تسعيير السيارات المستعملة هدية لاعضاء نايل موتورز (الجزء الثالث)

[sherifowahba]

السلام عليكم و كل سنه و حضرتك طيب - عيد مبارك

بعد اذنك ارجو ان ترتب لي السيارات التاليه مره من حيث الرفاهية والقوة والثبات على الطريق ومره من حيث توافر قطع الغيار ورخص مصاريف العربية :
Bmw 316i - 1600cc - automatic - 1992
vw passat - 1600cc - automatic - 1998
skoda octavia - 1600cc - automatic - 2000
opel vectra - 1600cc - automatic - 2001
mitsubishi lancer - 1600cc - automatic - 2002

وحضرتك تنصح بايه فيهم ؟ ( مع العلم انى اريد اقتناء سيارة لفترة طويله لن تقل عن 6 سنوات قبل أن افكر فى بيعها ، وأغلب تحركاتى داخل المدينة )

حضرتك عايز تسعرهم ولا ترتب الافضل منهم
لو عايز تسعرهم يا ريت حالة الدهان داخلي وخارجي وعداد الكيلو متر وبها مصاريف ام لا
لو عايز ترتبهم ياريت تقولي اولوياتك في الترتيب

[sherifowahba]

السلام عليكم
دى اول مشاركه ليا فى المنتدى
ممكن حضرتك تسعرلى
لانسر مكواه 2001 رشه بره ومرشتش جوه 1300 سىسى مش محتاجه مصاريف تكييفها شغال كويس العربية مانيوال الزجاج منيوال العربية فيها اسبويلر بتاعها الاصلى الجنوط مش اسبور

حضرتك نورت المنتدي ويشرفني ان اول مشاركة تكون عندي هنا
العربية تعمل 54 الف باعتبارها بدون مصاريف وعدادها معقول

[sherifowahba]

السلام عليكم ورحمه الله

1 الماركة والموديل
فولكس فاجن بورا 2002
2 السي سي للسيارة
1600 سى سى و العدد 130,000 كيلومتر
3 كماليات السيارة وهي مانيوال او اوتوماتيك وهل في كماليات معطلة او لا تعمل
اتوماتك و جميع الكماليات تعمل بكفاءه
4حالة الدهان هل هي برة وجوة شركة او رشة برة الجنبين او رشة برة بالكامل او رشة اجزاء في الدواخل وتوضيحها او رشة جوة كلها
العربيه رشه بره لجعل اللون ميتالك وليست حوادث
5 حالة السيارة عامة كميكانيكا وعفشة و صالون و كهرباء
هل فيها مصاريف مع ذكرها ام لا
بحاله ممتازه

بافتراض ان الحاله كما ذكرت ما هو سعرها العادل و هل تنصحنى بشرائها؟!
مع الشكر مقدما,
جزاك الله كل خير

تعمل 67 الف
وانا انصحك بشرائها ان كنت بتدور علي عربية امان وممتعة في القيادة وممكن تستحمل قلة قطع غيارها شوية واعادة بيعها الغير سريع

[sherifowahba]

ممكن سعر

هيونداى فيرنا موديل 2008 أوتوماتيك عملة حوالي 40 ألف كم دهان فبريكة برة و جوة ،صيانة في التوكيل، حالة ممتازة ، مفيش أي مصاريف

مساعدين d2 coil over .. ساوند سيستم و dvd
جنوط و كاوتش جديد ...

تعمل 58 الف

[mr_sameh]

ممكن سعر
كورولا 94 خليجي تكييف ممتاز باور قزاز كهربا الاربعه اوتوماتيك موتور انجكشن 1600 حالته ممتازه وحدات رفع وانذار وسنتر وفتح الشنطه من الريموت و فرش جلد
كاوتش جديد 5000 ك بطارية فارتا جافه الماني في الضمان فابريكه من جوه وراشه جوانب فقط عداد 200000 ك الحاله ممتازه بدون مصاريف

[sherifowahba]

ارجو معرفة سعر سيارة سيتروين موديل 96 زجاج كهربا أمامي 1400 سي سي بها تكيف يحتاج صيانة وتحتاج رش من الخارج فقط وهيا مانيوال الحالة العامة جيدة

هي ax or zx
ارجو التوضيح

[sherifowahba]

( سياره* فيات 128* 1300 cc خمس سرعات موديل 90 بحاله جيده جدا , عفشه جديده وكاوتش جديد وبطاريه جديده)

انا لسه ما شوفتهاش الكلام ده على وصف صاحبها , بفرض الحاله اللى بيقول عليها دى و دواخل فبريكه

تعمل كام ؟

تعمل 19 الف

[sherifowahba]

أرجو المساعدة في تسعير السيارة الاتية
دايو لانوس 1999
1500 سي سي
جميع الكماليات مانيوال
قابريقة برة وجوة ماعد رفرف يمين وبها بعض الخربشة الخارجية
حالة السيارة عامة كميكانيكا وعفشة و صالون و كهرباء ممتازة (45000 كم فقط لا غير حيث ان صاحبها يعيش في مدينة صغيرة وقليل السفر والحركة).

تعمل 44 الف

[sherifowahba]

رينو كليو 2005 اتوماتيك 1400 سي سي خليجي عاملة 100000 كيلو االة فابريقا جوا و بره

تعمل 47 الف

[salmabash]

كل سنة وحضرتك طيب
الترتيب من ناحية الثبات كالتالي :
سي 250
318
سي 180
316

ميرسي يا افندم كل سنة و حضرتك طيب

[makka]

الف شكر يا باشا على الرد وانا كنت بعت لحضرتك استفسر عن سعر العربية تانى فياريت حضرتك تتجاهل استعجالى
انا فعلا بعت العربية المكواة على 51000 واللى اخدها منى باعها 53000 تانى يوم كان العداد بتاعها كبير شويتين بس مكنه ماشاء الله غول على الطريق.
انا بفكر اجيب لانسر مستعمله برده بس محتار بين البوما والقرش نفسى اجيب القرش بس خايف من قطع الغيار اذا احتاجت لاقدر الله وخايف من الصنايعية اللى بيفتكسوا ومش عايز اجيب البوما بسبب انها مع كل الناس مش هبقى مميز بس هيا هقدر اسيبها للصنايعية بقوا حريفه فيها وقطع غيارها موجوده ومش هحاول اجيب كورى حمايا معاه لانوس2 بركبها معلش مش زى المكواه خالص فرق السما من الارض سواء فى الصالون او الموتور مع ان موتور اللانوس 1500 والنيسان صنى مع ابن خالى زيرو مبتريحنيش وانا راكبها صالونها سيئ جدا ومش مريح والتويوتا سعر اعادة البيع فيها عالى قوى وصاحبها تنك شوية وهو بيبيعها مش هنريح بعض مستحيل اجيب تويوتا 2004 مثلا بـ80000 انا ادفعهم فى 2008 لانسر سواء شارك او بوما.
انا طولت جدا على حضرتك بس مستنى رد حضرتك اجيب ايه؟ بوما ولا شارك ومش هبيع قريب مش هغير اذا كانت حلوه الا بعد 6 سنين مثلا.
شكرا لاهتمامك جزاك الله كل خير وعلى فكره المنتدى منور باصحابه وبيك يا باشا

[sherifowahba]

السلام عليكم
لانسر بوما 2006 أوتو 1600 كامله بدون فتحة سقف فابريكا بره وجوه 44000 كم صيانة توكيل
وجزاكم الله خيراً

هي كاملة هاف اسبورت بالجنوط واكر نيكل ولا عادية طاسات

[mohamedshiko]

المكواه تعمل 57 الف
الصني تعمل 55 الف
البونتو تعمل 42 الف
باعتبارهم بدون مصاريف جميعا

طب حضرتك تشوف انهي افضل

البونتو 2003 و لا البولو 2001 و لا نيسان 2000
ايهم افضل في اسعار قطع الغيارو التحمل لان ناس كتير بتشتكي لي من ان الثلاثة قطع غيرهم غالية و تنصحني بانهي واحدة مع العلم ان حالتهم كلهم ممتازة

[sherifowahba]

أرجو المساعدة في تسعير السيارة الاتية
فيات باليو 2004
1300 سي سي
جميع الكماليات أتوماتيك
قابريقة برة وجوة
حالة السيارة عامة كميكانيكا وعفشة و صالون و كهرباء جيدة (47000 كم فقط).

تعمل 37500

[sherifowahba]

أرجو المساعدة في تسعير السيارة الاتية
نيسان صني 2001
1300 سي سي ياباني
جميع الكماليات مانيوال
قابريقة برة وجوة عدا بعض الخربشة
حالة السيارة عامة كميكانيكا وعفشة و صالون و كهرباء جيدة جدا (70000 كم فقط).

تعمل 56500 باعتبار الخرابيش بسيطة ولا تستدعي الدهان