تسعيير السيارات المستعملة هدية لاعضاء نايل موتورز (الجزء الثالث)

[zamalek26]

استاذى العزيز من فضلك جاوبنى لما يكون عندك وقت فقط ما فيش داعى تركز اوى فى موضوع بس اهم حاجة ما تنسانيش من فضلك :
انا هحاول على قد ما اقدر اكتبلك التفاصيل المحددة كالاتى والمطلوب معرفة سعرها العادل فى السوق :العربيه شرط تكون فبريكة جوة وبرة -استعمال كسر زيرو العداد اقصى حاجة يكون 15 الف كيلو -اتوماتيك فقط- اقل درجة مع ذكر هل فيهاabs-وايرباج ؟ فى الاتى :


-كورولا 2007 كسر زيرو اتوماتيك 1600 سى سى :بدون رينجات او فتحه سقف.

-هايونداى النترا 2009 كسر زيرو اتوماتيك 1600 سى سى بدون رينجات ولا اى حاجة تكون اقل درجة.(هل بيبقى فيها اى بى اس؟ وهل فيها اير باج؟)

-هايونداى النترا 2010 كسر زيرو اتوماتيك 1600 سى سى بدون كماليات..(هل بيبقى فيها اى بى اس؟ وهل فيها اير باج؟)

-نيو اكسنت 2010 كسر زيرو اتوماتيك 1600 سى سى بدون كماليات.

-نيو اكسنت 2011 كسر زيرو اتوماتيك 1600 سى سى بدون كماليات .

-كيا سيراتو 2011 كسر زيرو اتوماتيك 1600 سى سى بدون كماليات اقل درجة يعنى..(هل بيبقى فيها اى بى اس؟ وهل فيها اير باج؟)

-كيا سيراتوا 2010 كسر زيرو اتوماتيك 1600 سى سى بدون كماليات اقل درجة يعنى.

- لانسر شكل قديم 2010 كسر زيرو اتوماتيك 1600 سى سى بدون كماليات اقل درجة ..(هل بيبقى فيها اى بى اس؟ وهل فيها اير باج؟)

-لانسر شكل قديم 2011 كسر زيرو اتوماتيك 1600 سى سى بدون كماليات.

-لانسر شكل قديم 2009 كسر زيرو اتوماتيك 1600 سى سى بدون كماليات .

اهم حاجة تكون فابريكه جوة وبرة وعداد قليل جدا

وربنا يوفقك

سيدى الفاضل دة تانى مرة افكرك بيا وبردة مافيش رد .
لو حضرتك رافض ترد يا ريت تبلغنى عشن لا ازعجك تانى.

[moh.aboelkheir]

هي انجوي اعلي فئة وبصمة ارجو التوضيح

لا ليست اعلى فئه و لكن مواصفاتها كما هو موضح

[dramir1]

شريف باشا:النترا 2004 كامله اتوماتيك عامله 130 الف كم ...رشه فقط بره بالكامل

وكيل مع صيانات بالوكيل بدون جنوط ولا فتحة سقف

[drmomoking]

ال 2006 تعمل رينج ال 65 للاوتوماتيك و 70 للبانوراما
ال 2007 تعمل في رينج ال 70 للوتوماتيك و 75 للبانوراما
ودي اسعار تقريبية الي ان توافيني بمواصفات السيارة بالتفصيل

شكرا لحضرتك وان كنت عاوز سعر متوسط عشان لما ادور اعرف الرنج اية واكيد حرجع لحضرتك بالمواصفات فى حالة وجود واحدة بحالة جيدة جدا وشاكر مرة اخرى

[lidoo_85]

الدواخل فابريكه بس انا راشش العربيه كلها بره وجوه عشان تبقي كلها لون واحد فقط وفرش السقف جديد والتابلوه حالته ممتاز ومش محتاجه مصاريف غير علبه الدركسيون

[adel1414]

بارك الله فيك يااستاذ شرارجو من حضرتك تسعير سكودا اوكتافيا a4 موديل2006 مانيوال عداد74000كم فابريقة برا وجوة..وراى حضرتك بصفة عامة فيها من حيث قطع الغيار والاعتمادية وشكرااااا جزيلا لشخصكم الكريم

[dramir1]

النترا خليجي 2009 عامله 20 الف كم .كامله اتوماتيك.فتحة سقف وجنوط وتكيف تتش ...فابريكه بالكامل

[dramir1]

مازدا3 ايرو 2009 اعلى فئه عامله 33 الف كم فابرقه بالكامل خليجي وايه اخبار قطع الغيار؟؟

[sawyer]

subaru impreza 1998 فابريكة بالكامل مانيوال بدون كماليات اضافية
وشكراً

[motoxp]

استاذ شريف بعد اذنك
انا معروض عليا ورحت شفتها لانسر 2006 مانيوال 1300 فبريكة دواخل ورشة بره لون شامبين abs اول يد عداد 97 الف محتاجة اسطوانة وتنظيف زرار المريات الكهربة اشتريها بكام ؟

انا عرضت عليه 63 الف بس هو هيرد عليا بكره هل السعر ده كويس ولا ايه بالضبط

وشكرا

تعمل في رينج ال 60 الي 61 الف لان ال 63 كتير شوية علي 2006 ورشة برة و1300 مانيوال بالعداد المذكور

طب هى مغيره رفرف شمال فى التوكيل هل ده يأثر على سعرها
وهو ماسك فى 63.5 بيقول مغير 4 فرد جداد وبطارية جديده ايه رأيك

[alfarook]

نوبيرا 2 موديل 99 كورى معاقين بس ما ركبش عليها جهاز و حظر البيع مرفوع
1500 سى سى
اوتوماتيك و جميع الكماليات و كلها تعمل الحمد لله
فابريكه دواخل و راشه الجنبين اللون شامبين
حاله السياره ممتازه 95000 كيلو استعمال طبيب
رخصه سنتين و لا يوجد اى مصاريف

[alfarook]

على فكره
abs
جوز كاوتش جديد من اسبوعين
بطاريه من 6 شهور

[ahmmedbingo]

أ . شريف عايز اخد رأى حضرتك فى عربيه سيات ابيزا فى المجمل لانى شاب وشايفها مناسبه ليه وحاببها جدا بس فى ناس خوفتنى منها انت اية رائيك فيها من حيث قطع الغيار وصيانتها واعادة بيعها واستهلاكها للبنزين وانا ناوى اجيب ان شاء الله موديل من 94 الى 98
وشكرا جدا ليك

[H_fathy]

الرجاء المساعدة جزاك الله خيرا

كنت أنوي شراء سيارة في حدود 40000 - 42000 فأيهم أختار
1. دايو لانوس 1 99
2. دايو لانوس2003 -2004
3. نوبيرا 2001
4. كيا سيفيا 99-2001
أرجوا الافادة ايهم افضل كي اشتري سيارة فابريكة في حالة جيدة ولا تحتاج مصاريف؟؟ وماهي اسعارهم الحالية بالسوق؟؟ وماهو التوقيت المناسب للشراء الان ام لأنتظر لاول العام القادم حيث التخفيضات الجمركية مما ينعكس علي اسعار المستعمل ؟؟
جزاك الله خيراً

[alaasaid]

السلام عليكم و رحمة الله و بركاتة ,

بعد اذن حضرتك قدامى عربية لانسر موديل 2000 خليجى من عمان 1400 سى سى مانيوال , هى رشة بالكامل , تعمل كام تقريبا و الف شكر لحضرتك .