

جزاكم الله خيرا يا استاذ شريف
كنت على وشك اني اشتري العربية بس ربنا ستر.

لا شكر علي واجب
والحمد و الشكر كله لله سبحانه وتعالي

[sherifowahba]

فابريكة جوة و برة و مش محتاجة مصاريف خالص
ما سعرها؟

تمام بس حضرتك ماردتش عليا هي مانيوال ولا اوتوماتيك

[galilioglal]

تمام بس حضرتك ماردتش عليا هي مانيوال ولا اوتوماتيك

اسف نسيت مانيوال